റോമക്കാറാര് 9
9
സാമിമ് എഗുദാര്‌മ്
1-2ക്‌റ്‌സ്‌ത്ത്‌ക്ക് എജേന്തിര്‌ക്ക ണാന് സത്ത്യ സൊല്ലുറെ, ണാന് സൊല്ലുറാദ് ഉറുട്ടല്ല. എന്ന് കൂട്ടാരാന എന്ന് ബങ്കേസക്കാറാര്‌ണ ണെനേക്കാട്ടി എന്ന് മനേസ്സ് ബെന്ത്‌ഡിന്ത്‌മ് റമ്പ എ്ണ്ണാമ് പഡ്‌ദ്. ണാന് സൊല്ലുറാദ് ണേര് എന്ത് സാമിണിഗാല് എന്ന് മനേസ്സ്‌ക്ക് ഒറേപ്പ് തര്‌ദ്. 3എന്ന് കൂട്ടാരാന അവാര്‌ക്ക് ബേ്ണ്ടി ണാന് താനെ ക്‌റ്‌സ്‌ത്തോഡിര്‌ന്ത് പ്‌റ്‌ന്ത് സാപ കെ്ഡേത്തവാനായി ആസെപട്ടിര്‌ന്തിര്‌ക്കുവെ. 4അവാര് ഇസ്‌റേല്‌ക്കാറാര്, സാമിക്ക് പട്ടവാര്‌മ് സാമിദ് പ്‌ള്ളെഗാമ്‌ത്തെ. സാമിദ് മദ്‌പ്പ്‌ണ കണ്ടവാര്‌മ്, സാമിദ് ഒപ്പ്‌കെ്ട്ട്‌ണ ബെത്തവാര്‌മ്, മോസെ ബെത്ത സാമി സട്ട കെ്ഡേത്തവാര്‌മ്, ണേര്‌മാന സാമിന കുമ്മുഡ്‌റവാര്‌മ്, സാമി സെയ്‌ദ് കൊഡുക്കുവെ എന്ത് സൊന്ന ബാക്ക്‌ഗണ കെ്ഡേസിനവാര്‌മ് അവാര്‌ത്തെ. 5മുന്തുക്കേത്ത കാലാത്തില്യ പാട്ടലാമ് അവാര്‌ക്കുള്ളവാര്‌ത്തെ, അവാര്‌ദ് ബങ്കേസാത്തിലിത്തെ ക്‌റ്‌സ്‌ത്ത്‌മ് മന്‌സാനായി പ്‌റാന്താദ്. എല്ലാദ്‌ണാമ് ആള്‌റ സാമി ആയിര്‌ക്ക അവാ് എപ്പേക്ക്‌മ് ബെല്ല്യവാനായിര്‌ക്കുഡൊ. ആമെ.
6സാമി സെയ്‌ദ് കൊഡുക്കുവെ എന്ത് സൊന്ന സാമി സൊല്ലുസുലാക്ക ണഡാക്കാദെ പോറ്റു എന്ത് അല്ല ണാന് സൊല്ലുറാദ്. പിന്നെഗൊ ഇസ്‌റേല് കാല്‌ക്ക് പ്‌റാന്തവാരെല്ല ഇസ്‌റേല്‌ക്കാറാര് എന്ത്‌മ്, 7അവുറഗാമ് കാല്‌ക്ക് പട്ട എല്ലാര്‌മ് അയാള്‌ദ് കാല്‌ക്ക് പട്ടവാര് ആഡൊ എന്ത്‌മില്ലെ: <<ഇസാക്ക് കാല്‌കെ്ളേക്ക് പ്‌റാക്കവാര് ണിന്ന് കാല്‌കെ്ളെ എന്ത് ഒളേക്കുവാര്>>#ഉറുപത്തി 21:12 എന്ത്‌ത്തെ അവുറഗാമ്‌ക്ക് ബാക്ക് കൊഡുത്തിര്‌ക്കാദ്. 8അദ്‌ദ് അര്‌ത്ത എന്തായെന്റ, അവുറഗാമ്‌ദ് ആസെപഡി പ്‌റാന്തവാരല്ല സാമിദ് പ്‌ള്ളെഗ സാമി ബാക്ക് കൊഡുത്തപഡി പ്‌റാന്തവാര്‌ത്തെ സാമിദ് പ്‌ള്ളെഗ ആയി കണക്കാക്ക്‌റാദ്. 9അവുറഗാമ്‌ക്ക് സാമി കൊഡുത്ത ബാക്ക് ഇച്ചായിര്‌ന്ത്‌ദ്: <<മേലേക്ക് ഇദേ ഗള്യെ ആഗാട്ടി ണാന് പിന്നേമ് ബരുവെ. അക്കുളെ സാറ ഒരു മ്‌ഗാണ പ്‌റാത്തുവ.>>#ഉറുപത്തി 18:10,14
