Kikia 24
24
Feliki bwei Pɔɔl taane
1Da yanu na kɛ to, Juu tiina kaanem yuu tu Anania laam ma ba, o dedaane nakwa badaara. Lɔya tu wodwoŋi de tɔge o wo ba tei ne, o yere mo Tɛtulus. Ba ma vo ba jeini gɔmena tu wom yiga ne se ba tole kolo Pɔɔl na ke to ba bere‑o. 2Ba ma bwoŋi Pɔɔl se o ba. Lɔya tu Tɛtulus laam ma bobo se o ŋɔɔne taane dem. O ma tole o we, “Debam yuu tu Feliki, debam maama yei we, nmo kwaane n pa se debam logo kom jege ywoni se ko dáane. Nmo na jege debam tei to mo pɛ se n fɔge dé teo kom ye ko kɛ yiga. 3Nmo na ke kolo maama maŋa de maŋa naa jei de jei to, dé ke nmo lei ko ŋwaane kamunu kamunu. 4Amo nam ba lage se a ŋɔɔne dedɛ se ko daane nmo. Amo nam lwoori‑m se n cheigi debam na jege kolo fenfee se dé ta to. 5Debam maane we nɔɔno wonto jege nankɔɔre dedɛ. Logo baŋa ni maama ne o yeini o pa se bobɔga taa tui Juu tiina maama tetare ne. O maa kwori o ye yiga tu Nazarete tiina kɔgɔ kom wone. 6O ya ma maŋe o kwaane se o chɔge debam Wɛ diga kam chullu tem. Debam ma ja‑o. [Dé ya maa lage se dé tɔge debam Juu tiina chwei sem mo dé ma di o taane. 7Soja tiina dedɛɛro Lusia laam ma ba o vere‑o de dam debam jea ne. 8O ma pa ni we balo na saŋe Pɔɔl to ba nmo tei.] Nmo nam ná bwei‑o taane, nmo wó wane n lɔre o na ke kolo ye debam saŋe‑o to.”
9Tɛtulus na tage konto to, Juu tiina bam ma pu o kwaga we, o na tage kolo maama to ye chega mo.
10Gɔmena tu wom laam ma yeese o jeŋa Pɔɔl baŋa ne se o de daa tole o kwora. Pɔɔl ma ta o we, “Amo yei we nmo tei dé teo kom n nii ko baŋa ne se ko tiini ko dáane nenɛɛne bena dedɛ. Konto ŋwaane amo jege wopwolo se a zege nmo yiga ne a ŋɔɔne a jwoŋi a tete. 11Nmo tete nam wó lɔre we amo na vei Jerusalem se a zuli Wɛ to, ko ta wo dwoni da fuga-yalei zem dɛ dem ne. 12Juu tiina bam na nɛ amo Wɛ diga kam ne to, amo ba wora a mage ni-kantɔgɔ dedaane nɔɔn-nɔɔno. Ba nam wo nɛ-ne a na pɛ vuvuga zo nɔɔna tetare ne. Ko ná ye debam Juu tiina jeerim di sem ne naa jei de jei teo kom wone, ba wo nɛ a na ke konto dwoŋi. 13Wonnu telo maama ba na we a ke to, ba nam bá wane ba bere we te ye chega. 14Amo nam na wó sɛ a ta kolo de nmo to mo konto: Amo zuli Wɛ wolo na ye debam nabaara Wɛ to mo, ye a tɔge Wɛ chwo-doŋa kalo nɔɔna banto na tɛ ba we ka ye vwa to.#Kikia 9:2; 22:4 Amo nam sɛ a tɔge wonnu telo maama na popone Wɛ nia yam tɔnɔ kom ne, de faŋa faŋa Wɛ sampwori sem twanno tem wone to. 15Amo nam jege teena Wɛ tei ne, ne nɔɔna banto de na jege teena tei we, twa maama wó jwoori ba bi toone wone, nɔn-ŋona de nɔn-balwaaro maama. 16Konto ŋwaane amo nam kwaane a ke kokeiri mo se a ke kolo maama na lana Wɛ de nabiina tei ne to, ye foone tera a bochare ne.
