Kikia 11
11
Piita tole ko na ke tei to
1Yezu totoŋa nakwa bam de o tɔgena balo na zoore Judea teene dem maama wone to ma ni we dwi-gɛ tiina de laam tu ba sɛ Wɛ kwora kam. 2Piita déem ma zaŋe o vo Jerusalem. O na yi da to, Juu tiina balo na tu ba sɛ Yezu to ma bwɛ‑o. 3Ba ma bwei‑o ba we, “Bɛ mo ye n vo n wo dwi-gɛ tiina sɔŋɔ ne ye ba ye balo na wo gwoni ba peina to? Bɛ mo ye n di wodiu de-ba?”
4Piita ma zaŋe o tole kolo maama na ke to o bere-ba ye o we:
5“Amo ya wo Jopa ne ye a wora a ware Wɛ. Wɛ ma pa a na wo-kenkagele. Amo dwɛ a na wo-kamunu na nwoŋi wɛyuu ko maa tu tega. Ko nye de gɔr-kamunu mo ye ba zei ko nyea yana pa se ko maa tu tega. Ko ma ba ko zege amo yiga ne. 6A ma nii ko wone ye a na vara na wora, ga-vara, de sɔŋɔ vara, de tega-veila, de zuna. 7A laam ma ni kwora ye ka ŋɔɔne de amo ka we, ‘Piita, zaŋe n go n di.’ 8Amo ma leiri a we, ‘Amo tu, a bá sɛ. Amo wo fɔge a di woŋo kolo na ba lana ye ko wo maŋe de dim to.’ 9Kwora kam daa ta ma jwoori ka zege wɛyuu ne ka ŋɔɔne ka we, ‘Yé zaŋe n chuli woŋo kolo Wɛ na pɛ se ko maŋe de dim to.’ 10Ko ke konto mo taa, kuni betɔ, ye wonnu tem maama jwoori te vaŋe te di wɛyuu.
11Amo laam ma nii a na nɔɔna batɔ ba tu ba zege sɔŋɔ kolo a na zoore to ni ne. Ba ya toŋe-ba Kazaria ne mo pa ba ba. 12Wɛ Sin-laao kom ma ta ko bere-ne we, a yé taa jege boboŋa yalei se a tɔge de-ba a kɛ. Dé nu-bia banto baredo de ma da amo ba vo. Dé maama ma vo dé yi Kazaria, ye dé vo dé zo Kɔnilusi sɔŋɔ kom. 13O ma ta o bere debam we o nɛ Wɛ maleka na tu o sɔŋɔ ka zega ye ka ta ded‑o we, ‘Toŋe nɔɔna se ba vo Jopa ba bwoŋi nɔɔno wodwoŋi o yere na ye Simon Piita to se o ba. 14Wonto ná tua, o laam wó ŋɔɔne taane de nmo se ko pa nmo de n sɔŋɔ tiina bam maama na verem.’
15Tɔ. Amo laam ma bobo se a ŋɔɔne de-ba. A na wora a ŋɔɔne konto to, Wɛ Sin-laao kom ma tu ko ba ba tei, nenɛɛne ko na bobo ko ba debam tei tei to. 16Amo laam ma guli dé Teiru wom déem na tage tei we, ‘Jɔn déem kwei na mo o ma pa nɔɔna sɛɛm. Ko nam ná ye abam, Wɛ wó tɔge o Sin-laao kom ŋwaane mo o pa abam sɛɛm.’#Kikia 1:5 17Ko seene ko ye chega mo we, Wɛ pɛ dwi-gɛ tiina banto o pɛɛre dem ne o na maŋe o pa debam de maŋa kalo dé na ke dé wo-dedoa dé sɛ dé Teiru Yezu Krista to. Ko maama ye bedwe mo. Konto to, amo ya wó kwaane se a cheiŋi Wɛ na?”
18Piita na tage konto ye ba ni to, ba ma yage taane dem ye ba daare ba tei Wɛ. Ba maa we, “Wɛ seene o pa dwi-gɛ tiina bam de chwoŋa se ba leiri ba wo ye ba daare ba na o ŋwe-doŋa kam.”
Yezu kɔgɔ kolo na wo Antioka ne to taane
19Maŋa kam ba déem na go Stiiven to, Yezu tɔgena bam nɛ yaara nɔɔna tei ne pa se ba jage da yiga ne. Balo na jage to badwonna ma vo ba yi Fonikia, de Kupirus, de Antioka. Ba na beeri konto to, ba yeini ba tɛ Wɛ kwora kam ba bere Juu tiina yerane.#Kikia 8:4 20Ko daare Yezu tɔgena badaara na nwoŋi Kupirus de Kurene to ma zaŋe ba vo Antioka ba ta dé Teiru Yezu kwor-ywoŋa kam ba bere dwi-gɛ tiina de. 21Baŋa Wɛ dam maa wo ba tei ne. Nɔɔna dedɛ ma ke ba wo-dedoa ba sɛ dé Teiru wom ye ba daare ba tɔge‑o.
