Rom 9
9
Ŋwiye tì bəd məd
1Mo ya gha tesiʼ icheg wə̀d ne yaʼi ane anug amɔʼ tì Kristo. Chəyi mə̀ ghàmà inug ako. Azwighi Ŋwiye ze ne yaʼi inga ìmə fìŋ ze bə̀ bḛ gha mə ya ghàmà tesiʼ. 2Tesiʼ ya gha, mə we sɔ̀mnɔ̀ kwàʼ ako imbə̀ʼ icheg ne ibəʼ ne chəyi ìnwḭ fə sweg inga ìmə fìŋ. 3Àmə yaʼ aghi ne Ŋwiye we tì wì zi ndɔ̀n igun inum kə̀ bì chì amə ane ifɔti we ne mə beri tì Kristo məyi ni ghì gha ìmbum bəd pum, mə bḛ ane. 4Mbɔb ya mə̀Izre. À ya mbɔb ne Ŋwiye ya be niŋ ane ìmbi bəd. À ya inɔb ne Ŋwiye ya be chwi ìwe ìzḛzḛ. À ya mbɔb ya wàd ikan tì Ŋwiye. À ya inɔb ne Ŋwiye ya nàʼi ìmbi mə̀nɔ̀ʼɔ̀. À ya mbɔb ne Ŋwiye ya ghì mbɔb se ghùmnə aməd. À ya mbɔb ne wì ya bə̀ kàʼ inug nɔʼ nɔʼ inɔb. 5Mbɔb ya bəd inga inəbi mə̀mbaʼ mbe te aneg. Mbi ya gwi Wə̀d we ne Ŋwiye zɔ̀ʼi inga inəbi bəd Izre. Məd ya Ŋwiye abə bəd məjìm. Tì ghumnə Ŋwiye ane ighə̀m imɔʼ. À ya ane!
6Kayi mə gha, chəyi Ŋwiye fàʼi anug ne wì ya kàʼi. Aton ya gha, kayi bəd Izre məjìm yaʼi bəd Ŋwiye. 7Kayi bɔn məjìm inga inəbi ìwi Abràham yaʼi bəd Ŋwiye icheg ne Ŋwiye ya kàʼi. Asiŋi mɔ̀ʼɔ inga Ìngam Ŋwiye gha, “Ŋwiye ya ghà abə Abràham gha, à ya anjìm Azìg ne àghò biri bèrì bɔn mbe ne mə̀ ya kàʼi ine.” 8Àzo̰ ya ni chwi gha, kayi bɔn məjìm inga inəbi məd yaʼi bɔn Ŋwiye. Bɔn Ŋwiye ya bɔn ne wì gwi icheg ne Ŋwiye ya kàʼi. À ya kwàʼ mbɔb ne mbe tàŋa awɔb ane bɔn inga iwaŋ inəbi Abràham. 9Ŋwiye ya kàʼ abə Abràham gha, “Anyumə̀ anìŋ fituʼ, mə biri bə̀ndi yèʼe ghì Sèra bɔ̀ŋ ŋwan mbaŋà.”
10Kayi məyi anug azo̰. Anug mɔ̀ʼɔ icheg azo̰ ya bə dù abə Rèbekà anyumə̀ ne wì ya bɔ̀ŋi ibum tì inɔm məd Azìg gwi mə̀ŋwiye, bɔn mbaŋà məbe. Azìg we ya ìwa mbaʼ aneg. 11Bɔŋ mbi ya se gwìye bɔn mbe, Ŋwiye ya fə ghàm imbə̀ʼ awɔb. Wì ya fə ghàm ane ne chəyi mbi kiri fàʼi anug chɔm kə̀ anug tibɔ̀ŋ. Ze ya yaʼ ane ni ghì gha, inug yaʼ icheg ne Ŋwiye kə̀bi. 12Chəyi Ŋwiye we chɔ̀ʼɔ bəd anjìm ìmbɔb ìfàʼì. Wì ya chɔ̀ʼɔ bəd icheg ne wì kɔ̀ŋi. Wì ya ghà abə Rèbekà gha, “Ŋwan mbeg biri fàʼ abə ŋwan njìm.” 13A ze inga Àŋwàʼrì Ŋwiye gha, “Mə chɔʼ Jàkɔb si sàŋì Esawò”
14Tì kə ywiri gha? Ŋwiye we wa ghìyə̀ ighə? Indèʼ ka! 15Ŋwiye ya ghà abə Muse gha,
“Mə biri bèrì àsɔ̀mnəfiŋ igun wə̀d ne mə̀ kəbi ni bèrì àsɔ̀mnəfiŋ igun məd.
