Lv. 23
23
Mebô'ô ya Israél
(Dt 16:1-18; Nlb 28: 6-25; Mt 26:17-30)
1Nti a nga kobô Môze a jô na: 2Kobô'ô bone b'Israél a jô be na: Mebô'ô me Nti mia ye kate foé na me ne mimfufub minloon, me too mebô'ô mam me ne ntelan mme ma: 3Esaé ja ye bobane môse misaman, ve môse zamgbwale ô ne Sabat asu awo'on, mfufube nloon, mia ye bo teke bo ésaé éziñ amu ô ne môse *sabat asu Nti e mevôm mese mi too.
Pak, abô'ô fembé é ne te mvusan
4Mana me ne mebô'ô me Nti, mimfufube minloon mia ye kalane foé éyoñ ja yian. 5Eyoñe ngon ôsu ya mbu é ntoo melu awôm a menyin, Pak é ne ataté mamengô'é. 6Môs awômô a tane ya ngon éte wo ye bo atata'a abô'ô ya belet é ne te mvusan. 7Môs ôsu ya sondô ate wo ye bo mia môse mfufube nsula'ane, mia ye bo te bo ésaé éziñ a mo. 8Mia ye ve Nti mimvean mia di'ibane nduan tañe melu zamgbwal; môse zamgbwale wo ye bo môse mfufube nsula'ane: mia ye bo te bo ésaé éziñ a mo.
Abô'ô bembômô
9Ane Nti a nga kobô Môze a jô na: 10Kobô'ô bone b'Israél a jô be na: Éyoñe mi kuiya e si ma ve mia a kôane bidi y'été, mia ye zuu mbome wua ya *bembômô bidi benan be *ntuni. 11Ntuni a ye bo mbome te ndeñekolô asu Nti na ô nyoñeban mia, valé *sabat a li'iya alu da. 12Môs ôte ôbien ñwô mia ye ve Nti mimvean mia di'ibane ngumba: étoñe ntômba é ntoo mbu wua é too fe *mvo'é ne selem. 13Mia ye fe ve mvean wo tôñe valé ñwô wo di'ibane nduan ô too mbamba menyum be Nti: kili avut ésaman mfu'an a mbon, nalé fe lita woone jia a étun. 14Mia ye bo te di to'o belet, to'o nkôt nge zôzô fes éziñ akekui *môs ôte ôbien, wu mia ye zuu mvean e be Nti wônan: atiñe ya éyoñ ése asu miaé mienan e mevôm menan mese mia ye tabe nde le.
Abô'ô nkôane bidi a metiñ y'été
15Mia ye lañe mingum mi sondô zamgbwal ataté éyoñe *sabat a lôteya alu da, e môse mi nga zuu mbome bidi *bembômô. 16Mia ye lañe môse mewôm metan a kui *sabat zamgbwale éyoñ a lôteya alu da, *môs ôte mia ye zu ve Nti mfefé mvean ô too avut. 17Mia ye soo belet ébaé ya ve ma e menda menan. Ba ye yame belet ése y'été a kili avut éla, jôm ja vusu é too f'été: mvean ôte wo ye so e *bembômô be ne asu Nti. 18E belet ébaé nyôna yôp, mia ye fe ve Nti mimvean mia di'ibane ngumba avale di: Bitoñ mintômba bi ne mbu wua a *mvo'é ne selem zamgbwal, étoñe nnôme nyak a beyôm bikela bebaé nalé fe mvean avut a woon bi bo mimvean ba di'i nduan mi too mbamba menyum e be Nti. 19Mia ye fe ve nnôm ékela wua asu metuna'a ya *njaman abé, a bitoñ mintômba bibaé bi ne mbu wua asu metuna'a ya nlatane ngbwa. 20Belet ébaé, nnôm ékela a bitoñ mintômba bibaé; *ntuni a ye bo biôm bite bise ndeñkolô asu Nti. Bia ye teléban étyi mfa'a Nti, a bia ye su'ulane bo biôme ya ngabe *ntuni. 21Môs ôte ôbien, mia ye miase foé ya mfufube nloon. Mia ye bo teke bo ésaé éziñ a mo: atiñe ya éyoñ ése e menda menan mese asu miaé mienan mise nde le. 22Eyoñe mia kôane bidi ya si jenan, wo ye li'i vôm éziñ ya afube dôé teke kôane bidi y'été; wo ye bo fe teke kôane jôm ése ja li'i e mvuse jôé éyoñ ya nkôane bidi: Wo ye li'i je asu éngôngole môt a *ntabe.