22Yezu kɔgɔ kolo na wo Jerusalem ne to ma ni kolo na ke to. Ba ma toŋe Banabas se o vo Antioka o nii.#Kikia 4:36; 9:27 23O na vei o yi da to, o ma na Wɛ na seene o ke nɔɔna bam zaane tei to. O maa jege wopwolo lanyerane. O ma kwoori ba maama se ba taa tɔge dé Teiru wom de ba wo maama se ba yé zaŋe ba yage.
24Banabas maa ye nɔn-ŋom. O maa tiini o jege wo-dedoa de Yezu, ye Wɛ Sin-laao kom wo o tei ne de dam. Nɔɔna dedɛ déem ma ba ba sɛ dé Teiru wom ye ba woli o kɔgɔ kom wone.
25Banabas laam ma zaŋe o vo Tasusi se o beeri Sɔɔl jei.#Kikia 9:30 26O na vei o na‑o to, o ma ja‑o o jwoori Antioka. Ba na wora to, ba maa yeini ba woli daane ba bere Yezu kɔgɔ kom. Ba ke konto taa se ko yi bene, ye nɔɔna balo ba na bere to daga dedɛ. Ko ye Antioka ne mo ba bobo se ba bwoŋi Yezu tɔgena bam we Krista bia.
27Da yam konto ne Wɛ ni-jwoŋina badwonna na tɔɔle o kwora to ma zege Jerusalem ne ba vo Antioka. 28Ba dedoa yere mo Agabu.#Kikia 21:10 Wɛ Sin-laao kom ma pa se o ta Wɛ kwora kam we, kana lage ka ba ka zo logo baŋa maama. Ko déem seene ko ke konto mo maŋa kalo Kaludu na di paare to. 29Yezu tɔgena bam na nigi konto to, ba boboŋa ma ja se ba la sabu ba ma woli ba nu-bia balo na zoore Judea ne to. Ba dedoa dedoa ma sɛ se o pa ne o na wó wane tei to. 30Ba ma seene ba ke konto. Sabu kolo ba na lage to mo ba ke Banabas de Sɔɔl jeŋa ne se ba kwei ba ja vo Jerusalem ba pa Yezu kɔgɔ kom nakwa bam.
Atualmente Selecionado:
Kikia 11: KBG
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2020, Ghana Institute of Linguistics, Literacy and Bible Translation (GILLBT)
Kikia 11
11
Piita tole ko na ke tei to
1Yezu totoŋa nakwa bam de o tɔgena balo na zoore Judea teene dem maama wone to ma ni we dwi-gɛ tiina de laam tu ba sɛ Wɛ kwora kam. 2Piita déem ma zaŋe o vo Jerusalem. O na yi da to, Juu tiina balo na tu ba sɛ Yezu to ma bwɛ‑o. 3Ba ma bwei‑o ba we, “Bɛ mo ye n vo n wo dwi-gɛ tiina sɔŋɔ ne ye ba ye balo na wo gwoni ba peina to? Bɛ mo ye n di wodiu de-ba?”
4Piita ma zaŋe o tole kolo maama na ke to o bere-ba ye o we:
5“Amo ya wo Jopa ne ye a wora a ware Wɛ. Wɛ ma pa a na wo-kenkagele. Amo dwɛ a na wo-kamunu na nwoŋi wɛyuu ko maa tu tega. Ko nye de gɔr-kamunu mo ye ba zei ko nyea yana pa se ko maa tu tega. Ko ma ba ko zege amo yiga ne. 6A ma nii ko wone ye a na vara na wora, ga-vara, de sɔŋɔ vara, de tega-veila, de zuna. 7A laam ma ni kwora ye ka ŋɔɔne de amo ka we, ‘Piita, zaŋe n go n di.’ 8Amo ma leiri a we, ‘Amo tu, a bá sɛ. Amo wo fɔge a di woŋo kolo na ba lana ye ko wo maŋe de dim to.’ 9Kwora kam daa ta ma jwoori ka zege wɛyuu ne ka ŋɔɔne ka we, ‘Yé zaŋe n chuli woŋo kolo Wɛ na pɛ se ko maŋe de dim to.’ 10Ko ke konto mo taa, kuni betɔ, ye wonnu tem maama jwoori te vaŋe te di wɛyuu.
11Amo laam ma nii a na nɔɔna batɔ ba tu ba zege sɔŋɔ kolo a na zoore to ni ne. Ba ya toŋe-ba Kazaria ne mo pa ba ba. 12Wɛ Sin-laao kom ma ta ko bere-ne we, a yé taa jege boboŋa yalei se a tɔge de-ba a kɛ. Dé nu-bia banto baredo de ma da amo ba vo. Dé maama ma vo dé yi Kazaria, ye dé vo dé zo Kɔnilusi sɔŋɔ kom. 13O ma ta o bere debam we o nɛ Wɛ maleka na tu o sɔŋɔ ka zega ye ka ta ded‑o we, ‘Toŋe nɔɔna se ba vo Jopa ba bwoŋi nɔɔno wodwoŋi o yere na ye Simon Piita to se o ba. 14Wonto ná tua, o laam wó ŋɔɔne taane de nmo se ko pa nmo de n sɔŋɔ tiina bam maama na verem.’
