Rom 5
5
Debam de Wɛ na fɔge daane tei to
1Dé na ke dé wo-dedoa de Wɛ to mo pae dé jege chega o yiga ne. Konto ŋwaane, dé na me de dé Teiru Yezu Krista to mo pae debam de Wɛ fɔge daane. 2Yezu mo jaane debam o vo o zege Wɛ yiga ne, ye Wɛ ke debam zaane dé wo-dedoa kam ŋwaane. Konto to, dé jege teena we dé wó na paare Wɛ tei ne, ye ko pae debam wo pwoli lanyerane. 3Dé nam ta jege wopwolo dé yaara yam baŋa ne, kolo ŋwaane dé yei we yaara wae ya pae se dé fɔge dé zege mo de pu-dɛa.#Matiyu 5:11-12 4Dé pu-dɛa kam laam maa pae dé jege boboŋ-dɛɛra de Wɛ. Dé boboŋ-dɛɛra yam ta mo pae dé jege teena Wɛ tei ne. 5Dé na jege teena konto to bá pa dé na dé chaveera, kolo ŋwaane Wɛ tiini o ke o swono debam bochara ne, de o na pɛ o Sin-laao kom ta wo debam tei ne to.
6Debam ta na bwona ye dé ware dé jwoŋi de tete to, Yezu Krista tega maŋa kalo Wɛ boboŋa na kuri se o ma o jwoŋi wɛ-lwɛɛna ba wɛleera wone o yage to mo. 7Nɔɔn-nɔɔno bá sɛ se o zaza o te o dwoŋi ŋwaane, de o dwoŋi wom na ye chega tu tei to de. Dɛ delo nɔɔno bá kɔre foone se o te o dwoŋi nɔn-ŋom ŋwaane. 8Ko nam ná ye Baŋa Wɛ, wonto bere debam o na tiini o jege debam swono tei to de o na pɛ se Yezu Krista ba o te debam ŋwaane ye dé daa ta tɔge wɛleera chwoŋa to.#Jɔn 3:16; 1 Jɔn 4:10 9Yezu na tega ye o jana bam nwoŋi to mo pɛ dé na chega Wɛ yiga ne. Konto to, ko tiini ko ye chega we, o laam wó jwoŋi debam Wɛ ban-zɔŋɔ kom wone. 10Debam ya ye Wɛ dona mo. O Bu wom toone dem nam mo pɛ se debam de Wɛ fɔge daane. Debam laam na ye Wɛ nɔɔna to, ko tiini ko ye chega we, Wɛ wó da o Bu wom ŋwea ŋwaane o jwoŋi debam ŋwea. 11Ko ta woli da, dé jege wopwolo lanyerane de Wɛ na zeini debam dé Teiru Yezu Krista ŋwaane to. Wonto mo pore chwoŋa se debam de Wɛ ba dé fɔge daane.
Adam de Yezu Krista memaŋe
12Nabiinu dedoa ŋwaane mo pɛ se wɛleera ba logo baŋa, ye wɛleera de ja toone ya woli da ya ba. Konto to, nabiina maama jege se ba te, ba maama na ke wɛleera to ŋwaane. 13Wɛ déem ta na wo ke o ni-kaana yam o nɔɔna jeŋa ne to, de wɛleera maŋe ya wora mo logo baŋa ne. Ni-kaana nam na tera to, Wɛ ba ke nɔɔna wɛleera o boboŋa ne. 14Maŋa kam konto ne, ko zege Adam maŋa kam ne se ko vo ko yi Moses maŋa kam, toone nam maŋe de wae nabiina pa se ba maama toa. Toone maa wae balo de na ke ba tusi, ye ko dae nenɛɛne Adam déem na ke tei ye o chɔge Wɛ ni dem to.
