Lv. 19
19
Avale Zambe a kômbô na be bo nye ésaé
(1 Pi 1:14-16; Lv 20:26; 26:1-2; Dt 24:19-22)
1Ane Nti a nga kobô Môze a jô na: 2Kobô'ô ékôane bôt ése y'Israél na: Mia ye bo étyi, amu ma Nti, e Zambe wônan, me n'étyi. 3Môt ase ya be mia a ye semé nyia a ésaa a ba'ale fe besabate bam, ma me ne Nti Zambe wônan.
4Mia ye bo te kôñelan e be azezambe nge bo miabebien bive'ela'a bi azezambe a nyeman étyé. Ma me ne Nti e Zambe wônan.
5Eyoñe mia ve Nti mimveane ya nlatane ngbwa, va'an mie avale da yiane na mi nyoñebane *mvo'é be ma. 6Ba ye di étyi'a e môse ja veban nge *môs wo tôñe valé. Jôme ja buk a kui môse lale ja ye di'ibane nduan. 7Nge ba di je e môse lale, étyi'a te é ntoo jôm é ne te *mfuban a me se nguleya kañese je. 8Môt a ye di je a yiane yeme na a ndaman étyi ya jôm é ne ma mvean a émien a ye be'e mekua ya ékobe jé; môt ate a ye vaseban e zañe bôte bé.
9Eyoñe mia ye kôane bidi e si jenan, wo ye li'i vôm éziñ y'été teke kôane bidi ya valé, nalé fe na wo ye bo te bulan ke kôane jôm é ne nli'ane mvus. 10Wo ye bo te kolé bisanté bi ne nli'an afube mindi'i dôé, nge to'é mefese mese me ne nkuan été. Wo ye li'i éngôngole môt a *ntabe biôm bite. Ma me ne Nti, Zambe wônan.
11Mia ye bo te wup; môt ase ya be mia a ye bo te laane môt ba nye be too minsos nge du'u nye. 12Mia ye bo te kane ngana minsos a jôé dam, amu ô za ndaman étyi ya jôé e Zambe wôé. Ma me ne Nti.
13Wo ye bo te wôlé môte mia nye mi too jôm a ngu nge wube jôm éziñ. Wo ye bo te ba'ale ma'an me mbo ésaé e *nda jôé a kui mametyé. #19:13 Ôsimesane ya wube va wo selan a wu ya éfus 11. Ve wo funan ane 5:25 nalé a ne na «a nyoñe jôme môte mfe ane é ne te yian.» 14Wo ye bo te kobô ndôndok nkobô *nkpwala a ésas, a te bôé ndindim jôme ya kolé wô ôbak ôsu. Ve wo ye ko Zambe wôé woñ, ma me ne Nti.
15Te boon ékotekot ntyi'ane mejô été: te ko môt a n'atek éngôngol é ne te yian nge semé beta môt ésemé é ne te yian, ve mia ye tyi'i bôte mia be be mi too mejô teke ôbangam. 16Wo ye bo te ndeñe mfuk e bôte bôé été. Te ve'ele bo na môte mia nye mi too a nyoñe meleb y'awu amu bibôta mejô biôé asu betyi'i mejô: ma me ne Nti. 17Te siñe monyoñ e nleme wôé été, ve ô va'a nye bijô nalé wo ye bo te be'e mekua ya *abé dé. #19:17 Fombô'ô Ezékiél 33:1-9.
18Te kune womien a te ba'ale bone ya ayoñe dôé ôviti'i *nlem, ve wo ye nye'e e môt a too wo bebé ane wo nye'e womien: ma me ne Nti.
19Mia ye fe ba'ale memvinda ma, te kañese na mevale me tite mebaé me yam; nalé fe te miase mvoñ mevale mebaé afube dôé été; a wo ye bo te jaé ngômesan é too ntiñan a minsiñga mevale mebaé.
20Nge fam éziñ ja fulane minga, nge minga ate a ne mbo ésaé a bili *atiñ aluk a fame fe ve a nji bi éto fili, ba ye lume bebaé v'aleman, ve saa melebe y'awu, amu minga ate a nji bi éto fili. 21Amu mekua mé, fam ja te jô'ôbô minga ate ja yiane zuu nnôm ékela e be Nti, anyiine *nda éndelé bendôba'an asu mveane ya mvaane mekua. 22Eyoñe te *ntuni a ye bulu nsem asu dé asu Nti, amu *abé a nga bo; a ye bulu nseme te a nnôm ékela a nga veban asu mveane ya mvaane mekua, wôna *abé a nga bo da ye jambane nye.
23Eyoñ mi nyiiya si ya Kanaan a bé bilé bia wum bibuma mevale mese, mia ye yene bibuma y'été bi too te *mfuban tañ mimbu mila a mia ye bo te di bie. 24Bibuma bia ye wum e mbu nyini, mia ye ve ma bie ézezañe abô'ô meva'a été. 25Mbu tane mia ye di bibuma ya bilé bite, nge mia bo nalé nkôane bidi wônan wo ye nenenen, ma me ne Nti, e Zambe wônan.
