Salmos 150
150
1¡Le güe lá'ana Xránadxu Dios!
¡Le güe lá'ana Xránadxu lu xudau' chee̱'!
¡Le güe lá'ana xel-la' waca chee̱' lu xabáa chee̱'!
2¡Le güe lá'ana Le̱' ca zaj naca da zren da nune̱'!
¡Le güe lá'ana Le̱' ca naca xel-la' szren chee̱'!
3¡Le güe lá'ana Le̱', gucuézrele luzu ca' da dxulucuezre̱'!
¡Le güe lá'ana Le̱', quínnele da cun zríadi'i na du,
ne da ca' dxínnele!
4¡Le güe lá'ana Le̱', guchúnchule xide, ne guxa'ale!
¡Le güe lá'ana Le̱', quínnele da cun zríadi'i na du,
ne gucuézrele bchiuj!
5¡Le güe lá'ana Le̱', gutíl-lale xíadu ca'!
¡Le güe lá'ana Le̱', gutíl-lale xia zren ca'!
6¡Le güe lá'ana Xránadxu, xúgute̱le naca banle!
¡Le güe lá'ana Xránadxu Dios!
Atualmente Selecionado:
Salmos 150: zat
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 1981, Wycliffe Bible Translators, Inc. All rights reserved.