Rom 7
7
Anug ne inam we chwìte
1Ìmbum məfi fɔrɔ ìtum njàbi, mə ya ghàmà inən icheg bəd ne kyeri mə̀nɔ̀ʼɔ̀. Àkə chəyi mbə̀ kyeri gha nɔ̀ʼɔ ya nyìme wə̀d məyi anyumə̀ ne tengàŋ yaʼi izɔm? 2Mbə̀ si mə̀ gha inən gha, mə̀nɔ̀ʼɔ̀ chwìti gha àyi nami mənyìʼ tèn tì ìwi inɔm məyi anyumə̀ ne inɔm məd yaʼi izɔm. Chəyi mə̀nɔ̀ʼɔ̀ mbe ywìrè nyìme məd anyumə̀ ne inɔm məd fə ku. 3Inɔm məd mə̀ yaʼ izɔm, wì ghò nam inɔm ndəŋ, ane ya gha we fànà. Àsi anyumə̀ ne inɔm məd fə ku, chəyi nɔ̀ʼɔ̀ biri ywìri nyimi aməd. Wì kòʼ yi ni nam inɔm ndəŋ.
4Ìmbum məfi fɔrɔ ìtum njàbi, à ya bə̀ ane ne chəyi mə̀nɔ̀ʼɔ̀ ywirì bèrì ika igun inən imbə̀ʼ icheg ne mbə̰ ya fə se ane anug amɔʼ tì Kristo. Amad anìŋ, mbə̰ ya bəd Anɔŋisəg we ne Ŋwiye ya zwemni aməd ane iwu ni ghì gha tì bere apan ni yaʼ bəd ne fàʼà abə Ŋwiye icheg chɔm. 5Anyumə̀ ne tì yaya ghìyə̀ inug tibɔ̀ŋ, fìŋ inug tibɔ̀ŋ ze à ya mə̀nɔ̀ʼɔ̀ ya nɔ̀ri inug tibɔ̀ŋ mbe ne ìta nyàmnyɔd yaya ghə̀ʼrə̀. À ya aton ne tì yaya se ghìyə̀ yaʼ inug tibɔ̀ŋ ne zwète awa. 6Amad anìŋ, icheg ne tì fə se awa ane anug amɔʼ tì Anɔŋisəg, chəyi mə̀nɔ̀ʼɔ̀ ywirì bèrì ika igun ina. Tì bèrì ni si taŋ fàʼ abə Ŋwiye icheg ne Azwighi Ŋwiye ze nàʼà ika ina, kayi ni fàʼ ane ikuchèg anun we ne mə̀nɔ̀ʼɔ̀ Muse chwi.
Mə̀nɔ̀ʼɔ̀ nàʼ apan abə inug tibɔ̀ŋ
7Tì kə anìŋ kɔ̀ndɔ gha? Mə̀nɔ̀ʼɔ̀ Muse wa kə inug tibɔ̀ŋ? Indèʼ ka! À ya mə̀nɔ̀ʼɔ̀ ghi mə kyeri inug ne yaʼi mbi tibɔ̀ŋ. Àkə aghi ne chəyi kə̀ mə̀nɔ̀ʼɔ̀, nji chəyi mə̀ kyeri gha ni ghə̀ʼrì ighi ya anug tibɔ̀ŋ. À ya mə̀nɔ̀ʼɔ̀ gha gha, “Imbə̀ʼ àghò ghəʼrə awe ighi.” 8À ya anjìm mə̀nɔ̀ʼɔ̀ mbe ne inug tibɔ̀ŋ ya beri apan ni ghì gha mə̀ se ghə̀ʼrə̀ tiku ighi ijìm. Àkə aghi ne chəyi mə̀nɔ̀ʼɔ̀, nji chəyi inug tibɔ̀ŋ beri ika igun wə̀d. 9Anyumə̀ ne chəyi mə̀nɔ̀ʼɔ̀ ya yaʼi, mo ya yaʼ amə izɔm. Àsi anyumə̀ ne mə̀ ya kyeri mə̀nɔ̀ʼɔ̀, inug tibɔ̀ŋ ya nyi inga ìmə ìtḛ̀ ghì mə ku. 10Mə ya si bàd gha, nɔ̀ʼɔ̀ we ne ya kòʼi ni ghì gha mə̀ yaʼ izɔm, wè niŋ yaʼ iwu yèʼe igun inum. 11Inug tibɔ̀ŋ fə chè anjìm nɔ̀ʼɔ̀ we si bèrì apan ni tambi amə bə̀ zwèti amə.