Mə biri bə dìgrì igun wə̀d ne mə̀ kəbi ni dìgrì igun məd.”
16Chəyi Ŋwiye we nḛ̀ igun inug ne bəd mbe ghìyə̀ kə̀ nḛ̀ igun inug ne bəd mbe kə̀bə̀. Məd ya bèrè àsɔ̀mnəfiŋ yaʼ igun wə̀d ne wì kə̀bi. 17A ze inga Àŋwàʼrì Ŋwiye gha, Ŋwiye ya ghà abə ifɔn Ferò gha, “Mə ya nɔ̀ŋì awe ane ifɔn ni chwi ìmə ika. Àze biri ghì bəd se chètè inug imbə̀ʼ amə inga isəg ijìm, ghà icheg ne mə̀ beri ika.” 18Ane, məd Ŋwiye biri bèrì àsɔ̀mnəfiŋ igun wə̀d ne wì də̀bi, bə̀ ghì gha fìŋ tu abə wə̀d ne wì də̀bi.
Ŋwiye ya gàŋa bə̀ ywìrè chwìye àsɔ̀mnəfiŋ
19Mbə̰ biri biri inum gha, “Aton ne Ŋwiye we ywìrè gàŋa ina àkə gha? Àkə we ne tì wì to̰ yi anug ne Ŋwiye fə chuʼri nɔ̀ŋì?” 20Wə̀d-aku icheg ine, àghò kə we ne tì àghò ywiti ichug abə Ŋwiye? Aghi-to ze tì ze biri abə wə̀d ne to aməd gha, “àghò kə ghi amə mə yaʼ anìŋ imbə̀ʼ aghə?”#9:20 Isa 29:16; 45:9 21Tesiʼ ya gha, wə̀d ne bɔ̀mɔ ighi we tì wì bɔm ighi icheg ne wì kə̀bi. Məd we tì wì niŋ mbiŋ abɔmi amɔʼ bɔm tiku ighi ibe inga. Wì ya nɔ̀ŋɔ̀ aghi afibì ni kə bètè si nɔ̀ŋì àzin ane aneg anug.
22À ya bə̀ ane ne Ŋwiye we fàʼà. Wì ya kə̀b ni chwi àzi agaŋ bə̀ ghì bəd kyeri ika məd. Si ya gha, Ŋwiye ya nyimi fìŋ tì bəd mbe ne yaya ghìyə̀ wì gàŋa, ne ya bəd ne wì ya kòʼi ni nimni. 23Wì ya kə̀b ni chwi ìchɔ̀mì məd we ne chəyi ìnwḭ. Wì ya kə̀b ni chwi àsɔ̀mnəfiŋ azo̰ igun bəd məd mbe ne wì ya də̀bi ni chwi àsɔ̀mnəfiŋ inɔb. À ya bəd mbe ne wì ya fə ghum chùʼri nɔ̀ŋì gha mbi biri ghumni aməd. 24Mba ya bəd mbe ne məd chɔʼi; kayi məyi inga mə̀Ju, à ya fɔrɔ inga bəd ne kayi mə̀Ju. 25A ze inga Àŋwàʼrì wə̀dkə̀n Hòsiyà gha,
“Bəd mbe ne kayi ìmbum bəd,
mə biri kàri awɔb ane ‹Ìmbum bəd›.
Aben ze ne chəyi mə̀ ya kɔ̀ŋi,
mə biri kàrì awɔb ane ‹bəd ne mə̀ taŋ kɔ̀ŋ.›”
26À ya bə̀
kwàʼ icheg ne ze yaʼi inga asiŋi ze ne mbi ya ghà inɔb gha:
“Mbə̰ kayi ìmbum bəd.”
Mbi biri kàrì awɔb angu gha “Bɔn Ŋwiye we ne yaʼi izɔm.”
27Àzayà ya kyen ghàm imbə̀ʼ Izre gha:
“Ka mə̀Izre jiʼì nɔʼ icheg tìsiwaŋ angò igyi tìbà,
à ya məyi inɔ̰ bəd mɔ̀ʼɔ kwa kwa biri dù inga ngəʼ.