Beta *môs awo'on
(Nlb 29:1-11; Lv 16; Za 12:10-13:1)
23Ane Nti a nga kobô Môze a jô na: 24Kobô'ô bone b'Israél a jô be na: E ngone zamgbwale é too alu da, e *môs ôsu ya ngone zamgbwale wo ye bo mia awo'on, môse ya simesan, wu ya beta mevak, môse mfufube nloon. 25Mia ye bo te bo ésaé éziñ a mo, a mia ye ve Nti mimvean mia di'ibane nduan.
Beta môse mimvean
26Ane Nti a nga kobô Môze a jô na:
27E môse awômô ya ngone zamgbwale wo ye bo môse *njaman minsem, mia ye sulan mfufube nsula'an, mia ye tyi bidi a ve Nti mimvean mia di'ibane nduan. 28Mia ye bo te bo ésaé éziñ a mo *môs ôte, amu ô ne môse *njaman minsem, e môse ba ye bulu mia minsem asu Nti, e Zambe wônan. 29E môt ase a ye bo te tyi bidi, ba ye vaa nye e zañe bôte bé. 30E môt ase a ye bo ésaé éziñ *môs ôte, mamien ma ye wôé nye e zañe bôte bé. 31Mia ye bo te bo ésaé éziñ: atiñe ya éyoñ ése asu miaé mienan mise e mevôm mese mi too nde le. 32Mia ye bo *môs ôte *môs awo'on ane *sabat, mia ye tyi bidi. Mia ye ba'ale awo'one *sabat te ataté mamengô'é ya ngon melu ébul a kui mamengô'é ya *môs wo tôñe valé.
Abô'ô bibem
(Dt 16:13-17; Né 8:14-18)
33Ane Nti a nga kobô Môze a jô nye na: 34Kobô'ô bone b'Israél a jô be na: Abô'ô bibem da ye taté ngone zamgbwale é too melu awôm a metan. Abô'ô te da ye jemban tañe melu zamgbwal asu dam. 35E *môs ôsu mia ye sulan asu mfufube nloon; mia ye bo te bo ésaé éziñ a mo. 36Mia ye ve Nti mimvean mia di'ibane nduan tañe melu zamgbwal. E môse muame, mia ye sulan asu mfufube nloon a ve Nti mimvean mia di'ibane nduan; Abô'ô da ye bo anen: teke ésaé éziñ ya a mo mia ye bo. 37Eyoñe beta mebô'ô me Nti mete, mia ye sulane na mi kañe ma, mi ve ma mimvean mia di'ibane nduan mi too mi mia di'ibane ngumba, mi ve fe ma mimvean ya mefup, nge metuna'a ya nlatane ngbwa a woon, aval ane mam ya *môs ôsu me ne ntelan. 38Mia ye fe ba'ale besabat be Nti, te lañe biôm mia ye kômbô ve ma, nge mintiñetane mienan, nalé fe mimvean ane *nlem wo kômbô mia ye ve Nti.
39Môs awôm a tane ya ngone zamgbwale, éyoñ mi maneya kôan bibuma ya si, mia ye bo Nti abôk tañe melu zamgbwal. Môs ôsu wo ye bo awo'on, môse muame fe wo ye bo awo'on. 40Môs ôsu, mia ye nyoñe bibuma bilé bi ne abeñ, mintem melen, mebui bilé me bili abui mekaé, a bone b'azizi'i bilé ya mfôm asôé. Mia ye vak asu Nti, e Zambe wônan tañe melu zamgbwal. 41Mbu ôse mia ye jem abô'ô te asu Nti tañe melu zamgbwal. Atiñe ya éyoñ ése asu miaé mienan nde le: mia ye jem abô'ô te e ngone zamgbwale, 42mia ye tabe bibem tañe melu zamgbwal; bebialébialé bese y'Israél ba ye tabe bibem, 43éyoñe te mvoñe bôte jenan ja ye yeme na me nga toé bone b'Israél e bibem, a koé na me vaya be Ejipte: ma me ne Nti e Zambe wônan. 44Ane Môze a nga kate mam mese ma fombô mebô'ô me Nti e be bone b'Israél.
Atualmente Selecionado:
Lv. 23: BDCB
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
Bible en langue Bulu © L'Alliance Biblique du Cameroun, 2007, 2015.
