Sálmos 150
150
1¡Picotaque Opejã Pangarádejnai!
¡Acotáyo Dupade uté iji iguíjna cuchábi ajé pirosobádejnai! ¡Acotáyo uté iji charite ueradéjnai iji gatajnoquei ome úringai ujopíerãque cuchape uté!
2¡Acotáyo uté ome imaningone cucha dacate datéo! ¡Acotáyo uté ome uté úringai cuchadaté uje érãtique úringai cuchadaté eruénique cuse!
3¡Acotáyo uté jeta abúchuyo uacabuchutígo; ga acotáyo uté jeta ajéyo uaquetígo árpa, jé aja jorane uaqueque cucha jocarãtácho!
4¡Acotáyo uté ome uaquetígo cucha angoñerácho uje cho pãracãranie agoyedie, jé aja jeta beyoi jobeyéode; ga acotáyo uté ome uaquetígo cucha carutácho, jé aja uacabuchutígo cucha uje jocarane cuse, uje udore i tu fláuta!
5¡Acotáyo uté ome uaquetígo guebeque jocarãtácho; acotáyo uté ome uaquetígo guebec jocarãtácho udore uje ore chudute udore jocarane jnese!
6¡Cucha ujñaritade jnese iji erámi, beyoi ga acotáyo Pangarádejnai uté!
¡Picotaque Opejã Pangarádejnai!
Atualmente Selecionado:
Sálmos 150: Ayore
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2021 Ethnos360