15Tɔ. Amo laam ma bobo se a ŋɔɔne de-ba. A na wora a ŋɔɔne konto to, Wɛ Sin-laao kom ma tu ko ba ba tei, nenɛɛne ko na bobo ko ba debam tei tei to. 16Amo laam ma guli dé Teiru wom déem na tage tei we, ‘Jɔn déem kwei na mo o ma pa nɔɔna sɛɛm. Ko nam ná ye abam, Wɛ wó tɔge o Sin-laao kom ŋwaane mo o pa abam sɛɛm.’#Kikia 1:5 17Ko seene ko ye chega mo we, Wɛ pɛ dwi-gɛ tiina banto o pɛɛre dem ne o na maŋe o pa debam de maŋa kalo dé na ke dé wo-dedoa dé sɛ dé Teiru Yezu Krista to. Ko maama ye bedwe mo. Konto to, amo ya wó kwaane se a cheiŋi Wɛ na?”
18Piita na tage konto ye ba ni to, ba ma yage taane dem ye ba daare ba tei Wɛ. Ba maa we, “Wɛ seene o pa dwi-gɛ tiina bam de chwoŋa se ba leiri ba wo ye ba daare ba na o ŋwe-doŋa kam.”
Yezu kɔgɔ kolo na wo Antioka ne to taane
19Maŋa kam ba déem na go Stiiven to, Yezu tɔgena bam nɛ yaara nɔɔna tei ne pa se ba jage da yiga ne. Balo na jage to badwonna ma vo ba yi Fonikia, de Kupirus, de Antioka. Ba na beeri konto to, ba yeini ba tɛ Wɛ kwora kam ba bere Juu tiina yerane.#Kikia 8:4 20Ko daare Yezu tɔgena badaara na nwoŋi Kupirus de Kurene to ma zaŋe ba vo Antioka ba ta dé Teiru Yezu kwor-ywoŋa kam ba bere dwi-gɛ tiina de. 21Baŋa Wɛ dam maa wo ba tei ne. Nɔɔna dedɛ ma ke ba wo-dedoa ba sɛ dé Teiru wom ye ba daare ba tɔge‑o.
22Yezu kɔgɔ kolo na wo Jerusalem ne to ma ni kolo na ke to. Ba ma toŋe Banabas se o vo Antioka o nii.#Kikia 4:36; 9:27 23O na vei o yi da to, o ma na Wɛ na seene o ke nɔɔna bam zaane tei to. O maa jege wopwolo lanyerane. O ma kwoori ba maama se ba taa tɔge dé Teiru wom de ba wo maama se ba yé zaŋe ba yage.
24Banabas maa ye nɔn-ŋom. O maa tiini o jege wo-dedoa de Yezu, ye Wɛ Sin-laao kom wo o tei ne de dam. Nɔɔna dedɛ déem ma ba ba sɛ dé Teiru wom ye ba woli o kɔgɔ kom wone.
25Banabas laam ma zaŋe o vo Tasusi se o beeri Sɔɔl jei.#Kikia 9:30 26O na vei o na‑o to, o ma ja‑o o jwoori Antioka. Ba na wora to, ba maa yeini ba woli daane ba bere Yezu kɔgɔ kom. Ba ke konto taa se ko yi bene, ye nɔɔna balo ba na bere to daga dedɛ. Ko ye Antioka ne mo ba bobo se ba bwoŋi Yezu tɔgena bam we Krista bia.
27Da yam konto ne Wɛ ni-jwoŋina badwonna na tɔɔle o kwora to ma zege Jerusalem ne ba vo Antioka. 28Ba dedoa yere mo Agabu.#Kikia 21:10 Wɛ Sin-laao kom ma pa se o ta Wɛ kwora kam we, kana lage ka ba ka zo logo baŋa maama. Ko déem seene ko ke konto mo maŋa kalo Kaludu na di paare to. 29Yezu tɔgena bam na nigi konto to, ba boboŋa ma ja se ba la sabu ba ma woli ba nu-bia balo na zoore Judea ne to. Ba dedoa dedoa ma sɛ se o pa ne o na wó wane tei to. 30Ba ma seene ba ke konto. Sabu kolo ba na lage to mo ba ke Banabas de Sɔɔl jeŋa ne se ba kwei ba ja vo Jerusalem ba pa Yezu kɔgɔ kom nakwa bam.
Atualmente Selecionado:
:
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2020, Ghana Institute of Linguistics, Literacy and Bible Translation (GILLBT)