10അദ്‌താനെമല്ല റിവേക്കാമ് ണമ്മ് പാട്ടാ് ഇസാക്ക് എങ്ക ഒരുത്താന്‌ക്ക്‌ത്തെ റട്ടെ പ്‌ള്ളെഗണ ബേ്റാനാദ്. 11-12ആന ഇവാര് പ്‌റാക്കാത്ത മുദാഗെ, അദ്‌മ് ണല്ലാദ് കെ്ട്ടാദ് സെയ്യാത്ത മുദാഗെ: <<ബെല്ല്യ മഗാ് സിന്ന മഗാന്‌ക്ക് ബേലെക്കാറാ് ആവാ്>>#ഉറുപത്തി 25:23 എന്ത് സാമി റിവേക്കാക്കെ സൊന്നാ്. ഇദ് അര്‌ത്ത ആക്ക്‌റാദ് എച്ചെന്ത സാമി ഒരുത്താന തെരിന്തെ്ഡ്‌ക്കാദ് അവാ് സെയ്‌ര കാര്യണ ണോഡ്യ അല്ല, ഒളേത്ത സാമിദ് ആസെപഡിത്തെ തെരിന്തെ്ഡ്‌ക്കാദ്. 13<<ണാന് ഏസാവുണ അല്ല ആക്കോവുണാത്തെ സീവാ് ബ്‌ഡ്‌റാദ്>>#മലാക്കി 1:2,3 എന്ത് എ്ള്‌ദിര്‌ക്ക പാസെത്തെ.
14അദ്‌ണാലെ ണമാക്ക് ഇദ്‌ണ പറ്റി എന്ത സൊല്ല്യ മുഡ്യു? അച്ചെന്ത് സൊല്ലി സാമി ണേര്‌മുള്ള കാര്യഗ സെയ്യാത്തവാ് അല്ല എന്ത് സൊല്ല്യ മുഡ്യുമ? അച്ചെ സൊല്ല്യാഗെ ഇല്ലെ. 15എച്ചെ എന്ത് സൊന്ന സാമി മോസേക്ക് ഇച്ചെ സൊന്നാ്:
<<എനാക്ക് കറ്‌മ്മ പ്‌ഡിക്ക്യ ണെനേക്കവാനോഡെ എനാക്ക് കറ്‌മ്മ പ്‌ഡിക്കു,
എനാക്ക് ബേ്റ്‌വേയ ണെനേക്കവാനോഡെ എനാക്ക് ബേ്റ്‌വേവു.>>#പയണ 33:19
16അദ്‌ണാലെ മന്‌സാ് ആസെപഡ്‌റാദ്‌ണാലെഗൊ, അവാന്‌ദ് ഓരാട്ടണാലെഗൊ അല്ല, ണമ്മോഡെ കറ്‌മ്മ പ്‌ഡിക്ക സാമിണാലെത്തെ എല്ല കാര്യാമ് ണഡാക്കാദ്. 17<<എന്ന് സക്‌ദിന ണിനാക്ക് കാട്ട്യ ബേ്ണ്ടിമ്, ഉലഗ പൂര എന്ന് പേര് തെര്യ ബേ്ണ്ടിമ്‌ത്തെ ണാന് ണിനാണ റാജാവാക്കിനാദ്>>#പയണ 9:16 എന്ത്‌മ് സാമി സൊല്ലുസുലാക്കാത്തിലി ഈജിത്തില്യ റാജാവുക്ക് സാമി സൊല്ലുറാനല്ല. 18അദ്‌ണാലെ താന് തെരിന്തെ്ഡ്‌ക്ക ആള്‌ഗോഡെ സാമിക്ക് കറ്‌മ്മ പ്‌ഡിക്ക്‌ദ്. താന് തെരിന്തെ്ഡ്‌ക്ക ആള്‌ഗണ സാമി കല്ല് ണെഞ്ച്‌ക്കാറാര് ആക്ക്‌റാ്.
