Ìfàʼì 27
27
Pɔl nyi abaŋ igyi ni ghò a Rom
1Anyumə̀ ne Gɔbnà Festùs ya bḛ gha tì nyi inga abaŋ igyi ni ghò a Italì, wì ya nàʼ Pɔl tì bəd ndəŋ ndəŋ abə mbaŋà mɔ̀ʼɔ ne ikum məd ya Julìyòs. Julìyòs we ya yaʼ atog wə̀d igun mə̀sogyì iki ifibì inga inɔ̰ mə̀sogyì ìmbi Kayisà. 2Tì ya nyi abaŋ igyi ne ya nɔ̀ʼi a Àdràmitìyùm. Abaŋ igyi ze ya bèrì ni nɔ̀ʼ se yḛ̀ nè tə̀mə ane isiŋi mbe inga Esìyà ne yaʼi iban igyi. Mbaŋà mɔ̀ʼɔ ne ikum məd ya Àristakùs, ne ya nɔ̀ʼi a Tèsàlonikà inga Màsèdonìyà ya yaʼ tì ina.
3Àsi isu abɔ̀ʼ, tì ya pè a Sidòn. Julìyòs ya ghì ìchɔ̀mì abə Pɔl, sàŋì aməd gha wì gho abɔ̀ʼ ìmbi mə̀sə̀ʼ imbə̀ʼ mbi naʼa ighi mbe ne chəyi wì ya bèri. 4Tì ya nɔ̀ʼ angu ko ghò, si ya gha, icheg ne ifə yaya tḭ̀yḛ awa aba ze imbìghè, tì ya bə̀ŋə̀ ghò chè aba ze a Sayiprùs ne chəyi ifə yaya nàʼà ngəʼ. Sayiprùs ya akəmi asiŋi ìseg ne igyi che kad. 5Anyumə̀ ne tì ya fə bani igyi tìbà we ne yaʼi iban Sìlisìyà tì Pàmfilìyà, tì ya ghò pè a Mirà inga Lisìyà. 6Anyumə̀ ne tì ya pè angu, atog wə̀d igun mə̀sogyì iki ifibì we ya bàd abaŋ igyi ne ya nɔ̀ʼi a Àlèzandrìyà se ghò a Italì, si zì awa inga.
7Tì ya nye yḛ̀ iki piʼì iki piʼì ineg nɔʼ nɔʼ. Tì ya yèn anene ghò pè iban Nidùs. Chəyi afim ya bḛ gha tì gho imbìghè. Ane, tì ya chè iban Sàlmonè ne ya aba ze Kred ne chəyi afim yaya chè angu. Kred ya bə̀ akəmi asiŋi ìseg ne igyi che kad. 8Tì ya yèn iban igyi aton ngəʼ ka ka ghò pè asiŋi mɔ̀ʼɔ ne mbi yaya kàrà ane Asiŋi Chɔm abə Ibaŋ igyi ni Təm. Asiŋi ze ya iban Lasèyà.
9Tì ya fə chìkì nyumə̀ nɔʼ nɔʼ. Ane, chəyi ze ya ywirì bɔ̀ŋ ni yèn inga tìbà imbə̀ʼ afim. Aneg ze ne mə̀Ju yaya chùghə njèg ni ghumni icheg ne Ŋwiye ya waʼi ìmbɔb inug tibɔ̀ŋ ya fə bə̀ chè. Ane, Pɔl ya nàʼ ikə inɔb gha, 10“Ìmbum məfi, mə bàd gha bəd biri zə̰ ngəʼ bə̀ nìmni ighi nɔʼ nɔʼ ane igha̰ gho̰. Kayi məyi abaŋ igyi tì ighi mbe ne abaŋ igyi beʼi biri nim. Tì biri bə ku.” 11Wì ya ghà ane, si ya gha, chəyi atog wə̀d igun mə̀sogyì we ya zi atog ane anug ne Pɔl yaya ghà. Wì ya zug yaʼ anug ne atog wə̀d kyen inga abaŋ igyi tì mbaŋà ze ne ya beri abaŋ igyi ze yaya ghà. 12Icheg ne chəyi asiŋi ze ne tì ya pè təm ya kòʼi gha tì chùghi angu ane nyùmə̀ we ne ifə we taŋ ko, bəd nɔʼ nɔʼ ya ghà gha tì gho imbìghè, ìghə̀m mɔ̀ʼɔ tì biri pè a Fonìks. Fonìks yaya asiŋi kyen inga Kred. Kred ya aba ze ne nyùmə̀ we dùwə̀. Tì ya chughi angu anene nyùmə̀ ifə we chè.