28Aton ya gha Anɔŋisəg biri zàmbà niŋ ìwi isɔbi anug,
sɔb isaʼi igun bəd inga isəg ijìm ane ighə̀m imɔʼ.”
29Àzayà ya bə̀ ywìrì gha,
“Àkə aghi ne chəyi Atumbisəg
ya ghi tì beri bɔn,
nji wì ya fə nimni awa icheg Sodòm,
bə̀ nìmni awa icheg Gòmorà.”
Pɔl chàʼra Ŋwiye abə Mə̀Izre
30Tì kə ywìrè gha? Bəd ne kayi mə̀Ju ne chəyi tì mbi ya təm kòʼ imbìghè abə Ŋwiye, mbɔb mbo̰ fə təmi kòʼ imbìghè abə Ŋwiye anjìm ìwɔb ibḛfiŋ. 31Àsi bəd Izre ne yaya nɔ̀ŋɔ̀ mə̀nɔ̀ʼɔ̀ Muse kə̀bə̀ ni təm kòʼ, mbɔb mbo̰ anìŋ chəyi mbi təmi kòʼ imbìghè abə Ŋwiye. 32Aton ya gha, chəyi mbɔb ya nɔŋi ibḛfiŋ igun Ŋwiye. Mbɔb ya nɔ̀ŋì ibḛfiŋ yaʼ igun inug mbe ne mbɔb yaya ghìyə̀. Ìtɔb tìghinùg ghì mbi gùg igun “iteg we ne ghìyə̀ bəd gùghə̀”. 33A ze inga Àŋwàʼrì Ŋwiye gha,
“Mbə̀ nḛ, mə fə nɔ̀ŋì iteg a Zayɔ̀n ne biri ghì bəd gùg.
À ya igho ne biri ghì bəd gùg.
Chəyi Ŋwiye biri zì tìnìrètog igun bəd mbe ne biri nɔ̀ŋì ìwɔb ibḛfiŋ igun məd.”
Atualmente Selecionado:
Rom 9: MBTP
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2019 CABTAL
Rom 9
9
Ŋwiye tì bəd məd
1Mo ya gha tesiʼ icheg wə̀d ne yaʼi ane anug amɔʼ tì Kristo. Chəyi mə̀ ghàmà inug ako. Azwighi Ŋwiye ze ne yaʼi inga ìmə fìŋ ze bə̀ bḛ gha mə ya ghàmà tesiʼ. 2Tesiʼ ya gha, mə we sɔ̀mnɔ̀ kwàʼ ako imbə̀ʼ icheg ne ibəʼ ne chəyi ìnwḭ fə sweg inga ìmə fìŋ. 3Àmə yaʼ aghi ne Ŋwiye we tì wì zi ndɔ̀n igun inum kə̀ bì chì amə ane ifɔti we ne mə beri tì Kristo məyi ni ghì gha ìmbum bəd pum, mə bḛ ane. 4Mbɔb ya mə̀Izre. À ya mbɔb ne Ŋwiye ya be niŋ ane ìmbi bəd. À ya inɔb ne Ŋwiye ya be chwi ìwe ìzḛzḛ. À ya mbɔb ya wàd ikan tì Ŋwiye. À ya inɔb ne Ŋwiye ya nàʼi ìmbi mə̀nɔ̀ʼɔ̀. À ya mbɔb ne Ŋwiye ya ghì mbɔb se ghùmnə aməd. À ya mbɔb ne wì ya bə̀ kàʼ inug nɔʼ nɔʼ inɔb. 5Mbɔb ya bəd inga inəbi mə̀mbaʼ mbe te aneg. Mbi ya gwi Wə̀d we ne Ŋwiye zɔ̀ʼi inga inəbi bəd Izre. Məd ya Ŋwiye abə bəd məjìm. Tì ghumnə Ŋwiye ane ighə̀m imɔʼ. À ya ane!