19<<അച്ചെ ആനാക്കി സാമി എന്ത്‌ക്ക് മന്‌സാന കുറ്റ സൊല്ലുഡൊ? സാമിക്ക് പ്‌ഡിത്ത കാര്യ സെയ്‌രാദ്‌ണ ആര്‌ക്ക് എദ്‌റ്‌ത്ത് ണില്ല്യ മുഡ്യു?>> എന്ത് ണിമ്മ എനാണേങ്ക് കേ്ക്കുവേര്. 20ഇവ്യവ്വൊ, ഇദാമെ, സാമിന ബാദാഡ്യ ണീ ആര്‌മെ? <<ഉണ്ടാക്കിന ജാദി ഉണ്ടാക്കിനവാനോഡെ <ണീ എന്ത്‌ക്ക് എനാണ ഉണ്ടാക്കിനാദ്> എന്ത് കേ്ക്കുമ?>>#എസയ്യാ് 29:16; 45:9 21കലേസി ബെത്തിര്‌ക്ക അദേ മണ്ണിലിര്‌ന്ത് താനെ ണല്ല കാര്യാക്ക് ബേ്ണ്ടിമ് പൊല്ല കാര്യാക്ക് ബേ്ണ്ടിമ് ഉഞ്ചിഗാമ് സട്ടിഗാമ് ഉണ്ടാക്ക്യ കുജവാന്‌ക്ക് ഉരിമെ ഇല്ലേഗ?
22അദേപാസെത്തെ സാമി സെയ്‌രാദ്. സാമിക്ക് തന്ന്‌ദ് കോവണാമ് സക്‌ദിനാമ് മന്‌സാരോഡെ കാട്ട്യ മുഡ്യു. എന്ത്‌ക്കെന്റ അവാര് ദണ്ടണേക്ക് തഗ്‌ദ്യുള്ളവാര്‌ത്തെ. ആനാല്‌മ് ദണ്ടണേക്കെ സിക്കി അളിന്ത് പോയ ഇര്‌ക്കവാര്‌ണ സാമി പൊറിമോഡെ താങ്കിര്‌ന്താ്. 23അദ്‌താനെമല്ല സാമി തന്ന്‌ദ് ബെല്ല്യ മദ്‌പ്പ്‌ണ കാട്ടി കൊഡുക്ക്യ താന് ആസെപട്ടാ്. തന്ന്‌ദ് ബെല്ല്യ മദ്‌പ്പ്‌ക്ക് പങ്ക്‌ക്കാറാര് ആയ ബേ്ണ്ടി മുദാഗെ തെരിന്തെ്ഡ്‌ത്തവാര്‌മ് താന് ഗവപട്ടവാര്‌മാന ണമാക്ക്‌ത്തെ സാമി അയ്യി മദ്‌പ്പ്‌ണ കാട്ടിനാദ്. 24ഇദ്‌ക്ക് ബേ്ണ്ടി സാമി ഒളേത്തിര്‌ക്ക കൂട്ടാത്തിലി എഗുദാര്‌ണ താനേമല്ല എഗുദാര് അല്ലാത്ത ജാദിഗളാന ണമാണാമ് ഒളേത്തിര്‌ക്കാ്. 25അദേപാസെ:
<<എന്ന് ആള്‌ഗ അല്ലാത്തവാര്‌ണ
<എന്ന് ആള്‌ഗ> എന്ത്‌മ്
ണാന് അക്കരെ ബെക്കാത്തവാള്‌ണ
<ണീ എന്ന്‌ദ് ഉജുറ്‌ള്ളവ്വ> എന്ത്‌മ് ഒളേക്കുവെ.>>#ജോസയ്യാ് 2:23
26എന്ത്‌മ്
<< <ണിമ്മ എന്ന്‌ദ് ആള്‌ഗല്ല>, എന്ത് സൊല്ലിര്‌ക്ക പട്ടിലി താനെ
അവാര്‌ണ <ഉജുറുള്ള സാമിദ് പ്‌ള്ളെഗ> എന്ത് ഒളേക്കുവാര്>>#ജോസയ്യാ് 1:10
എന്ത്‌മ് ജോസയ്യാന്‌ദ് ബുക്കിലിമ് സൊല്ലിര്‌ക്ക്‌ദല്ല.