Afim chè igun igyi tìbà
13Anyumə̀ ne afim ze ne ya nɔ̀ʼi aba ze achɔŋɔ ya ko chè iki piʼì iki piʼì, mbaŋà te ne yaya tḭ̀yḛ̀ abaŋ igyi ya kɔndi gha mbɔb fə bèrì aghi ne mbɔb yaya kə̀bə̀. Ane, mbì ya sùŋì atə̰ ze ne ghìyə̀ abaŋ igyi təmə̀ inga igyi, chì. Mbi ya ghì ane, tì ko yèn iban Kred, kwàʼ iban adiŋi igyi. 14Chəyi agha ya sàri, afim ze ne mbi yaya kàrà ane “Afim ze aba ze ne nyùmə̀ we dùwə̀” ze ya ko chè inga Kred swìʼi yèʼe. 15Anyumə̀ ne afim ze ya pè tḭ abaŋ igyi ze, tì ya sàŋì ze ko se nə̀ŋə igun igyi. Tì ya sàŋì ane imbə̀ʼ icheg ne chəyi ya ywìrè yi icheg ni tḭ ghò imbìghè. 16Tì ya yèn aba ze ne chəyi afim yaya chè angu. Tì ya yèn ane ghò pè a Kodà. Kodà ya akəmi asiŋi ìseg kwa kwa mɔ̀ʼɔ ne igyi che kad. Tì ya pè angu zə̰ ngəʼ bɔŋ tangi kànuʼ.#27:16 Kànuʼ ya abaŋ kwa ne yaʼi inga abaŋ kyen ne ngəʼ mə̀ dù, bəd ghò nyi inga. 17Mbi ya sùŋì kànuʼ we zì inga abaŋ igyi ze, si tìŋì abaŋ igyi ze ane məniʼ imbə̀ʼ ze nɔ̀ʼ sàkà yi. Mbi ya bɔ gha tì biri ghò nyi inga tidum tìsiwaŋ te ne ya yaʼi iban igyi tìbà ni ghò a Libìyà. Ane, mbi ya swi ndwi te ne ifə we tḭ̀yḛ ghìyə̀ abaŋ igyi se yḛ̀, sàŋì gha afim ze tḭ abaŋ igyi ze. 18Afim ze yaya kà yi ka ghò imbìghè. Ane, igun aneg ze ne ya beni abɔ̀ʼ, mbi ya ko se chìyè ighi inga abaŋ ze màʼrà inga igyi. 19Anyumə̀ ne ineg ya pè ane itad, mbi ya chì isiŋi mɔ̀ʼɔ ane abaŋ igyi ze màʼrà igyi. 20Anyumə̀ ne chəyi nyùmə̀ kə̀ titem-məg ya du ikaŋ ane ineg nɔʼ nɔʼ, fɔrɔ icheg ne afim ze yaya kà yi ka ghò imbìghè, chəyi tì ya ywìrì nɔ̀ŋì ikɔndi gha wə̀d mɔ̀ʼɔ biri tèn.