12Ane, mə̀nɔ̀ʼɔ̀ Muse zen, tikə te ne yaʼi inga mə̀nɔ̀ʼɔ̀ bə̀ zen, bə̀ təm kòʼ bə̀ bɔ̀ŋ. 13Ze wa kə chwìye gha mə̀nɔ̀ʼɔ̀ ne ya aghi chɔm, mbe ghì mə ku? Indèʼ ka! À ya inug tibɔ̀ŋ niŋi mə̀nɔ̀ʼɔ̀ ne ya aghi chɔm zwèti amə inga. Ane, tikə chɔm ne Ŋwiye nàʼi fə ghì tì bad icheg ne inug tibɔ̀ŋ bə chè ndo.
Chəyi mə fàʼà anug ne mə̀ kɔŋi
14Tè kyèri gha mə̀nɔ̀ʼɔ̀ Muse ya Azwighi Ŋwiye nàʼi. Chəyi mbi beri ngəʼ. Àsi wə̀d-aku icheg inum, inug tibɔ̀ŋ fə niŋ amə ane àbòʼì. 15Chəyi mə̀ kyeri aghi ne mə ghìyə̀ imbə̀ʼ icheg ne mə we ghìyə̀ inug ne chəyi mə̀ kɔŋi ni ghì. Àsi inug mbe ne mə̀ kɔŋi ni ghì, chəyi mə ghìyə̀. 16Icheg ne mə ghìyə̀ inug ne chəyi mə̀ kɔŋi ni ghì, àze chwi gha mə bḛ gha mə̀nɔ̀ʼɔ̀ bɔ̀ŋ. 17Icheg ne ze yaʼi ane, kayi ywìrè yi mo we ghìyə̀ inug mbe. À ya inug tibɔ̀ŋ mbe ne yaʼi inga inum mbe fàʼà. 18Ane, mə kyèri gha chəyi anug chɔm mɔ̀ʼɔ ne yaʼi inga inum. À ya ikuchèg tibɔ̀ŋ yaʼi inga inum. Mə bèrì fìŋ ni ghì inug chɔm, si ya gha, chəyi tì mə ghì. 19Inug mbe ne mə fàʼà kayi inug chɔm mbe ne mə̀ kɔŋi ni fàʼ. Àsi inug tibɔ̀ŋ mbe ne chəyi mə̀ kɔŋi ni fàʼ, à ya mbiwən ne mə fàʼà. 20Mə mə̀ ya fàʼà inug mbe ne chəyi mə̀ kɔŋi ni fàʼ, àze chwi gha, kayi ywìrè yi mo we fàʼà. À ya si inug tibɔ̀ŋ mbe ne yaʼi inga inum mbe fàʼà.
21Tesiʼ ni inga anug azo̰ ya gha, anyumə̀ ne mə̀ kɔŋi ni ghì inug chɔ̀m, à ya məyi inug tibɔ̀ŋ mbe kɔ̀ʼɔ inga inum. 22Mə kɔ̀ŋ mə̀nɔ̀ʼɔ̀ Ŋwiye kwàʼ ane ìmə fìŋ ijìm. 23Si ya gha, tesiʼ ndəŋ ne mə se bàrà inga anug azo̰ ya gha, à ya inug tibɔ̀ŋ fə jəg ìmə nyàmnyɔd ijìm. Inug tibɔ̀ŋ mbo̰ mbe zɔ̀ŋɔ̀ tikɔndi chɔm ne mə̀ beri . Ane, ghì mə si yaʼ àbòʼì abə inug tibɔ̀ŋ mbe ne kiri biri inga inum. 24Wo wə̀d ngəʼ icheg inum! Àkə we biri chì amə inga nyàmnyɔd inug tibɔ̀ŋ ìzo̰ ne zwète mə? 25Mə nàʼ məyakà abə Ŋwiye anjìm ìwa Anɔŋisəg, Yeso Kristo!
Inum inga fìŋ, mə kyèri gha mo ya àbòʼì abə mə̀nɔ̀ʼɔ̀ Ŋwiye, si ya gha, inug tibɔ̀ŋ mbe ne yaʼi inga inum fə niŋ amə ane àbòʼì.