Adam nam bere debam Yezu ya na lage o ba se ko taa ye tei to. Ba nam dae bedwe. 15Adam déem na ke o tusi tei to dae bedwe de Wɛ na ke tei o zeini debam zɛɛra to. Nabiinu dedoa kam konto tusim dem mo pɛ se nɔɔna dedɛ tɔge ba te. Wɛ zaane dem nam dwoi konto ye o toŋe nabiinu dedoa Yezu Krista o pa nɔɔna zɛɛra se wonto ke zaane o ke ba yuu ne. 16Wɛ na kwei pɛɛre dem o pa nɔɔna zɛɛra konto to dae bedwe de nabiinu dedoa kam na ke o tusi tei to. Wonto na ke o tusi bedwe to mo pɛ se Wɛ bore nɔɔna o chɔge. Ko daare nɔɔna dedɛ na ke ba tusi to, Wɛ zeinim dem nam pɛ se ba wɛleera dedɛ saare ye ba na chega o tei ne. 17Nabiinu dedoa kam tusim dem mo pɛ se toone tɔge wonto ŋwaane de ba, ye de ta wae nɔɔna de dam. Ko nam tiini ko ye chega mo we, nabiinu dedoa Yezu Krista mo pɛ nɔɔna chwoŋa se ba taa jege Wɛ ŋwe-doŋa kam de dam. Balo maama Wɛ na yɔɔre o ke zaane ba yuu ne pa se ba jege chega o yiga ne to mo wó na o ŋwe-doŋa kam konto Yezu Krista ŋwaane.
18Dé nam lɔre we Adam na ke o tusi bedwe to mo pɛ se nabiina maama na chɔgem Wɛ tei ne. Yezu Krista keim-laao dedoa kam nam mo pɛ se nɔɔna maama na chega Wɛ tei ne, ye ba jege Wɛ ŋwe-doŋa kam.#Izaya 53:11 19Nabiinu dedoa kam na ve Wɛ ni dem to mo pɛ se nɔɔna dedɛ tɔge o ŋwaane ba taa ye nɔn-chechɔgero. Nɔɔno dedoa kam nam na sɛ Wɛ ni to de wó pa se nɔɔna dedɛ taa jege chega Wɛ yiga ne.
20Wɛ déem ke o ni-kaana yam nɔɔna jeŋa ne se ko pa tusim mo fɔge de puli jaja. Wɛleera nam na puli konto to, Wɛ na ke nɔɔna zaane tei to mo tiini ko puli dedɛ. 21Konto to, wɛleera tɔge toone ŋwaane mo ya maa tei nɔɔna. Wɛ zaane dem nam tɔge o na pae nɔɔna chega tei to baŋa ne de maa zeini nɔɔna lanyerane se ba taa jege ŋwea kalo na ba jege kweelim Wɛ tei ne to dé Teiru Yezu Krista ŋwaane.
Atualmente Selecionado:
Rom 5: KBG
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2020, Ghana Institute of Linguistics, Literacy and Bible Translation (GILLBT)
Rom 5
5
Debam de Wɛ na fɔge daane tei to
1Dé na ke dé wo-dedoa de Wɛ to mo pae dé jege chega o yiga ne. Konto ŋwaane, dé na me de dé Teiru Yezu Krista to mo pae debam de Wɛ fɔge daane. 2Yezu mo jaane debam o vo o zege Wɛ yiga ne, ye Wɛ ke debam zaane dé wo-dedoa kam ŋwaane. Konto to, dé jege teena we dé wó na paare Wɛ tei ne, ye ko pae debam wo pwoli lanyerane. 3Dé nam ta jege wopwolo dé yaara yam baŋa ne, kolo ŋwaane dé yei we yaara wae ya pae se dé fɔge dé zege mo de pu-dɛa.#Matiyu 5:11-12 4Dé pu-dɛa kam laam maa pae dé jege boboŋ-dɛɛra de Wɛ. Dé boboŋ-dɛɛra yam ta mo pae dé jege teena Wɛ tei ne. 5Dé na jege teena konto to bá pa dé na dé chaveera, kolo ŋwaane Wɛ tiini o ke o swono debam bochara ne, de o na pɛ o Sin-laao kom ta wo debam tei ne to.
6Debam ta na bwona ye dé ware dé jwoŋi de tete to, Yezu Krista tega maŋa kalo Wɛ boboŋa na kuri se o ma o jwoŋi wɛ-lwɛɛna ba wɛleera wone o yage to mo. 7Nɔɔn-nɔɔno bá sɛ se o zaza o te o dwoŋi ŋwaane, de o dwoŋi wom na ye chega tu tei to de. Dɛ delo nɔɔno bá kɔre foone se o te o dwoŋi nɔn-ŋom ŋwaane. 8Ko nam ná ye Baŋa Wɛ, wonto bere debam o na tiini o jege debam swono tei to de o na pɛ se Yezu Krista ba o te debam ŋwaane ye dé daa ta tɔge wɛleera chwoŋa to.#Jɔn 3:16; 1 Jɔn 4:10 9Yezu na tega ye o jana bam nwoŋi to mo pɛ dé na chega Wɛ yiga ne. Konto to, ko tiini ko ye chega we, o laam wó jwoŋi debam Wɛ ban-zɔŋɔ kom wone. 10Debam ya ye Wɛ dona mo. O Bu wom toone dem nam mo pɛ se debam de Wɛ fɔge daane. Debam laam na ye Wɛ nɔɔna to, ko tiini ko ye chega we, Wɛ wó da o Bu wom ŋwea ŋwaane o jwoŋi debam ŋwea. 11Ko ta woli da, dé jege wopwolo lanyerane de Wɛ na zeini debam dé Teiru Yezu Krista ŋwaane to. Wonto mo pore chwoŋa se debam de Wɛ ba dé fɔge daane.