6Kayi mə gha, chəyi Ŋwiye fàʼi anug ne wì ya kàʼi. Aton ya gha, kayi bəd Izre məjìm yaʼi bəd Ŋwiye. 7Kayi bɔn məjìm inga inəbi ìwi Abràham yaʼi bəd Ŋwiye icheg ne Ŋwiye ya kàʼi. Asiŋi mɔ̀ʼɔ inga Ìngam Ŋwiye gha, “Ŋwiye ya ghà abə Abràham gha, à ya anjìm Azìg ne àghò biri bèrì bɔn mbe ne mə̀ ya kàʼi ine.” 8Àzo̰ ya ni chwi gha, kayi bɔn məjìm inga inəbi məd yaʼi bɔn Ŋwiye. Bɔn Ŋwiye ya bɔn ne wì gwi icheg ne Ŋwiye ya kàʼi. À ya kwàʼ mbɔb ne mbe tàŋa awɔb ane bɔn inga iwaŋ inəbi Abràham. 9Ŋwiye ya kàʼ abə Abràham gha, “Anyumə̀ anìŋ fituʼ, mə biri bə̀ndi yèʼe ghì Sèra bɔ̀ŋ ŋwan mbaŋà.”
10Kayi məyi anug azo̰. Anug mɔ̀ʼɔ icheg azo̰ ya bə dù abə Rèbekà anyumə̀ ne wì ya bɔ̀ŋi ibum tì inɔm məd Azìg gwi mə̀ŋwiye, bɔn mbaŋà məbe. Azìg we ya ìwa mbaʼ aneg. 11Bɔŋ mbi ya se gwìye bɔn mbe, Ŋwiye ya fə ghàm imbə̀ʼ awɔb. Wì ya fə ghàm ane ne chəyi mbi kiri fàʼi anug chɔm kə̀ anug tibɔ̀ŋ. Ze ya yaʼ ane ni ghì gha, inug yaʼ icheg ne Ŋwiye kə̀bi. 12Chəyi Ŋwiye we chɔ̀ʼɔ bəd anjìm ìmbɔb ìfàʼì. Wì ya chɔ̀ʼɔ bəd icheg ne wì kɔ̀ŋi. Wì ya ghà abə Rèbekà gha, “Ŋwan mbeg biri fàʼ abə ŋwan njìm.” 13A ze inga Àŋwàʼrì Ŋwiye gha, “Mə chɔʼ Jàkɔb si sàŋì Esawò”
14Tì kə ywiri gha? Ŋwiye we wa ghìyə̀ ighə? Indèʼ ka! 15Ŋwiye ya ghà abə Muse gha,
“Mə biri bèrì àsɔ̀mnəfiŋ igun wə̀d ne mə̀ kəbi ni bèrì àsɔ̀mnəfiŋ igun məd.
Mə biri bə dìgrì igun wə̀d ne mə̀ kəbi ni dìgrì igun məd.”
16Chəyi Ŋwiye we nḛ̀ igun inug ne bəd mbe ghìyə̀ kə̀ nḛ̀ igun inug ne bəd mbe kə̀bə̀. Məd ya bèrè àsɔ̀mnəfiŋ yaʼ igun wə̀d ne wì kə̀bi. 17A ze inga Àŋwàʼrì Ŋwiye gha, Ŋwiye ya ghà abə ifɔn Ferò gha, “Mə ya nɔ̀ŋì awe ane ifɔn ni chwi ìmə ika. Àze biri ghì bəd se chètè inug imbə̀ʼ amə inga isəg ijìm, ghà icheg ne mə̀ beri ika.” 18Ane, məd Ŋwiye biri bèrì àsɔ̀mnəfiŋ igun wə̀d ne wì də̀bi, bə̀ ghì gha fìŋ tu abə wə̀d ne wì də̀bi.
Ŋwiye ya gàŋa bə̀ ywìrè chwìye àsɔ̀mnəfiŋ
19Mbə̰ biri biri inum gha, “Aton ne Ŋwiye we ywìrè gàŋa ina àkə gha? Àkə we ne tì wì to̰ yi anug ne Ŋwiye fə chuʼri nɔ̀ŋì?” 20Wə̀d-aku icheg ine, àghò kə we ne tì àghò ywiti ichug abə Ŋwiye? Aghi-to ze tì ze biri abə wə̀d ne to aməd gha, “àghò kə ghi amə mə yaʼ anìŋ imbə̀ʼ aghə?”#9:20 Isa 29:16; 45:9 21Tesiʼ ya gha, wə̀d ne bɔ̀mɔ ighi we tì wì bɔm ighi icheg ne wì kə̀bi. Məd we tì wì niŋ mbiŋ abɔmi amɔʼ bɔm tiku ighi ibe inga. Wì ya nɔ̀ŋɔ̀ aghi afibì ni kə bètè si nɔ̀ŋì àzin ane aneg anug.