27<<ഇസ്‌റേല്‌ക്കാറാര് കഡാല് ഏ്ട്ടിലിര്‌ക്ക മണാല് തരിന പാസെ ആയിര്‌ന്താല്‌മ്,
ഒരു സ്‌റ്‌ഗ ആള്‌ഗ മാട്ട്‌ത്തെ ദെങ്കുവാര്.
28ആണ്ടവാ് എല്ല ആള്‌ഗണാമ് ബിദിക്കുവാ്.
അദ്‌ണ ഗള്യെ ആക്കമാട്ടാ്>>#എസയ്യാ് 10:22,23
എന്ത് ഇസ്‌റേല്‌ണ പറ്റി എസയ്യാ് സാമിദാസ് ആലാത്ത് സൊല്ലുറാ്.
29<<എല്ലാദ്‌ക്ക്‌മ് ബ്‌ഡ മ്‌ഗ്‌ന്ത ബില ഇര്‌ക്ക ആണ്ടവാ്
ണമ്മ്‌ദ് കാലറ്റ് പോഗാദെ ഇര്‌ക്ക്യ
ഒരു ലേസ ആള്‌ഗണ മിഞ്ച്‌സാദിര്‌ന്ത
സോദോമ്‌ക്ക്‌മ് ഗൊമോറാക്ക്‌മ് ബന്ത ഗെദി ണമാക്ക്‌മ് ബന്തിര്‌ക്കു>>#എസയ്യാ് 1:9
എന്ത് എസയ്യാ് സാമിദാസ് മുദാഗെ സൊല്ലിര്‌ക്കാനല്ല.
30അദ്‌ണാലെ ണമ്മ ഇദ്‌ണ പറ്റി എന്ത സൊല്ല്യ മുഡ്യു? ണേര്‌മെക്കാറാരായി ണഡാക്ക്യ ണോഡാത്ത എഗുദാര് അല്ലാത്ത ജാദിഗ ണേര്‌മെക്കാറാര് ആനാര്. അദ് എച്ചെന്ത ണമ്പിക്ക്യാലെ ണേര്‌മെക്കാറാര് ആരാദ്‌ത്തെ. 31ആന മോസെ ബെത്ത സാമി സട്ടപഡി ണേര്‌മെക്കാറാര് ആര പെ്ളേപ്പ് പെ്ളേക്ക്യ ഉള്ള ഇസ്‌റേല്‌ക്കാറാര്‌ക്ക് അയ്യി സട്ടപഡി പെ്ളേക്ക്യ മുഡ്യാദെ പോറ്റു. 32അദ് എന്ത്‌ക്ക്? ണമ്പിക്കേന ബെത്തല്ല, അവാര് സെയ്‌ര കാര്യഗണ ബെത്ത് ണേര്‌മെക്കാറാര് ആയ ണോഡിനാദ്‌ണാലെത്തെ <<ബെജ്‌ക്ക കല്ല്‌ണ മെ്ട്ടി ബെജിക്കി ബ്‌ന്താദ്.>>
33<<ഇദാഗെ, ണാന് സീയോന്‌ക്കെ ബെജിക്കി ബീ്റ അറെനാമ് തഡെ കല്ല്‌ണാമ് ബെക്കെ,
അവാന ണമ്പ്‌റവാര് ണാണഗെ്ട്ട് പോഗമാട്ടാര്>>#എസയ്യാ് 8:14; 28:16
എന്ത് എ്ള്‌ദിര്‌ക്ക്‌ദല്ല.