21Icheg ne bəd məjìm mbe ne ya yaʼi inga abaŋ igyi ya chughi ane ineg nɔʼ nɔʼ ne chəyi mbi jəghi aghi mɔ̀ʼɔ, Pɔl ya nɔ̀ʼ təm inɔb inga ìsàn ghà inɔb gha, “Məmbe, nji mbə̰ ya zug anug ne mə̀ ya ghà inən, chùghi a Kred. Àkə aghi ne mbə̀ ya zughi, nji chəyi afim chiki abaŋ igyi azo̰. Nji chəyi tì bə nìmni ighi mbo̰ ne tì maʼri inga igyi. 22Si ya gha, tèchɔ̀ŋ, mə̀ ya anìŋ ghà inən gha, mbə̀ nyimbi fìŋ. Chəyi wə̀d mɔ̀ʼɔ abɔ̀ʼ inən biri ku. À ya məyi abaŋ igyi azo̰ biri nim. 23Mə ya ghà anìŋ imbə̀ʼ icheg ne àkə kə̀ izimi gho̰, angirə̀ Ŋwiye we ne mə̀ yaʼi wə̀d məd, ne yaʼi Ŋwiye we ne mə ghùmnə, kə̀ yèʼe pè təm iban inum, 24ghà inum gha, ‹Pɔl, imbə̀ʼ àghò bɔ awe imbə̀ʼ icheg ne àghò bèrì ni ghò təm imbìghè abə Kayisà. Nḛ! Ŋwiye fə ghì ìchɔ̀mì ine. Ane, wì fə bə̀ ghì gha bəd məjìm mbe ne yḛ̀ tì ine mbe tḛ̀.› 25Məmbe, mbə̀ nyimbi fìŋ. Mə nɔ̀ŋì ìmə fìŋ igun Ŋwiye gha inug mbe biri dù kwàʼ icheg ne wì gha inum. 26Si ya gha, tì bèrì ni ghò dù ane akəmi asiŋi ìseg mɔ̀ʼɔ ne igyi che kad.”
27À yaya fə si izimi ne ya pè ane ineg ìghum chɔ̀b ikwè ne afim ze yaya tḭ̀yḛ awa igun tìbà Àdrìyatìg, Mbaŋà te ne yaya tḭ̀yḛ abaŋ ze ya kɔndi gha mbɔb fə se tìnde iban ìseg. 28Ane, mbi ya niŋ iniʼ chuŋ aghi mɔ̀ʼɔ angu màʼ inga igyi tìbà we. Tì ya ghì ane bàd gha igyi tìbà we ya sà inga icheg mə̀metà ìghum ikwè. Mbi ya ywìrì ghò imbìghè iki piʼì, màʼ iniʼ we, bàd gha igyi tìbà we ya sà inga icheg mə̀metà ìghum itad. 29Tì ya si bɔ gha abaŋ igyi ze biri ghò kɔ̀m ane igho. Ane, mbi ya swi itə̰ ikwè anjìm abaŋ igyi ze.#27:29 itə̰ mbe ya nyimi abaŋ inga igyi. Mbi ya bə̀ kə̀b gha ituʼ zamba chəg. 30Mbaŋà te ne yaya tḭ̀yḛ abaŋ ze ya kə̀b ni nòrò dù awɔb inga abaŋ ze. Ane, mbi ya swi kànuʼ we chà inga igyi. Mbɔb yaya ghìyə̀ icheg ni gha mbɔb ya kə̀bə̀ ni swi itə̰ mbe imbìghè abaŋ igyi ze. 31Pɔl ya ghà abə atog wə̀d igun mə̀sogyì iki ifibì bə̀ ghà abə mə̀sogyì mbe gha, “Mbaŋà ìto̰ mə̀ to̰ awɔb ni chughi inga abaŋ igyi azo̰, chəyi icheg ne tì mbɔb pum.” 32Ane, mə̀sogyì mbe ya sɔ̀pi məniʼ mbe ne tì ya tìŋə kànuʼ we angu, sàŋì wì kɔ̀ŋ.