Lv. 23
23
Mebô'ô ya Israél
(Dt 16:1-18; Nlb 28: 6-25; Mt 26:17-30)
1Nti a nga kobô Môze a jô na: 2Kobô'ô bone b'Israél a jô be na: Mebô'ô me Nti mia ye kate foé na me ne mimfufub minloon, me too mebô'ô mam me ne ntelan mme ma: 3Esaé ja ye bobane môse misaman, ve môse zamgbwale ô ne Sabat asu awo'on, mfufube nloon, mia ye bo teke bo ésaé éziñ amu ô ne môse *sabat asu Nti e mevôm mese mi too.
Pak, abô'ô fembé é ne te mvusan
4Mana me ne mebô'ô me Nti, mimfufube minloon mia ye kalane foé éyoñ ja yian. 5Eyoñe ngon ôsu ya mbu é ntoo melu awôm a menyin, Pak é ne ataté mamengô'é. 6Môs awômô a tane ya ngon éte wo ye bo atata'a abô'ô ya belet é ne te mvusan. 7Môs ôsu ya sondô ate wo ye bo mia môse mfufube nsula'ane, mia ye bo te bo ésaé éziñ a mo. 8Mia ye ve Nti mimvean mia di'ibane nduan tañe melu zamgbwal; môse zamgbwale wo ye bo môse mfufube nsula'ane: mia ye bo te bo ésaé éziñ a mo.
Abô'ô bembômô
9Ane Nti a nga kobô Môze a jô na: 10Kobô'ô bone b'Israél a jô be na: Éyoñe mi kuiya e si ma ve mia a kôane bidi y'été, mia ye zuu mbome wua ya *bembômô bidi benan be *ntuni. 11Ntuni a ye bo mbome te ndeñekolô asu Nti na ô nyoñeban mia, valé *sabat a li'iya alu da. 12Môs ôte ôbien ñwô mia ye ve Nti mimvean mia di'ibane ngumba: étoñe ntômba é ntoo mbu wua é too fe *mvo'é ne selem. 13Mia ye fe ve mvean wo tôñe valé ñwô wo di'ibane nduan ô too mbamba menyum be Nti: kili avut ésaman mfu'an a mbon, nalé fe lita woone jia a étun. 14Mia ye bo te di to'o belet, to'o nkôt nge zôzô fes éziñ akekui *môs ôte ôbien, wu mia ye zuu mvean e be Nti wônan: atiñe ya éyoñ ése asu miaé mienan e mevôm menan mese mia ye tabe nde le.
Abô'ô nkôane bidi a metiñ y'été
15Mia ye lañe mingum mi sondô zamgbwal ataté éyoñe *sabat a lôteya alu da, e môse mi nga zuu mbome bidi *bembômô. 16Mia ye lañe môse mewôm metan a kui *sabat zamgbwale éyoñ a lôteya alu da, *môs ôte mia ye zu ve Nti mfefé mvean ô too avut. 17Mia ye soo belet ébaé ya ve ma e menda menan. Ba ye yame belet ése y'été a kili avut éla, jôm ja vusu é too f'été: mvean ôte wo ye so e *bembômô be ne asu Nti. 18E belet ébaé nyôna yôp, mia ye fe ve Nti mimvean mia di'ibane ngumba avale di: Bitoñ mintômba bi ne mbu wua a *mvo'é ne selem zamgbwal, étoñe nnôme nyak a beyôm bikela bebaé nalé fe mvean avut a woon bi bo mimvean ba di'i nduan mi too mbamba menyum e be Nti. 19Mia ye fe ve nnôm ékela wua asu metuna'a ya *njaman abé, a bitoñ mintômba bibaé bi ne mbu wua asu metuna'a ya nlatane ngbwa. 20Belet ébaé, nnôm ékela a bitoñ mintômba bibaé; *ntuni a ye bo biôm bite bise ndeñkolô asu Nti. Bia ye teléban étyi mfa'a Nti, a bia ye su'ulane bo biôme ya ngabe *ntuni. 21Môs ôte ôbien, mia ye miase foé ya mfufube nloon. Mia ye bo teke bo ésaé éziñ a mo: atiñe ya éyoñ ése e menda menan mese asu miaé mienan mise nde le. 22Eyoñe mia kôane bidi ya si jenan, wo ye li'i vôm éziñ ya afube dôé teke kôane bidi y'été; wo ye bo fe teke kôane jôm ése ja li'i e mvuse jôé éyoñ ya nkôane bidi: Wo ye li'i je asu éngôngole môt a *ntabe.