Atualmente Selecionado:
Rom 7: MBTP
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2019 CABTAL
Rom 7
7
Anug ne inam we chwìte
1Ìmbum məfi fɔrɔ ìtum njàbi, mə ya ghàmà inən icheg bəd ne kyeri mə̀nɔ̀ʼɔ̀. Àkə chəyi mbə̀ kyeri gha nɔ̀ʼɔ ya nyìme wə̀d məyi anyumə̀ ne tengàŋ yaʼi izɔm? 2Mbə̀ si mə̀ gha inən gha, mə̀nɔ̀ʼɔ̀ chwìti gha àyi nami mənyìʼ tèn tì ìwi inɔm məyi anyumə̀ ne inɔm məd yaʼi izɔm. Chəyi mə̀nɔ̀ʼɔ̀ mbe ywìrè nyìme məd anyumə̀ ne inɔm məd fə ku. 3Inɔm məd mə̀ yaʼ izɔm, wì ghò nam inɔm ndəŋ, ane ya gha we fànà. Àsi anyumə̀ ne inɔm məd fə ku, chəyi nɔ̀ʼɔ̀ biri ywìri nyimi aməd. Wì kòʼ yi ni nam inɔm ndəŋ.
4Ìmbum məfi fɔrɔ ìtum njàbi, à ya bə̀ ane ne chəyi mə̀nɔ̀ʼɔ̀ ywirì bèrì ika igun inən imbə̀ʼ icheg ne mbə̰ ya fə se ane anug amɔʼ tì Kristo. Amad anìŋ, mbə̰ ya bəd Anɔŋisəg we ne Ŋwiye ya zwemni aməd ane iwu ni ghì gha tì bere apan ni yaʼ bəd ne fàʼà abə Ŋwiye icheg chɔm. 5Anyumə̀ ne tì yaya ghìyə̀ inug tibɔ̀ŋ, fìŋ inug tibɔ̀ŋ ze à ya mə̀nɔ̀ʼɔ̀ ya nɔ̀ri inug tibɔ̀ŋ mbe ne ìta nyàmnyɔd yaya ghə̀ʼrə̀. À ya aton ne tì yaya se ghìyə̀ yaʼ inug tibɔ̀ŋ ne zwète awa. 6Amad anìŋ, icheg ne tì fə se awa ane anug amɔʼ tì Anɔŋisəg, chəyi mə̀nɔ̀ʼɔ̀ ywirì bèrì ika igun ina. Tì bèrì ni si taŋ fàʼ abə Ŋwiye icheg ne Azwighi Ŋwiye ze nàʼà ika ina, kayi ni fàʼ ane ikuchèg anun we ne mə̀nɔ̀ʼɔ̀ Muse chwi.
Mə̀nɔ̀ʼɔ̀ nàʼ apan abə inug tibɔ̀ŋ
7Tì kə anìŋ kɔ̀ndɔ gha? Mə̀nɔ̀ʼɔ̀ Muse wa kə inug tibɔ̀ŋ? Indèʼ ka! À ya mə̀nɔ̀ʼɔ̀ ghi mə kyeri inug ne yaʼi mbi tibɔ̀ŋ. Àkə aghi ne chəyi kə̀ mə̀nɔ̀ʼɔ̀, nji chəyi mə̀ kyeri gha ni ghə̀ʼrì ighi ya anug tibɔ̀ŋ. À ya mə̀nɔ̀ʼɔ̀ gha gha, “Imbə̀ʼ àghò ghəʼrə awe ighi.” 8À ya anjìm mə̀nɔ̀ʼɔ̀ mbe ne inug tibɔ̀ŋ ya beri apan ni ghì gha mə̀ se ghə̀ʼrə̀ tiku ighi ijìm. Àkə aghi ne chəyi mə̀nɔ̀ʼɔ̀, nji chəyi inug tibɔ̀ŋ beri ika igun wə̀d. 9Anyumə̀ ne chəyi mə̀nɔ̀ʼɔ̀ ya yaʼi, mo ya yaʼ amə izɔm. Àsi anyumə̀ ne mə̀ ya kyeri mə̀nɔ̀ʼɔ̀, inug tibɔ̀ŋ ya nyi inga ìmə ìtḛ̀ ghì mə ku. 10Mə ya si bàd gha, nɔ̀ʼɔ̀ we ne ya kòʼi ni ghì gha mə̀ yaʼ izɔm, wè niŋ yaʼ iwu yèʼe igun inum. 11Inug tibɔ̀ŋ fə chè anjìm nɔ̀ʼɔ̀ we si bèrì apan ni tambi amə bə̀ zwèti amə.