26Te diane minsôn mi tit e vôm émiene ya mi nga kuli je metyi. Te boone mame ya majik nge bo mame ya bemvi'i. 27Te tyembane ntyi'i e minlô nge tyeñe meku'u ya zele jôé. 28Te tenane mimbak e menyôle ane ndeme ya meyep, nge kpwele bikanga e bikôbe bienan: ma me ne Nti.
29Te sili ngo jôé si éyoñ wo tindi je na é bo ébamba amu na ngume si ôse ô za nyiin ébamba été a bo mbia jôm e mise me Nti. #19:29 Ebamba: sa ji ya jeñe moné nge akum, ve ji mimbunan bepaéñ mi nga bo mi bo'ok bôsa asu ya dutu afo'o ya si, a mfôan mevale mese: mfufub ébamba, Zambe a wosan ébamba te. 30Mia ye ba'ale besabate bam a semé vôme wom a n'étyi: ma me ne Nti.
31Te kean e be ba ba loone minsisim bekôn nge bi'i mam ma ye boban melu ôsu, mi za ve miabebien mvin a be: ma me ne Nti, e Zambe wônan. 32Wo ye tebe tetele asu ya nyô nlô ô ntoo ne fuum a semé éto nnôme jé. Wo ye ko Zambe wôé woñ: ma me ne Nti.
33Nge *ntabe wo zu tabe e si jenan mia be be, te belan wô ane e ne te yian. 34Mia ye belan e *ntabe ô too be mia ane bialébialé ya zañe jenan; wo ye nye'e nye ane womien, amu mi nga too mintabe e si y'Ejipte: ma me ne Nti e Zambe wônan.
35Mia ye bo te bo ékotekot to'o e ntyi'ane mejô été, to'o éyoñ mia ve'e nté a ndam, nge adit nge abim. #19:35 Abim: mfa'a ya jôm ése é ne mendim nge mefes.
36Mia ye belane minlôt mi ne zôsôôô, metyi minlôt me ne zôsôôô, nkoé ô ne zôsôôô, a viek ô ne zôsôôô: ma me ne Nti e Zambe wônan, Nyô a nga soo mia si y'Ejipte. 37Mia ye ba'ale memvinda mam mese a minjôane miam mise a bo mie: ma me ne Nti.
Atualmente Selecionado:
Lv. 19: BDCB
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
Bible en langue Bulu © L'Alliance Biblique du Cameroun, 2007, 2015.
Lv. 19
19
Avale Zambe a kômbô na be bo nye ésaé
(1 Pi 1:14-16; Lv 20:26; 26:1-2; Dt 24:19-22)
1Ane Nti a nga kobô Môze a jô na: 2Kobô'ô ékôane bôt ése y'Israél na: Mia ye bo étyi, amu ma Nti, e Zambe wônan, me n'étyi. 3Môt ase ya be mia a ye semé nyia a ésaa a ba'ale fe besabate bam, ma me ne Nti Zambe wônan.
4Mia ye bo te kôñelan e be azezambe nge bo miabebien bive'ela'a bi azezambe a nyeman étyé. Ma me ne Nti e Zambe wônan.
5Eyoñe mia ve Nti mimveane ya nlatane ngbwa, va'an mie avale da yiane na mi nyoñebane *mvo'é be ma. 6Ba ye di étyi'a e môse ja veban nge *môs wo tôñe valé. Jôme ja buk a kui môse lale ja ye di'ibane nduan. 7Nge ba di je e môse lale, étyi'a te é ntoo jôm é ne te *mfuban a me se nguleya kañese je. 8Môt a ye di je a yiane yeme na a ndaman étyi ya jôm é ne ma mvean a émien a ye be'e mekua ya ékobe jé; môt ate a ye vaseban e zañe bôte bé.
9Eyoñe mia ye kôane bidi e si jenan, wo ye li'i vôm éziñ y'été teke kôane bidi ya valé, nalé fe na wo ye bo te bulan ke kôane jôm é ne nli'ane mvus. 10Wo ye bo te kolé bisanté bi ne nli'an afube mindi'i dôé, nge to'é mefese mese me ne nkuan été. Wo ye li'i éngôngole môt a *ntabe biôm bite. Ma me ne Nti, Zambe wônan.
11Mia ye bo te wup; môt ase ya be mia a ye bo te laane môt ba nye be too minsos nge du'u nye. 12Mia ye bo te kane ngana minsos a jôé dam, amu ô za ndaman étyi ya jôé e Zambe wôé. Ma me ne Nti.
13Wo ye bo te wôlé môte mia nye mi too jôm a ngu nge wube jôm éziñ. Wo ye bo te ba'ale ma'an me mbo ésaé e *nda jôé a kui mametyé. #19:13 Ôsimesane ya wube va wo selan a wu ya éfus 11. Ve wo funan ane 5:25 nalé a ne na «a nyoñe jôme môte mfe ane é ne te yian.» 14Wo ye bo te kobô ndôndok nkobô *nkpwala a ésas, a te bôé ndindim jôme ya kolé wô ôbak ôsu. Ve wo ye ko Zambe wôé woñ, ma me ne Nti.