Adam de Yezu Krista memaŋe
12Nabiinu dedoa ŋwaane mo pɛ se wɛleera ba logo baŋa, ye wɛleera de ja toone ya woli da ya ba. Konto to, nabiina maama jege se ba te, ba maama na ke wɛleera to ŋwaane. 13Wɛ déem ta na wo ke o ni-kaana yam o nɔɔna jeŋa ne to, de wɛleera maŋe ya wora mo logo baŋa ne. Ni-kaana nam na tera to, Wɛ ba ke nɔɔna wɛleera o boboŋa ne. 14Maŋa kam konto ne, ko zege Adam maŋa kam ne se ko vo ko yi Moses maŋa kam, toone nam maŋe de wae nabiina pa se ba maama toa. Toone maa wae balo de na ke ba tusi, ye ko dae nenɛɛne Adam déem na ke tei ye o chɔge Wɛ ni dem to.
Adam nam bere debam Yezu ya na lage o ba se ko taa ye tei to. Ba nam dae bedwe. 15Adam déem na ke o tusi tei to dae bedwe de Wɛ na ke tei o zeini debam zɛɛra to. Nabiinu dedoa kam konto tusim dem mo pɛ se nɔɔna dedɛ tɔge ba te. Wɛ zaane dem nam dwoi konto ye o toŋe nabiinu dedoa Yezu Krista o pa nɔɔna zɛɛra se wonto ke zaane o ke ba yuu ne. 16Wɛ na kwei pɛɛre dem o pa nɔɔna zɛɛra konto to dae bedwe de nabiinu dedoa kam na ke o tusi tei to. Wonto na ke o tusi bedwe to mo pɛ se Wɛ bore nɔɔna o chɔge. Ko daare nɔɔna dedɛ na ke ba tusi to, Wɛ zeinim dem nam pɛ se ba wɛleera dedɛ saare ye ba na chega o tei ne. 17Nabiinu dedoa kam tusim dem mo pɛ se toone tɔge wonto ŋwaane de ba, ye de ta wae nɔɔna de dam. Ko nam tiini ko ye chega mo we, nabiinu dedoa Yezu Krista mo pɛ nɔɔna chwoŋa se ba taa jege Wɛ ŋwe-doŋa kam de dam. Balo maama Wɛ na yɔɔre o ke zaane ba yuu ne pa se ba jege chega o yiga ne to mo wó na o ŋwe-doŋa kam konto Yezu Krista ŋwaane.
18Dé nam lɔre we Adam na ke o tusi bedwe to mo pɛ se nabiina maama na chɔgem Wɛ tei ne. Yezu Krista keim-laao dedoa kam nam mo pɛ se nɔɔna maama na chega Wɛ tei ne, ye ba jege Wɛ ŋwe-doŋa kam.#Izaya 53:11 19Nabiinu dedoa kam na ve Wɛ ni dem to mo pɛ se nɔɔna dedɛ tɔge o ŋwaane ba taa ye nɔn-chechɔgero. Nɔɔno dedoa kam nam na sɛ Wɛ ni to de wó pa se nɔɔna dedɛ taa jege chega Wɛ yiga ne.
20Wɛ déem ke o ni-kaana yam nɔɔna jeŋa ne se ko pa tusim mo fɔge de puli jaja. Wɛleera nam na puli konto to, Wɛ na ke nɔɔna zaane tei to mo tiini ko puli dedɛ. 21Konto to, wɛleera tɔge toone ŋwaane mo ya maa tei nɔɔna. Wɛ zaane dem nam tɔge o na pae nɔɔna chega tei to baŋa ne de maa zeini nɔɔna lanyerane se ba taa jege ŋwea kalo na ba jege kweelim Wɛ tei ne to dé Teiru Yezu Krista ŋwaane.
Atualmente Selecionado:
:
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2020, Ghana Institute of Linguistics, Literacy and Bible Translation (GILLBT)