33Anyumə̀ ne ituʼ yaya se chə̀ghə, Pɔl ya boʼ ibo abə bəd mbe gha mbe jəg. Wì ya ghà inɔb gha, “Tèchɔ̀ŋ ya ineg ìghum chɔ̀b ikwè ne mbə̰ mbe ghɔ̀mɔ̀ gha afim azo̰ sɔbɔ. Chəyi mbə̀ bə kiri jəghi ane ineg mbo̰ ìghum chɔ̀b ikwè. 34Ane, mə̀ ya anìŋ bòʼo ibo inən gha mbə̀ jəg aghi mɔ̀ʼɔ. Tijəg te biri nàʼ ika inən imbə̀ʼ icheg ne chəyi nyɔ̀ŋì atog imɔʼ biri nim igun atog abə wə̀d mɔ̀ʼɔ abɔ̀ʼ inən.” 35Anyumə̀ ne wì ya ghà ane, wì ya niŋ ngə̀ŋ, nàʼ məyakà abə Ŋwiye inɔb imbìghè mbɔb məjìm, bə̀ ko jəg. 36Mbaŋà te tijìm ya bàd ane, nyìmi fìŋ bə̀ jəg aghi mɔ̀ʼɔ. 37Mba məjìm ne ya yaʼi inga abaŋ igyi ze ya yaʼ icheg aki abe tì ìghum ìsàmbe chɔ̀b tìfughə. 38Anyumə̀ ne wə̀d ijìm ya fə jəghi kɔd, mbi ya chì kyì te ne ya yaʼi inga abaŋ igyi ze màʼrì inga tìbà. Àze ya ghì abaŋ igyi ze si zàm.
Àwàwà sàndi abaŋ
39Anyumə̀ ne ituʼ ya chəghi, chəyi mbaŋà te ne yaya tḭ̀yḛ̀ abaŋ ze ya kyeri asiŋi ìseg ne mbi ya yaʼi angu. Si ya gha, mbi ya bàd asiŋi mɔ̀ʼɔ ne tìsiwaŋ ya yaʼi angu. Mbi ya bàd ane, kə̀b gha nji mbɔb tḭ abaŋ igyi ze ghò təm angu 40Mbi ya sɔpi məniʼ ane itə̰ mbe ne nyìme ibaŋ inga igyì. Mbi ya bə̀ zà məniʼ mbe ne ya nyimi ighi mbe ne mbe tḭ̀yḛ abaŋ igyi angu. Mbi ya ghì ane, nɔ̀ ndwi abaŋ ze ne yaʼi imbìghè. Anyumə̀ ne mbi ya ghi ane, abaŋ igyi ze ya ghò iban tìbà. 41Si ya gha, abaŋ igyi ze ya ghò nyi bùʼ inga idum tìsiwaŋ. Aba abaŋ igyi ze imbìghè ya nyi inga tìsiwaŋ ze, ghì chəyi icheg abə abaŋ igyi ni ywiri yèn. Àwàwà ya buʼ njìm abaŋ igyi ze, sàndi iba iba.
42Mə̀sogyì mbe ya chuʼri gha mbɔb biri zweti bəd ndəŋ mbe məjìm, imbə̀ʼ ìwi mɔ̀ʼɔ nɔ̀ʼ zɔʼ igyi tìbà we nòrò yi. 43Si ya gha, atog wə̀d igun mə̀sogyì we ya kə̀b ni chì Pɔl inga ngəʼ. Ane, wì ya niŋ isɔbi anug gha imbə̀ʼ mbi zweti awɔb bəd ndəŋ mbe. Wì ya ghà abə mbaŋà te ne ya kyeri icheg ni zɔʼ igyi gha mbe bi tɔ̀mɔ̀ inga igyi tìbà we zɔʼ ghò dù asaŋ. 44Wì ya si ghà abə àbùʼì bəd gha mbe beni anjìm igun mə̀plaŋ fɔrɔ igun tiki iba te ne ya sanda ane abaŋ igyi ze. Aŋa ya inɔnjì ne mba məjìm ya dù asaŋ ne chəyi wə̀d mɔ̀ʼɔ beri anə ka.