15Te boon ékotekot ntyi'ane mejô été: te ko môt a n'atek éngôngol é ne te yian nge semé beta môt ésemé é ne te yian, ve mia ye tyi'i bôte mia be be mi too mejô teke ôbangam. 16Wo ye bo te ndeñe mfuk e bôte bôé été. Te ve'ele bo na môte mia nye mi too a nyoñe meleb y'awu amu bibôta mejô biôé asu betyi'i mejô: ma me ne Nti. 17Te siñe monyoñ e nleme wôé été, ve ô va'a nye bijô nalé wo ye bo te be'e mekua ya *abé dé. #19:17 Fombô'ô Ezékiél 33:1-9.
18Te kune womien a te ba'ale bone ya ayoñe dôé ôviti'i *nlem, ve wo ye nye'e e môt a too wo bebé ane wo nye'e womien: ma me ne Nti.
19Mia ye fe ba'ale memvinda ma, te kañese na mevale me tite mebaé me yam; nalé fe te miase mvoñ mevale mebaé afube dôé été; a wo ye bo te jaé ngômesan é too ntiñan a minsiñga mevale mebaé.
20Nge fam éziñ ja fulane minga, nge minga ate a ne mbo ésaé a bili *atiñ aluk a fame fe ve a nji bi éto fili, ba ye lume bebaé v'aleman, ve saa melebe y'awu, amu minga ate a nji bi éto fili. 21Amu mekua mé, fam ja te jô'ôbô minga ate ja yiane zuu nnôm ékela e be Nti, anyiine *nda éndelé bendôba'an asu mveane ya mvaane mekua. 22Eyoñe te *ntuni a ye bulu nsem asu dé asu Nti, amu *abé a nga bo; a ye bulu nseme te a nnôm ékela a nga veban asu mveane ya mvaane mekua, wôna *abé a nga bo da ye jambane nye.
23Eyoñ mi nyiiya si ya Kanaan a bé bilé bia wum bibuma mevale mese, mia ye yene bibuma y'été bi too te *mfuban tañ mimbu mila a mia ye bo te di bie. 24Bibuma bia ye wum e mbu nyini, mia ye ve ma bie ézezañe abô'ô meva'a été. 25Mbu tane mia ye di bibuma ya bilé bite, nge mia bo nalé nkôane bidi wônan wo ye nenenen, ma me ne Nti, e Zambe wônan.
26Te diane minsôn mi tit e vôm émiene ya mi nga kuli je metyi. Te boone mame ya majik nge bo mame ya bemvi'i. 27Te tyembane ntyi'i e minlô nge tyeñe meku'u ya zele jôé. 28Te tenane mimbak e menyôle ane ndeme ya meyep, nge kpwele bikanga e bikôbe bienan: ma me ne Nti.
29Te sili ngo jôé si éyoñ wo tindi je na é bo ébamba amu na ngume si ôse ô za nyiin ébamba été a bo mbia jôm e mise me Nti. #19:29 Ebamba: sa ji ya jeñe moné nge akum, ve ji mimbunan bepaéñ mi nga bo mi bo'ok bôsa asu ya dutu afo'o ya si, a mfôan mevale mese: mfufub ébamba, Zambe a wosan ébamba te. 30Mia ye ba'ale besabate bam a semé vôme wom a n'étyi: ma me ne Nti.
31Te kean e be ba ba loone minsisim bekôn nge bi'i mam ma ye boban melu ôsu, mi za ve miabebien mvin a be: ma me ne Nti, e Zambe wônan. 32Wo ye tebe tetele asu ya nyô nlô ô ntoo ne fuum a semé éto nnôme jé. Wo ye ko Zambe wôé woñ: ma me ne Nti.
33Nge *ntabe wo zu tabe e si jenan mia be be, te belan wô ane e ne te yian. 34Mia ye belan e *ntabe ô too be mia ane bialébialé ya zañe jenan; wo ye nye'e nye ane womien, amu mi nga too mintabe e si y'Ejipte: ma me ne Nti e Zambe wônan.
35Mia ye bo te bo ékotekot to'o e ntyi'ane mejô été, to'o éyoñ mia ve'e nté a ndam, nge adit nge abim. #19:35 Abim: mfa'a ya jôm ése é ne mendim nge mefes.
36Mia ye belane minlôt mi ne zôsôôô, metyi minlôt me ne zôsôôô, nkoé ô ne zôsôôô, a viek ô ne zôsôôô: ma me ne Nti e Zambe wônan, Nyô a nga soo mia si y'Ejipte. 37Mia ye ba'ale memvinda mam mese a minjôane miam mise a bo mie: ma me ne Nti.
Atualmente Selecionado:
:
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
Bible en langue Bulu © L'Alliance Biblique du Cameroun, 2007, 2015.