Salmos 2
2
1¿Bizr chee̱ na' dxeledábaga benne' xe̱zr la xu ca' neda'?
¿Bizr chee̱ na' dxululaba lázrequeze bénneache
da guzúa na neda' chalá'ala?
2Dxeledábagaqueze benne' wenná bea ca',
ne dxelún tuze dizra' benne' ca' dxelenná bea ca xelune̱'
chee̱ Xránadxu Dios, ne chee̱ Bénnea' gucá'a Le̱'.
3Dxelenné̱': “Guselá cuínadxu lu xel-la' dxenná bea chee̱',
ne guzúadxu chalá'ala da zaj nadxixruj bé'ene̱' dxi'u.”
4Naga dxe' Xránadxu xabáa dxuzrizre̱'.
Quebe dxezí' le̱ne̱' chee̱ da dxelegú'u lazré̱' xelune̱'.
5Lu xel-la' dxezrá'a chee̱' dxedil-le̱' le̱',
ne lu xel-la' snia chee̱' dxuchebe̱' le̱'.
6Dxenné̱': “Lu xi'a lá'azxa chia', xi'a Sión
ba nuzúa' benne' gaque̱' Wenná Bea waláz chia' neda'.”
7Dxenná Wenná Bea na': “Guzenda' le'e da
guzre Xránadxu neda'.”
Guzre̱' neda': “Lue' nacu' Zri'ina'. Ná'aqueze naca' Xrau'.
8Gunabe neda', na' gunna' Lue' xúgute̱ cue' xe̱zr la xu ca',
na' gaca chiu' dute̱ ca naca xe̱zr la xu.
9Guzízxenu' bénneache xe̱zr la xu ca' nen vara xia,
ne ca tu dxe'e xu guzuzru' le̱'.”
10Na'a, le'e, wenná bea, le xene da nigá dxuzéajni'ida' le'e.
Le guse̱de da nigá dxusízreda' le'e,
benne' dxelenná bea lu xe̱zr la xu.
11Le gun zrin chee̱ Xránadxu Dios, dute̱ xel-la' dxezrebe chee̱le.
Nen xel-la' dxezrize chee̱le, le be lau Le̱'.
12Le gapa ba lá'ana Zrí'ine̱' chee̱ quebe zre̱'e̱,
checa' cuía xile la neza chee̱le, lawe' da la zra'ate̱ Le̱'.
Da ba neza zrente̱ naca na chee̱ xúgute̱ benne'
dxuluxrén lazre̱' Le̱'.
Atualmente Selecionado:
Salmos 2: zat
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© 1981, Wycliffe Bible Translators, Inc. All rights reserved.