Atualmente Selecionado:
Ìfàʼì 27: MBTP
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2019 CABTAL
Ìfàʼì 27
27
Pɔl nyi abaŋ igyi ni ghò a Rom
1Anyumə̀ ne Gɔbnà Festùs ya bḛ gha tì nyi inga abaŋ igyi ni ghò a Italì, wì ya nàʼ Pɔl tì bəd ndəŋ ndəŋ abə mbaŋà mɔ̀ʼɔ ne ikum məd ya Julìyòs. Julìyòs we ya yaʼ atog wə̀d igun mə̀sogyì iki ifibì inga inɔ̰ mə̀sogyì ìmbi Kayisà. 2Tì ya nyi abaŋ igyi ne ya nɔ̀ʼi a Àdràmitìyùm. Abaŋ igyi ze ya bèrì ni nɔ̀ʼ se yḛ̀ nè tə̀mə ane isiŋi mbe inga Esìyà ne yaʼi iban igyi. Mbaŋà mɔ̀ʼɔ ne ikum məd ya Àristakùs, ne ya nɔ̀ʼi a Tèsàlonikà inga Màsèdonìyà ya yaʼ tì ina.
3Àsi isu abɔ̀ʼ, tì ya pè a Sidòn. Julìyòs ya ghì ìchɔ̀mì abə Pɔl, sàŋì aməd gha wì gho abɔ̀ʼ ìmbi mə̀sə̀ʼ imbə̀ʼ mbi naʼa ighi mbe ne chəyi wì ya bèri. 4Tì ya nɔ̀ʼ angu ko ghò, si ya gha, icheg ne ifə yaya tḭ̀yḛ awa aba ze imbìghè, tì ya bə̀ŋə̀ ghò chè aba ze a Sayiprùs ne chəyi ifə yaya nàʼà ngəʼ. Sayiprùs ya akəmi asiŋi ìseg ne igyi che kad. 5Anyumə̀ ne tì ya fə bani igyi tìbà we ne yaʼi iban Sìlisìyà tì Pàmfilìyà, tì ya ghò pè a Mirà inga Lisìyà. 6Anyumə̀ ne tì ya pè angu, atog wə̀d igun mə̀sogyì iki ifibì we ya bàd abaŋ igyi ne ya nɔ̀ʼi a Àlèzandrìyà se ghò a Italì, si zì awa inga.
7Tì ya nye yḛ̀ iki piʼì iki piʼì ineg nɔʼ nɔʼ. Tì ya yèn anene ghò pè iban Nidùs. Chəyi afim ya bḛ gha tì gho imbìghè. Ane, tì ya chè iban Sàlmonè ne ya aba ze Kred ne chəyi afim yaya chè angu. Kred ya bə̀ akəmi asiŋi ìseg ne igyi che kad. 8Tì ya yèn iban igyi aton ngəʼ ka ka ghò pè asiŋi mɔ̀ʼɔ ne mbi yaya kàrà ane Asiŋi Chɔm abə Ibaŋ igyi ni Təm. Asiŋi ze ya iban Lasèyà.
9Tì ya fə chìkì nyumə̀ nɔʼ nɔʼ. Ane, chəyi ze ya ywirì bɔ̀ŋ ni yèn inga tìbà imbə̀ʼ afim. Aneg ze ne mə̀Ju yaya chùghə njèg ni ghumni icheg ne Ŋwiye ya waʼi ìmbɔb inug tibɔ̀ŋ ya fə bə̀ chè. Ane, Pɔl ya nàʼ ikə inɔb gha, 10“Ìmbum məfi, mə bàd gha bəd biri zə̰ ngəʼ bə̀ nìmni ighi nɔʼ nɔʼ ane igha̰ gho̰. Kayi məyi abaŋ igyi tì ighi mbe ne abaŋ igyi beʼi biri nim. Tì biri bə ku.” 11Wì ya ghà ane, si ya gha, chəyi atog wə̀d igun mə̀sogyì we ya zi atog ane anug ne Pɔl yaya ghà. Wì ya zug yaʼ anug ne atog wə̀d kyen inga abaŋ igyi tì mbaŋà ze ne ya beri abaŋ igyi ze yaya ghà. 12Icheg ne chəyi asiŋi ze ne tì ya pè təm ya kòʼi gha tì chùghi angu ane nyùmə̀ we ne ifə we taŋ ko, bəd nɔʼ nɔʼ ya ghà gha tì gho imbìghè, ìghə̀m mɔ̀ʼɔ tì biri pè a Fonìks. Fonìks yaya asiŋi kyen inga Kred. Kred ya aba ze ne nyùmə̀ we dùwə̀. Tì ya chughi angu anene nyùmə̀ ifə we chè.