Atualmente Selecionado:
റോമക്കാറാര് 9: സാമിദ് സേദി
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
New Life Literature
റോമക്കാറാര് 9
9
സാമിമ് എഗുദാര്‌മ്
1-2ക്‌റ്‌സ്‌ത്ത്‌ക്ക് എജേന്തിര്‌ക്ക ണാന് സത്ത്യ സൊല്ലുറെ, ണാന് സൊല്ലുറാദ് ഉറുട്ടല്ല. എന്ന് കൂട്ടാരാന എന്ന് ബങ്കേസക്കാറാര്‌ണ ണെനേക്കാട്ടി എന്ന് മനേസ്സ് ബെന്ത്‌ഡിന്ത്‌മ് റമ്പ എ്ണ്ണാമ് പഡ്‌ദ്. ണാന് സൊല്ലുറാദ് ണേര് എന്ത് സാമിണിഗാല് എന്ന് മനേസ്സ്‌ക്ക് ഒറേപ്പ് തര്‌ദ്. 3എന്ന് കൂട്ടാരാന അവാര്‌ക്ക് ബേ്ണ്ടി ണാന് താനെ ക്‌റ്‌സ്‌ത്തോഡിര്‌ന്ത് പ്‌റ്‌ന്ത് സാപ കെ്ഡേത്തവാനായി ആസെപട്ടിര്‌ന്തിര്‌ക്കുവെ. 4അവാര് ഇസ്‌റേല്‌ക്കാറാര്, സാമിക്ക് പട്ടവാര്‌മ് സാമിദ് പ്‌ള്ളെഗാമ്‌ത്തെ. സാമിദ് മദ്‌പ്പ്‌ണ കണ്ടവാര്‌മ്, സാമിദ് ഒപ്പ്‌കെ്ട്ട്‌ണ ബെത്തവാര്‌മ്, മോസെ ബെത്ത സാമി സട്ട കെ്ഡേത്തവാര്‌മ്, ണേര്‌മാന സാമിന കുമ്മുഡ്‌റവാര്‌മ്, സാമി സെയ്‌ദ് കൊഡുക്കുവെ എന്ത് സൊന്ന ബാക്ക്‌ഗണ കെ്ഡേസിനവാര്‌മ് അവാര്‌ത്തെ. 5മുന്തുക്കേത്ത കാലാത്തില്യ പാട്ടലാമ് അവാര്‌ക്കുള്ളവാര്‌ത്തെ, അവാര്‌ദ് ബങ്കേസാത്തിലിത്തെ ക്‌റ്‌സ്‌ത്ത്‌മ് മന്‌സാനായി പ്‌റാന്താദ്. എല്ലാദ്‌ണാമ് ആള്‌റ സാമി ആയിര്‌ക്ക അവാ് എപ്പേക്ക്‌മ് ബെല്ല്യവാനായിര്‌ക്കുഡൊ. ആമെ.
6സാമി സെയ്‌ദ് കൊഡുക്കുവെ എന്ത് സൊന്ന സാമി സൊല്ലുസുലാക്ക ണഡാക്കാദെ പോറ്റു എന്ത് അല്ല ണാന് സൊല്ലുറാദ്. പിന്നെഗൊ ഇസ്‌റേല് കാല്‌ക്ക് പ്‌റാന്തവാരെല്ല ഇസ്‌റേല്‌ക്കാറാര് എന്ത്‌മ്, 7അവുറഗാമ് കാല്‌ക്ക് പട്ട എല്ലാര്‌മ് അയാള്‌ദ് കാല്‌ക്ക് പട്ടവാര് ആഡൊ എന്ത്‌മില്ലെ: <<ഇസാക്ക് കാല്‌കെ്ളേക്ക് പ്‌റാക്കവാര് ണിന്ന് കാല്‌കെ്ളെ എന്ത് ഒളേക്കുവാര്>>#ഉറുപത്തി 21:12 എന്ത്‌ത്തെ അവുറഗാമ്‌ക്ക് ബാക്ക് കൊഡുത്തിര്‌ക്കാദ്. 8അദ്‌ദ് അര്‌ത്ത എന്തായെന്റ, അവുറഗാമ്‌ദ് ആസെപഡി പ്‌റാന്തവാരല്ല സാമിദ് പ്‌ള്ളെഗ സാമി ബാക്ക് കൊഡുത്തപഡി പ്‌റാന്തവാര്‌ത്തെ സാമിദ് പ്‌ള്ളെഗ ആയി കണക്കാക്ക്‌റാദ്. 9അവുറഗാമ്‌ക്ക് സാമി കൊഡുത്ത ബാക്ക് ഇച്ചായിര്‌ന്ത്‌ദ്: <<മേലേക്ക് ഇദേ ഗള്യെ ആഗാട്ടി ണാന് പിന്നേമ് ബരുവെ. അക്കുളെ സാറ ഒരു മ്‌ഗാണ പ്‌റാത്തുവ.>>#ഉറുപത്തി 18:10,14