17Amo déem ya tere Jerusalem ne se ko maŋe de bena kɔgɔ kɔgɔ na kɛ to ye a laam jwoori a ba. Amo jaane sabu pɛɛra mo a ba se a pa a teo kom yiniga tiina badwonna, ye a daare a jege pɛɛra se a ma a kaane Wɛ.#Rom 15:25 18A na wora a ke konto to, Juu tiina bam ma ba ba na amo Wɛ diga kam wone. Ba na nɛ-ne konto to, de amo maŋe a kwɛ a tete de Wɛ a ti. Nɔn-kɔgɔ de maa tere a tei ne. Bobɔga de nam tera. 19Ko daare Juu tiina badaara na nwoŋi Asia teene dem wone to mo tɔge ba wora. Banto ya ná jege woŋo de amo, ko nam ya maŋe se banto mo ba ba zege nmo yiga ne, se ba ta kolo amo na ke a chɔge to. 20Amo na zege Juu tiina nakwa kɔgɔ kom yiga ne a ŋɔɔne to, nam pa se nɔɔna banto na zege ywo-seeni to ta ba na nɛ kolo amo na ke a chɔge to, 21ko ná dae woŋo dedoa yerane mo a taga. Amo na zege ba wone to, a ya ŋɔɔne de a kwora maama mo a we, ‘Abam zem nam di amo taane kolo ŋwaane a na sɛ we twa wó jwoori ba bi toone wone to.’ ”
22Pɔɔl na tage konto o ti to, Feliki ma pa se ba tiŋi taane dem. O déem maŋe o yei Wɛ chwo-doŋa kam na ye tei to chekke. O ma ta o we, “Soja tiina dedɛɛro Lusia ná tua, amo laam wó di abam taane dem a ti.” 23O ma pa soja tiina yiga tu wom ni se o ja Pɔɔl o vo o taa yere‑o, se o daare o pa‑o pwola se o badwonna wae ba zeini‑o de kolo o na lage to.
24Da fenfee na kɛ to, Feliki ma tɔge de o kaane Durusila o ba. Wonto ye Juu tu mo. Feliki ma pa se ba bwoŋi Pɔɔl se o ba. Ba ma cheigi Pɔɔl na wora o tɛ ko na ye tei ye nɔɔna ke ba wo-dedoa de Yezu Krista to. 25Pɔɔl ma daare o wora o tɛ keim-laaro tɔgem taane, de nɔɔna na wae ba tete ba jaana tei to. O ta ma ta o bere-ba Wɛ na wó ba o bore nɔɔna bora tei to. Pɔɔl na wora o tɛ konto dwoŋi to, foone ma zo Feliki. O ma ta o we, “Ko maŋe. Nam véi, se maŋa de maŋa, a ná lage‑m, a laam wó bwoŋi‑m.” 26O ya maŋe o boŋe we Pɔɔl wó kwei sabu mo o ma lwoori‑o. Konto ŋwaane mo o déem yeini o bwoŋi‑o maŋa maama o ŋɔɔne ded‑o.
27Bena yalei ma ba ya yi. Nɔɔno wodwoŋi ma ba o leiri Feliki yuu ne se o taa ye logo kom yiga tu. Wonto yere mo Pɔkia Fɛsitu. Feliki déem na lage se o pa Juu tiina bam wo pwoli to, o ma yage Pɔɔl peena diga kam ne se o taa wora.
Atualmente Selecionado:
Kikia 24: KBG
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2020, Ghana Institute of Linguistics, Literacy and Bible Translation (GILLBT)
Kikia 24
24
Feliki bwei Pɔɔl taane
1Da yanu na kɛ to, Juu tiina kaanem yuu tu Anania laam ma ba, o dedaane nakwa badaara. Lɔya tu wodwoŋi de tɔge o wo ba tei ne, o yere mo Tɛtulus. Ba ma vo ba jeini gɔmena tu wom yiga ne se ba tole kolo Pɔɔl na ke to ba bere‑o. 2Ba ma bwoŋi Pɔɔl se o ba. Lɔya tu Tɛtulus laam ma bobo se o ŋɔɔne taane dem. O ma tole o we, “Debam yuu tu Feliki, debam maama yei we, nmo kwaane n pa se debam logo kom jege ywoni se ko dáane. Nmo na jege debam tei to mo pɛ se n fɔge dé teo kom ye ko kɛ yiga. 3Nmo na ke kolo maama maŋa de maŋa naa jei de jei to, dé ke nmo lei ko ŋwaane kamunu kamunu. 4Amo nam ba lage se a ŋɔɔne dedɛ se ko daane nmo. Amo nam lwoori‑m se n cheigi debam na jege kolo fenfee se dé ta to. 5Debam maane we nɔɔno wonto jege nankɔɔre dedɛ. Logo baŋa ni maama ne o yeini o pa se bobɔga taa tui Juu tiina maama tetare ne. O maa kwori o ye yiga tu Nazarete tiina kɔgɔ kom wone. 6O ya ma maŋe o kwaane se o chɔge debam Wɛ diga kam chullu tem. Debam ma ja‑o. [Dé ya maa lage se dé tɔge debam Juu tiina chwei sem mo dé ma di o taane. 7Soja tiina dedɛɛro Lusia laam ma ba o vere‑o de dam debam jea ne. 8O ma pa ni we balo na saŋe Pɔɔl to ba nmo tei.] Nmo nam ná bwei‑o taane, nmo wó wane n lɔre o na ke kolo ye debam saŋe‑o to.”
9Tɛtulus na tage konto to, Juu tiina bam ma pu o kwaga we, o na tage kolo maama to ye chega mo.