Afim chè igun igyi tìbà
13Anyumə̀ ne afim ze ne ya nɔ̀ʼi aba ze achɔŋɔ ya ko chè iki piʼì iki piʼì, mbaŋà te ne yaya tḭ̀yḛ̀ abaŋ igyi ya kɔndi gha mbɔb fə bèrì aghi ne mbɔb yaya kə̀bə̀. Ane, mbì ya sùŋì atə̰ ze ne ghìyə̀ abaŋ igyi təmə̀ inga igyi, chì. Mbi ya ghì ane, tì ko yèn iban Kred, kwàʼ iban adiŋi igyi. 14Chəyi agha ya sàri, afim ze ne mbi yaya kàrà ane “Afim ze aba ze ne nyùmə̀ we dùwə̀” ze ya ko chè inga Kred swìʼi yèʼe. 15Anyumə̀ ne afim ze ya pè tḭ abaŋ igyi ze, tì ya sàŋì ze ko se nə̀ŋə igun igyi. Tì ya sàŋì ane imbə̀ʼ icheg ne chəyi ya ywìrè yi icheg ni tḭ ghò imbìghè. 16Tì ya yèn aba ze ne chəyi afim yaya chè angu. Tì ya yèn ane ghò pè a Kodà. Kodà ya akəmi asiŋi ìseg kwa kwa mɔ̀ʼɔ ne igyi che kad. Tì ya pè angu zə̰ ngəʼ bɔŋ tangi kànuʼ.#27:16 Kànuʼ ya abaŋ kwa ne yaʼi inga abaŋ kyen ne ngəʼ mə̀ dù, bəd ghò nyi inga. 17Mbi ya sùŋì kànuʼ we zì inga abaŋ igyi ze, si tìŋì abaŋ igyi ze ane məniʼ imbə̀ʼ ze nɔ̀ʼ sàkà yi. Mbi ya bɔ gha tì biri ghò nyi inga tidum tìsiwaŋ te ne ya yaʼi iban igyi tìbà ni ghò a Libìyà. Ane, mbi ya swi ndwi te ne ifə we tḭ̀yḛ ghìyə̀ abaŋ igyi se yḛ̀, sàŋì gha afim ze tḭ abaŋ igyi ze. 18Afim ze yaya kà yi ka ghò imbìghè. Ane, igun aneg ze ne ya beni abɔ̀ʼ, mbi ya ko se chìyè ighi inga abaŋ ze màʼrà inga igyi. 19Anyumə̀ ne ineg ya pè ane itad, mbi ya chì isiŋi mɔ̀ʼɔ ane abaŋ igyi ze màʼrà igyi. 20Anyumə̀ ne chəyi nyùmə̀ kə̀ titem-məg ya du ikaŋ ane ineg nɔʼ nɔʼ, fɔrɔ icheg ne afim ze yaya kà yi ka ghò imbìghè, chəyi tì ya ywìrì nɔ̀ŋì ikɔndi gha wə̀d mɔ̀ʼɔ biri tèn.