10അദ്‌താനെമല്ല റിവേക്കാമ് ണമ്മ് പാട്ടാ് ഇസാക്ക് എങ്ക ഒരുത്താന്‌ക്ക്‌ത്തെ റട്ടെ പ്‌ള്ളെഗണ ബേ്റാനാദ്. 11-12ആന ഇവാര് പ്‌റാക്കാത്ത മുദാഗെ, അദ്‌മ് ണല്ലാദ് കെ്ട്ടാദ് സെയ്യാത്ത മുദാഗെ: <<ബെല്ല്യ മഗാ് സിന്ന മഗാന്‌ക്ക് ബേലെക്കാറാ് ആവാ്>>#ഉറുപത്തി 25:23 എന്ത് സാമി റിവേക്കാക്കെ സൊന്നാ്. ഇദ് അര്‌ത്ത ആക്ക്‌റാദ് എച്ചെന്ത സാമി ഒരുത്താന തെരിന്തെ്ഡ്‌ക്കാദ് അവാ് സെയ്‌ര കാര്യണ ണോഡ്യ അല്ല, ഒളേത്ത സാമിദ് ആസെപഡിത്തെ തെരിന്തെ്ഡ്‌ക്കാദ്. 13<<ണാന് ഏസാവുണ അല്ല ആക്കോവുണാത്തെ സീവാ് ബ്‌ഡ്‌റാദ്>>#മലാക്കി 1:2,3 എന്ത് എ്ള്‌ദിര്‌ക്ക പാസെത്തെ.
14അദ്‌ണാലെ ണമാക്ക് ഇദ്‌ണ പറ്റി എന്ത സൊല്ല്യ മുഡ്യു? അച്ചെന്ത് സൊല്ലി സാമി ണേര്‌മുള്ള കാര്യഗ സെയ്യാത്തവാ് അല്ല എന്ത് സൊല്ല്യ മുഡ്യുമ? അച്ചെ സൊല്ല്യാഗെ ഇല്ലെ. 15എച്ചെ എന്ത് സൊന്ന സാമി മോസേക്ക് ഇച്ചെ സൊന്നാ്:
<<എനാക്ക് കറ്‌മ്മ പ്‌ഡിക്ക്യ ണെനേക്കവാനോഡെ എനാക്ക് കറ്‌മ്മ പ്‌ഡിക്കു,
എനാക്ക് ബേ്റ്‌വേയ ണെനേക്കവാനോഡെ എനാക്ക് ബേ്റ്‌വേവു.>>#പയണ 33:19
16അദ്‌ണാലെ മന്‌സാ് ആസെപഡ്‌റാദ്‌ണാലെഗൊ, അവാന്‌ദ് ഓരാട്ടണാലെഗൊ അല്ല, ണമ്മോഡെ കറ്‌മ്മ പ്‌ഡിക്ക സാമിണാലെത്തെ എല്ല കാര്യാമ് ണഡാക്കാദ്. 17<<എന്ന് സക്‌ദിന ണിനാക്ക് കാട്ട്യ ബേ്ണ്ടിമ്, ഉലഗ പൂര എന്ന് പേര് തെര്യ ബേ്ണ്ടിമ്‌ത്തെ ണാന് ണിനാണ റാജാവാക്കിനാദ്>>#പയണ 9:16 എന്ത്‌മ് സാമി സൊല്ലുസുലാക്കാത്തിലി ഈജിത്തില്യ റാജാവുക്ക് സാമി സൊല്ലുറാനല്ല. 18അദ്‌ണാലെ താന് തെരിന്തെ്ഡ്‌ക്ക ആള്‌ഗോഡെ സാമിക്ക് കറ്‌മ്മ പ്‌ഡിക്ക്‌ദ്. താന് തെരിന്തെ്ഡ്‌ക്ക ആള്‌ഗണ സാമി കല്ല് ണെഞ്ച്‌ക്കാറാര് ആക്ക്‌റാ്.