12Ane, mə̀nɔ̀ʼɔ̀ Muse zen, tikə te ne yaʼi inga mə̀nɔ̀ʼɔ̀ bə̀ zen, bə̀ təm kòʼ bə̀ bɔ̀ŋ. 13Ze wa kə chwìye gha mə̀nɔ̀ʼɔ̀ ne ya aghi chɔm, mbe ghì mə ku? Indèʼ ka! À ya inug tibɔ̀ŋ niŋi mə̀nɔ̀ʼɔ̀ ne ya aghi chɔm zwèti amə inga. Ane, tikə chɔm ne Ŋwiye nàʼi fə ghì tì bad icheg ne inug tibɔ̀ŋ bə chè ndo.
Chəyi mə fàʼà anug ne mə̀ kɔŋi
14Tè kyèri gha mə̀nɔ̀ʼɔ̀ Muse ya Azwighi Ŋwiye nàʼi. Chəyi mbi beri ngəʼ. Àsi wə̀d-aku icheg inum, inug tibɔ̀ŋ fə niŋ amə ane àbòʼì. 15Chəyi mə̀ kyeri aghi ne mə ghìyə̀ imbə̀ʼ icheg ne mə we ghìyə̀ inug ne chəyi mə̀ kɔŋi ni ghì. Àsi inug mbe ne mə̀ kɔŋi ni ghì, chəyi mə ghìyə̀. 16Icheg ne mə ghìyə̀ inug ne chəyi mə̀ kɔŋi ni ghì, àze chwi gha mə bḛ gha mə̀nɔ̀ʼɔ̀ bɔ̀ŋ. 17Icheg ne ze yaʼi ane, kayi ywìrè yi mo we ghìyə̀ inug mbe. À ya inug tibɔ̀ŋ mbe ne yaʼi inga inum mbe fàʼà. 18Ane, mə kyèri gha chəyi anug chɔm mɔ̀ʼɔ ne yaʼi inga inum. À ya ikuchèg tibɔ̀ŋ yaʼi inga inum. Mə bèrì fìŋ ni ghì inug chɔm, si ya gha, chəyi tì mə ghì. 19Inug mbe ne mə fàʼà kayi inug chɔm mbe ne mə̀ kɔŋi ni fàʼ. Àsi inug tibɔ̀ŋ mbe ne chəyi mə̀ kɔŋi ni fàʼ, à ya mbiwən ne mə fàʼà. 20Mə mə̀ ya fàʼà inug mbe ne chəyi mə̀ kɔŋi ni fàʼ, àze chwi gha, kayi ywìrè yi mo we fàʼà. À ya si inug tibɔ̀ŋ mbe ne yaʼi inga inum mbe fàʼà.
21Tesiʼ ni inga anug azo̰ ya gha, anyumə̀ ne mə̀ kɔŋi ni ghì inug chɔ̀m, à ya məyi inug tibɔ̀ŋ mbe kɔ̀ʼɔ inga inum. 22Mə kɔ̀ŋ mə̀nɔ̀ʼɔ̀ Ŋwiye kwàʼ ane ìmə fìŋ ijìm. 23Si ya gha, tesiʼ ndəŋ ne mə se bàrà inga anug azo̰ ya gha, à ya inug tibɔ̀ŋ fə jəg ìmə nyàmnyɔd ijìm. Inug tibɔ̀ŋ mbo̰ mbe zɔ̀ŋɔ̀ tikɔndi chɔm ne mə̀ beri . Ane, ghì mə si yaʼ àbòʼì abə inug tibɔ̀ŋ mbe ne kiri biri inga inum. 24Wo wə̀d ngəʼ icheg inum! Àkə we biri chì amə inga nyàmnyɔd inug tibɔ̀ŋ ìzo̰ ne zwète mə? 25Mə nàʼ məyakà abə Ŋwiye anjìm ìwa Anɔŋisəg, Yeso Kristo!
Inum inga fìŋ, mə kyèri gha mo ya àbòʼì abə mə̀nɔ̀ʼɔ̀ Ŋwiye, si ya gha, inug tibɔ̀ŋ mbe ne yaʼi inga inum fə niŋ amə ane àbòʼì.
Atualmente Selecionado:
:
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2019 CABTAL