Beta *môs awo'on
(Nlb 29:1-11; Lv 16; Za 12:10-13:1)
23Ane Nti a nga kobô Môze a jô na: 24Kobô'ô bone b'Israél a jô be na: E ngone zamgbwale é too alu da, e *môs ôsu ya ngone zamgbwale wo ye bo mia awo'on, môse ya simesan, wu ya beta mevak, môse mfufube nloon. 25Mia ye bo te bo ésaé éziñ a mo, a mia ye ve Nti mimvean mia di'ibane nduan.
Beta môse mimvean
26Ane Nti a nga kobô Môze a jô na:
27E môse awômô ya ngone zamgbwale wo ye bo môse *njaman minsem, mia ye sulan mfufube nsula'an, mia ye tyi bidi a ve Nti mimvean mia di'ibane nduan. 28Mia ye bo te bo ésaé éziñ a mo *môs ôte, amu ô ne môse *njaman minsem, e môse ba ye bulu mia minsem asu Nti, e Zambe wônan. 29E môt ase a ye bo te tyi bidi, ba ye vaa nye e zañe bôte bé. 30E môt ase a ye bo ésaé éziñ *môs ôte, mamien ma ye wôé nye e zañe bôte bé. 31Mia ye bo te bo ésaé éziñ: atiñe ya éyoñ ése asu miaé mienan mise e mevôm mese mi too nde le. 32Mia ye bo *môs ôte *môs awo'on ane *sabat, mia ye tyi bidi. Mia ye ba'ale awo'one *sabat te ataté mamengô'é ya ngon melu ébul a kui mamengô'é ya *môs wo tôñe valé.
Abô'ô bibem
(Dt 16:13-17; Né 8:14-18)
33Ane Nti a nga kobô Môze a jô nye na: 34Kobô'ô bone b'Israél a jô be na: Abô'ô bibem da ye taté ngone zamgbwale é too melu awôm a metan. Abô'ô te da ye jemban tañe melu zamgbwal asu dam. 35E *môs ôsu mia ye sulan asu mfufube nloon; mia ye bo te bo ésaé éziñ a mo. 36Mia ye ve Nti mimvean mia di'ibane nduan tañe melu zamgbwal. E môse muame, mia ye sulan asu mfufube nloon a ve Nti mimvean mia di'ibane nduan; Abô'ô da ye bo anen: teke ésaé éziñ ya a mo mia ye bo. 37Eyoñe beta mebô'ô me Nti mete, mia ye sulane na mi kañe ma, mi ve ma mimvean mia di'ibane nduan mi too mi mia di'ibane ngumba, mi ve fe ma mimvean ya mefup, nge metuna'a ya nlatane ngbwa a woon, aval ane mam ya *môs ôsu me ne ntelan. 38Mia ye fe ba'ale besabat be Nti, te lañe biôm mia ye kômbô ve ma, nge mintiñetane mienan, nalé fe mimvean ane *nlem wo kômbô mia ye ve Nti.
39Môs awôm a tane ya ngone zamgbwale, éyoñ mi maneya kôan bibuma ya si, mia ye bo Nti abôk tañe melu zamgbwal. Môs ôsu wo ye bo awo'on, môse muame fe wo ye bo awo'on. 40Môs ôsu, mia ye nyoñe bibuma bilé bi ne abeñ, mintem melen, mebui bilé me bili abui mekaé, a bone b'azizi'i bilé ya mfôm asôé. Mia ye vak asu Nti, e Zambe wônan tañe melu zamgbwal. 41Mbu ôse mia ye jem abô'ô te asu Nti tañe melu zamgbwal. Atiñe ya éyoñ ése asu miaé mienan nde le: mia ye jem abô'ô te e ngone zamgbwale, 42mia ye tabe bibem tañe melu zamgbwal; bebialébialé bese y'Israél ba ye tabe bibem, 43éyoñe te mvoñe bôte jenan ja ye yeme na me nga toé bone b'Israél e bibem, a koé na me vaya be Ejipte: ma me ne Nti e Zambe wônan. 44Ane Môze a nga kate mam mese ma fombô mebô'ô me Nti e be bone b'Israél.
Atualmente Selecionado:
:
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
Bible en langue Bulu © L'Alliance Biblique du Cameroun, 2007, 2015.