21Icheg ne bəd məjìm mbe ne ya yaʼi inga abaŋ igyi ya chughi ane ineg nɔʼ nɔʼ ne chəyi mbi jəghi aghi mɔ̀ʼɔ, Pɔl ya nɔ̀ʼ təm inɔb inga ìsàn ghà inɔb gha, “Məmbe, nji mbə̰ ya zug anug ne mə̀ ya ghà inən, chùghi a Kred. Àkə aghi ne mbə̀ ya zughi, nji chəyi afim chiki abaŋ igyi azo̰. Nji chəyi tì bə nìmni ighi mbo̰ ne tì maʼri inga igyi. 22Si ya gha, tèchɔ̀ŋ, mə̀ ya anìŋ ghà inən gha, mbə̀ nyimbi fìŋ. Chəyi wə̀d mɔ̀ʼɔ abɔ̀ʼ inən biri ku. À ya məyi abaŋ igyi azo̰ biri nim. 23Mə ya ghà anìŋ imbə̀ʼ icheg ne àkə kə̀ izimi gho̰, angirə̀ Ŋwiye we ne mə̀ yaʼi wə̀d məd, ne yaʼi Ŋwiye we ne mə ghùmnə, kə̀ yèʼe pè təm iban inum, 24ghà inum gha, ‹Pɔl, imbə̀ʼ àghò bɔ awe imbə̀ʼ icheg ne àghò bèrì ni ghò təm imbìghè abə Kayisà. Nḛ! Ŋwiye fə ghì ìchɔ̀mì ine. Ane, wì fə bə̀ ghì gha bəd məjìm mbe ne yḛ̀ tì ine mbe tḛ̀.› 25Məmbe, mbə̀ nyimbi fìŋ. Mə nɔ̀ŋì ìmə fìŋ igun Ŋwiye gha inug mbe biri dù kwàʼ icheg ne wì gha inum. 26Si ya gha, tì bèrì ni ghò dù ane akəmi asiŋi ìseg mɔ̀ʼɔ ne igyi che kad.”
27À yaya fə si izimi ne ya pè ane ineg ìghum chɔ̀b ikwè ne afim ze yaya tḭ̀yḛ awa igun tìbà Àdrìyatìg, Mbaŋà te ne yaya tḭ̀yḛ abaŋ ze ya kɔndi gha mbɔb fə se tìnde iban ìseg. 28Ane, mbi ya niŋ iniʼ chuŋ aghi mɔ̀ʼɔ angu màʼ inga igyi tìbà we. Tì ya ghì ane bàd gha igyi tìbà we ya sà inga icheg mə̀metà ìghum ikwè. Mbi ya ywìrì ghò imbìghè iki piʼì, màʼ iniʼ we, bàd gha igyi tìbà we ya sà inga icheg mə̀metà ìghum itad. 29Tì ya si bɔ gha abaŋ igyi ze biri ghò kɔ̀m ane igho. Ane, mbi ya swi itə̰ ikwè anjìm abaŋ igyi ze.#27:29 itə̰ mbe ya nyimi abaŋ inga igyi. Mbi ya bə̀ kə̀b gha ituʼ zamba chəg. 30Mbaŋà te ne yaya tḭ̀yḛ abaŋ ze ya kə̀b ni nòrò dù awɔb inga abaŋ ze. Ane, mbi ya swi kànuʼ we chà inga igyi. Mbɔb yaya ghìyə̀ icheg ni gha mbɔb ya kə̀bə̀ ni swi itə̰ mbe imbìghè abaŋ igyi ze. 31Pɔl ya ghà abə atog wə̀d igun mə̀sogyì iki ifibì bə̀ ghà abə mə̀sogyì mbe gha, “Mbaŋà ìto̰ mə̀ to̰ awɔb ni chughi inga abaŋ igyi azo̰, chəyi icheg ne tì mbɔb pum.” 32Ane, mə̀sogyì mbe ya sɔ̀pi məniʼ mbe ne tì ya tìŋə kànuʼ we angu, sàŋì wì kɔ̀ŋ.