19<<അച്ചെ ആനാക്കി സാമി എന്ത്‌ക്ക് മന്‌സാന കുറ്റ സൊല്ലുഡൊ? സാമിക്ക് പ്‌ഡിത്ത കാര്യ സെയ്‌രാദ്‌ണ ആര്‌ക്ക് എദ്‌റ്‌ത്ത് ണില്ല്യ മുഡ്യു?>> എന്ത് ണിമ്മ എനാണേങ്ക് കേ്ക്കുവേര്. 20ഇവ്യവ്വൊ, ഇദാമെ, സാമിന ബാദാഡ്യ ണീ ആര്‌മെ? <<ഉണ്ടാക്കിന ജാദി ഉണ്ടാക്കിനവാനോഡെ <ണീ എന്ത്‌ക്ക് എനാണ ഉണ്ടാക്കിനാദ്> എന്ത് കേ്ക്കുമ?>>#എസയ്യാ് 29:16; 45:9 21കലേസി ബെത്തിര്‌ക്ക അദേ മണ്ണിലിര്‌ന്ത് താനെ ണല്ല കാര്യാക്ക് ബേ്ണ്ടിമ് പൊല്ല കാര്യാക്ക് ബേ്ണ്ടിമ് ഉഞ്ചിഗാമ് സട്ടിഗാമ് ഉണ്ടാക്ക്യ കുജവാന്‌ക്ക് ഉരിമെ ഇല്ലേഗ?
22അദേപാസെത്തെ സാമി സെയ്‌രാദ്. സാമിക്ക് തന്ന്‌ദ് കോവണാമ് സക്‌ദിനാമ് മന്‌സാരോഡെ കാട്ട്യ മുഡ്യു. എന്ത്‌ക്കെന്റ അവാര് ദണ്ടണേക്ക് തഗ്‌ദ്യുള്ളവാര്‌ത്തെ. ആനാല്‌മ് ദണ്ടണേക്കെ സിക്കി അളിന്ത് പോയ ഇര്‌ക്കവാര്‌ണ സാമി പൊറിമോഡെ താങ്കിര്‌ന്താ്. 23അദ്‌താനെമല്ല സാമി തന്ന്‌ദ് ബെല്ല്യ മദ്‌പ്പ്‌ണ കാട്ടി കൊഡുക്ക്യ താന് ആസെപട്ടാ്. തന്ന്‌ദ് ബെല്ല്യ മദ്‌പ്പ്‌ക്ക് പങ്ക്‌ക്കാറാര് ആയ ബേ്ണ്ടി മുദാഗെ തെരിന്തെ്ഡ്‌ത്തവാര്‌മ് താന് ഗവപട്ടവാര്‌മാന ണമാക്ക്‌ത്തെ സാമി അയ്യി മദ്‌പ്പ്‌ണ കാട്ടിനാദ്. 24ഇദ്‌ക്ക് ബേ്ണ്ടി സാമി ഒളേത്തിര്‌ക്ക കൂട്ടാത്തിലി എഗുദാര്‌ണ താനേമല്ല എഗുദാര് അല്ലാത്ത ജാദിഗളാന ണമാണാമ് ഒളേത്തിര്‌ക്കാ്. 25അദേപാസെ:
<<എന്ന് ആള്‌ഗ അല്ലാത്തവാര്‌ണ
<എന്ന് ആള്‌ഗ> എന്ത്‌മ്
ണാന് അക്കരെ ബെക്കാത്തവാള്‌ണ
<ണീ എന്ന്‌ദ് ഉജുറ്‌ള്ളവ്വ> എന്ത്‌മ് ഒളേക്കുവെ.>>#ജോസയ്യാ് 2:23
26എന്ത്‌മ്
<< <ണിമ്മ എന്ന്‌ദ് ആള്‌ഗല്ല>, എന്ത് സൊല്ലിര്‌ക്ക പട്ടിലി താനെ
അവാര്‌ണ <ഉജുറുള്ള സാമിദ് പ്‌ള്ളെഗ> എന്ത് ഒളേക്കുവാര്>>#ജോസയ്യാ് 1:10
എന്ത്‌മ് ജോസയ്യാന്‌ദ് ബുക്കിലിമ് സൊല്ലിര്‌ക്ക്‌ദല്ല.