10Gɔmena tu wom laam ma yeese o jeŋa Pɔɔl baŋa ne se o de daa tole o kwora. Pɔɔl ma ta o we, “Amo yei we nmo tei dé teo kom n nii ko baŋa ne se ko tiini ko dáane nenɛɛne bena dedɛ. Konto ŋwaane amo jege wopwolo se a zege nmo yiga ne a ŋɔɔne a jwoŋi a tete. 11Nmo tete nam wó lɔre we amo na vei Jerusalem se a zuli Wɛ to, ko ta wo dwoni da fuga-yalei zem dɛ dem ne. 12Juu tiina bam na nɛ amo Wɛ diga kam ne to, amo ba wora a mage ni-kantɔgɔ dedaane nɔɔn-nɔɔno. Ba nam wo nɛ-ne a na pɛ vuvuga zo nɔɔna tetare ne. Ko ná ye debam Juu tiina jeerim di sem ne naa jei de jei teo kom wone, ba wo nɛ a na ke konto dwoŋi. 13Wonnu telo maama ba na we a ke to, ba nam bá wane ba bere we te ye chega. 14Amo nam na wó sɛ a ta kolo de nmo to mo konto: Amo zuli Wɛ wolo na ye debam nabaara Wɛ to mo, ye a tɔge Wɛ chwo-doŋa kalo nɔɔna banto na tɛ ba we ka ye vwa to.#Kikia 9:2; 22:4 Amo nam sɛ a tɔge wonnu telo maama na popone Wɛ nia yam tɔnɔ kom ne, de faŋa faŋa Wɛ sampwori sem twanno tem wone to. 15Amo nam jege teena Wɛ tei ne, ne nɔɔna banto de na jege teena tei we, twa maama wó jwoori ba bi toone wone, nɔn-ŋona de nɔn-balwaaro maama. 16Konto ŋwaane amo nam kwaane a ke kokeiri mo se a ke kolo maama na lana Wɛ de nabiina tei ne to, ye foone tera a bochare ne.
17Amo déem ya tere Jerusalem ne se ko maŋe de bena kɔgɔ kɔgɔ na kɛ to ye a laam jwoori a ba. Amo jaane sabu pɛɛra mo a ba se a pa a teo kom yiniga tiina badwonna, ye a daare a jege pɛɛra se a ma a kaane Wɛ.#Rom 15:25 18A na wora a ke konto to, Juu tiina bam ma ba ba na amo Wɛ diga kam wone. Ba na nɛ-ne konto to, de amo maŋe a kwɛ a tete de Wɛ a ti. Nɔn-kɔgɔ de maa tere a tei ne. Bobɔga de nam tera. 19Ko daare Juu tiina badaara na nwoŋi Asia teene dem wone to mo tɔge ba wora. Banto ya ná jege woŋo de amo, ko nam ya maŋe se banto mo ba ba zege nmo yiga ne, se ba ta kolo amo na ke a chɔge to. 20Amo na zege Juu tiina nakwa kɔgɔ kom yiga ne a ŋɔɔne to, nam pa se nɔɔna banto na zege ywo-seeni to ta ba na nɛ kolo amo na ke a chɔge to, 21ko ná dae woŋo dedoa yerane mo a taga. Amo na zege ba wone to, a ya ŋɔɔne de a kwora maama mo a we, ‘Abam zem nam di amo taane kolo ŋwaane a na sɛ we twa wó jwoori ba bi toone wone to.’ ”
22Pɔɔl na tage konto o ti to, Feliki ma pa se ba tiŋi taane dem. O déem maŋe o yei Wɛ chwo-doŋa kam na ye tei to chekke. O ma ta o we, “Soja tiina dedɛɛro Lusia ná tua, amo laam wó di abam taane dem a ti.” 23O ma pa soja tiina yiga tu wom ni se o ja Pɔɔl o vo o taa yere‑o, se o daare o pa‑o pwola se o badwonna wae ba zeini‑o de kolo o na lage to.
24Da fenfee na kɛ to, Feliki ma tɔge de o kaane Durusila o ba. Wonto ye Juu tu mo. Feliki ma pa se ba bwoŋi Pɔɔl se o ba. Ba ma cheigi Pɔɔl na wora o tɛ ko na ye tei ye nɔɔna ke ba wo-dedoa de Yezu Krista to. 25Pɔɔl ma daare o wora o tɛ keim-laaro tɔgem taane, de nɔɔna na wae ba tete ba jaana tei to. O ta ma ta o bere-ba Wɛ na wó ba o bore nɔɔna bora tei to. Pɔɔl na wora o tɛ konto dwoŋi to, foone ma zo Feliki. O ma ta o we, “Ko maŋe. Nam véi, se maŋa de maŋa, a ná lage‑m, a laam wó bwoŋi‑m.” 26O ya maŋe o boŋe we Pɔɔl wó kwei sabu mo o ma lwoori‑o. Konto ŋwaane mo o déem yeini o bwoŋi‑o maŋa maama o ŋɔɔne ded‑o.
27Bena yalei ma ba ya yi. Nɔɔno wodwoŋi ma ba o leiri Feliki yuu ne se o taa ye logo kom yiga tu. Wonto yere mo Pɔkia Fɛsitu. Feliki déem na lage se o pa Juu tiina bam wo pwoli to, o ma yage Pɔɔl peena diga kam ne se o taa wora.
Atualmente Selecionado:
:
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2020, Ghana Institute of Linguistics, Literacy and Bible Translation (GILLBT)