33Anyumə̀ ne ituʼ yaya se chə̀ghə, Pɔl ya boʼ ibo abə bəd mbe gha mbe jəg. Wì ya ghà inɔb gha, “Tèchɔ̀ŋ ya ineg ìghum chɔ̀b ikwè ne mbə̰ mbe ghɔ̀mɔ̀ gha afim azo̰ sɔbɔ. Chəyi mbə̀ bə kiri jəghi ane ineg mbo̰ ìghum chɔ̀b ikwè. 34Ane, mə̀ ya anìŋ bòʼo ibo inən gha mbə̀ jəg aghi mɔ̀ʼɔ. Tijəg te biri nàʼ ika inən imbə̀ʼ icheg ne chəyi nyɔ̀ŋì atog imɔʼ biri nim igun atog abə wə̀d mɔ̀ʼɔ abɔ̀ʼ inən.” 35Anyumə̀ ne wì ya ghà ane, wì ya niŋ ngə̀ŋ, nàʼ məyakà abə Ŋwiye inɔb imbìghè mbɔb məjìm, bə̀ ko jəg. 36Mbaŋà te tijìm ya bàd ane, nyìmi fìŋ bə̀ jəg aghi mɔ̀ʼɔ. 37Mba məjìm ne ya yaʼi inga abaŋ igyi ze ya yaʼ icheg aki abe tì ìghum ìsàmbe chɔ̀b tìfughə. 38Anyumə̀ ne wə̀d ijìm ya fə jəghi kɔd, mbi ya chì kyì te ne ya yaʼi inga abaŋ igyi ze màʼrì inga tìbà. Àze ya ghì abaŋ igyi ze si zàm.
Àwàwà sàndi abaŋ
39Anyumə̀ ne ituʼ ya chəghi, chəyi mbaŋà te ne yaya tḭ̀yḛ̀ abaŋ ze ya kyeri asiŋi ìseg ne mbi ya yaʼi angu. Si ya gha, mbi ya bàd asiŋi mɔ̀ʼɔ ne tìsiwaŋ ya yaʼi angu. Mbi ya bàd ane, kə̀b gha nji mbɔb tḭ abaŋ igyi ze ghò təm angu 40Mbi ya sɔpi məniʼ ane itə̰ mbe ne nyìme ibaŋ inga igyì. Mbi ya bə̀ zà məniʼ mbe ne ya nyimi ighi mbe ne mbe tḭ̀yḛ abaŋ igyi angu. Mbi ya ghì ane, nɔ̀ ndwi abaŋ ze ne yaʼi imbìghè. Anyumə̀ ne mbi ya ghi ane, abaŋ igyi ze ya ghò iban tìbà. 41Si ya gha, abaŋ igyi ze ya ghò nyi bùʼ inga idum tìsiwaŋ. Aba abaŋ igyi ze imbìghè ya nyi inga tìsiwaŋ ze, ghì chəyi icheg abə abaŋ igyi ni ywiri yèn. Àwàwà ya buʼ njìm abaŋ igyi ze, sàndi iba iba.
42Mə̀sogyì mbe ya chuʼri gha mbɔb biri zweti bəd ndəŋ mbe məjìm, imbə̀ʼ ìwi mɔ̀ʼɔ nɔ̀ʼ zɔʼ igyi tìbà we nòrò yi. 43Si ya gha, atog wə̀d igun mə̀sogyì we ya kə̀b ni chì Pɔl inga ngəʼ. Ane, wì ya niŋ isɔbi anug gha imbə̀ʼ mbi zweti awɔb bəd ndəŋ mbe. Wì ya ghà abə mbaŋà te ne ya kyeri icheg ni zɔʼ igyi gha mbe bi tɔ̀mɔ̀ inga igyi tìbà we zɔʼ ghò dù asaŋ. 44Wì ya si ghà abə àbùʼì bəd gha mbe beni anjìm igun mə̀plaŋ fɔrɔ igun tiki iba te ne ya sanda ane abaŋ igyi ze. Aŋa ya inɔnjì ne mba məjìm ya dù asaŋ ne chəyi wə̀d mɔ̀ʼɔ beri anə ka.
Atualmente Selecionado:
:
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2019 CABTAL