22À ya bə̀ ane ne Ŋwiye we fàʼà. Wì ya kə̀b ni chwi àzi agaŋ bə̀ ghì bəd kyeri ika məd. Si ya gha, Ŋwiye ya nyimi fìŋ tì bəd mbe ne yaya ghìyə̀ wì gàŋa, ne ya bəd ne wì ya kòʼi ni nimni. 23Wì ya kə̀b ni chwi ìchɔ̀mì məd we ne chəyi ìnwḭ. Wì ya kə̀b ni chwi àsɔ̀mnəfiŋ azo̰ igun bəd məd mbe ne wì ya də̀bi ni chwi àsɔ̀mnəfiŋ inɔb. À ya bəd mbe ne wì ya fə ghum chùʼri nɔ̀ŋì gha mbi biri ghumni aməd. 24Mba ya bəd mbe ne məd chɔʼi; kayi məyi inga mə̀Ju, à ya fɔrɔ inga bəd ne kayi mə̀Ju. 25A ze inga Àŋwàʼrì wə̀dkə̀n Hòsiyà gha,
“Bəd mbe ne kayi ìmbum bəd,
mə biri kàri awɔb ane ‹Ìmbum bəd›.
Aben ze ne chəyi mə̀ ya kɔ̀ŋi,
mə biri kàrì awɔb ane ‹bəd ne mə̀ taŋ kɔ̀ŋ.›”
26À ya bə̀
kwàʼ icheg ne ze yaʼi inga asiŋi ze ne mbi ya ghà inɔb gha:
“Mbə̰ kayi ìmbum bəd.”
Mbi biri kàrì awɔb angu gha “Bɔn Ŋwiye we ne yaʼi izɔm.”
27Àzayà ya kyen ghàm imbə̀ʼ Izre gha:
“Ka mə̀Izre jiʼì nɔʼ icheg tìsiwaŋ angò igyi tìbà,
à ya məyi inɔ̰ bəd mɔ̀ʼɔ kwa kwa biri dù inga ngəʼ.
28Aton ya gha Anɔŋisəg biri zàmbà niŋ ìwi isɔbi anug,
sɔb isaʼi igun bəd inga isəg ijìm ane ighə̀m imɔʼ.”
29Àzayà ya bə̀ ywìrì gha,
“Àkə aghi ne chəyi Atumbisəg
ya ghi tì beri bɔn,
nji wì ya fə nimni awa icheg Sodòm,
bə̀ nìmni awa icheg Gòmorà.”
Pɔl chàʼra Ŋwiye abə Mə̀Izre
30Tì kə ywìrè gha? Bəd ne kayi mə̀Ju ne chəyi tì mbi ya təm kòʼ imbìghè abə Ŋwiye, mbɔb mbo̰ fə təmi kòʼ imbìghè abə Ŋwiye anjìm ìwɔb ibḛfiŋ. 31Àsi bəd Izre ne yaya nɔ̀ŋɔ̀ mə̀nɔ̀ʼɔ̀ Muse kə̀bə̀ ni təm kòʼ, mbɔb mbo̰ anìŋ chəyi mbi təmi kòʼ imbìghè abə Ŋwiye. 32Aton ya gha, chəyi mbɔb ya nɔŋi ibḛfiŋ igun Ŋwiye. Mbɔb ya nɔ̀ŋì ibḛfiŋ yaʼ igun inug mbe ne mbɔb yaya ghìyə̀. Ìtɔb tìghinùg ghì mbi gùg igun “iteg we ne ghìyə̀ bəd gùghə̀”. 33A ze inga Àŋwàʼrì Ŋwiye gha,
“Mbə̀ nḛ, mə fə nɔ̀ŋì iteg a Zayɔ̀n ne biri ghì bəd gùg.
À ya igho ne biri ghì bəd gùg.
Chəyi Ŋwiye biri zì tìnìrètog igun bəd mbe ne biri nɔ̀ŋì ìwɔb ibḛfiŋ igun məd.”
Atualmente Selecionado:
:
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2019 CABTAL