27<<ഇസ്‌റേല്‌ക്കാറാര് കഡാല് ഏ്ട്ടിലിര്‌ക്ക മണാല് തരിന പാസെ ആയിര്‌ന്താല്‌മ്,
ഒരു സ്‌റ്‌ഗ ആള്‌ഗ മാട്ട്‌ത്തെ ദെങ്കുവാര്.
28ആണ്ടവാ് എല്ല ആള്‌ഗണാമ് ബിദിക്കുവാ്.
അദ്‌ണ ഗള്യെ ആക്കമാട്ടാ്>>#എസയ്യാ് 10:22,23
എന്ത് ഇസ്‌റേല്‌ണ പറ്റി എസയ്യാ് സാമിദാസ് ആലാത്ത് സൊല്ലുറാ്.
29<<എല്ലാദ്‌ക്ക്‌മ് ബ്‌ഡ മ്‌ഗ്‌ന്ത ബില ഇര്‌ക്ക ആണ്ടവാ്
ണമ്മ്‌ദ് കാലറ്റ് പോഗാദെ ഇര്‌ക്ക്യ
ഒരു ലേസ ആള്‌ഗണ മിഞ്ച്‌സാദിര്‌ന്ത
സോദോമ്‌ക്ക്‌മ് ഗൊമോറാക്ക്‌മ് ബന്ത ഗെദി ണമാക്ക്‌മ് ബന്തിര്‌ക്കു>>#എസയ്യാ് 1:9
എന്ത് എസയ്യാ് സാമിദാസ് മുദാഗെ സൊല്ലിര്‌ക്കാനല്ല.
30അദ്‌ണാലെ ണമ്മ ഇദ്‌ണ പറ്റി എന്ത സൊല്ല്യ മുഡ്യു? ണേര്‌മെക്കാറാരായി ണഡാക്ക്യ ണോഡാത്ത എഗുദാര് അല്ലാത്ത ജാദിഗ ണേര്‌മെക്കാറാര് ആനാര്. അദ് എച്ചെന്ത ണമ്പിക്ക്യാലെ ണേര്‌മെക്കാറാര് ആരാദ്‌ത്തെ. 31ആന മോസെ ബെത്ത സാമി സട്ടപഡി ണേര്‌മെക്കാറാര് ആര പെ്ളേപ്പ് പെ്ളേക്ക്യ ഉള്ള ഇസ്‌റേല്‌ക്കാറാര്‌ക്ക് അയ്യി സട്ടപഡി പെ്ളേക്ക്യ മുഡ്യാദെ പോറ്റു. 32അദ് എന്ത്‌ക്ക്? ണമ്പിക്കേന ബെത്തല്ല, അവാര് സെയ്‌ര കാര്യഗണ ബെത്ത് ണേര്‌മെക്കാറാര് ആയ ണോഡിനാദ്‌ണാലെത്തെ <<ബെജ്‌ക്ക കല്ല്‌ണ മെ്ട്ടി ബെജിക്കി ബ്‌ന്താദ്.>>
33<<ഇദാഗെ, ണാന് സീയോന്‌ക്കെ ബെജിക്കി ബീ്റ അറെനാമ് തഡെ കല്ല്‌ണാമ് ബെക്കെ,
അവാന ണമ്പ്‌റവാര് ണാണഗെ്ട്ട് പോഗമാട്ടാര്>>#എസയ്യാ് 8:14; 28:16
എന്ത് എ്ള്‌ദിര്‌ക്ക്‌ദല്ല.
Atualmente Selecionado:
:
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
New Life Literature