MATAIO 2
2
Ko Tino Faimalaga mai te Sopogala
1A Iesu ne fanau i te fa'kai ko Peteleema i te fenua ko Iutaia, i aso o te Tupu ko Helota. E isi ne tagata 'poto i uiga o fetu ne o'mai mai i te Sopogala ki Ielusalema, 2kae fai mai, “Tefea te tamaliki ne fanau mai, tela ka fai mo tupu o tino Iutaia? Me ne matea ne matou a tena fetu i te Sopogala; tenei te mea ne o'mai ei matou o tapuaki ki a ia.” 3I te lagonaga ne te Tupu ko Helota a te mea nei, ne manavase a ia, pela foki mo tino katoa i Ielusalema. 4Ne fakamaopoopo katoa ne ia a faitaulaga sili pela foki mo faiakoga o te Tulafono, kae fai atu, “E fanau ifea te Keliso?” 5Ne tali mai latou, “I Peteleema i Iutaia, me penei a muna a te pelofeta ne tusi:
6 #
Mika 5.2
‘A koe foki e Peteleema i te fenua o Iuta,
Ka sili atu tou taulia i fakai e uke o Iuta;
Me e tupu mai ia koe se Takitaki
Tela ka pule ne ia toku fenua ko Isalaelu.”’
7Tela, ami ei ne Helota a tagata 'poto kona ke fai se lotou fono 'funa, kae o sukesuke foki ki a latou a te taimi tonu tela ne matea ei ne latou a te fetu. 8Ne uga ne ia a latou ke olo ki Peteleema mo fakatonuga konei: “Olo o salasala faka'lei a te tamaliki, kafai ko maua fakailoa mai, ko te mea ke fanatu foki au o tapuaki ki a ia.” 9-10Tela ne olo atu ei latou, kae i te olotou auala ne lavea ne latou a te fetu foki tela ne lavea ne latou i te saegala. I te taimi ne lavea i ei ne latou, ko oko eiloa i te olotou fiafia, kae ne 'lifu foki a latou! Ne fano eiloa i olotou mua ke oko ki te taimi ko tu ei i luga o te koga e nofo ei te tamaliki 11Ne olo ki loto i te fale, ne matea ne latou a te tamaliki mo Malia tena matua, totuli ifo ei o tapuaki ki a ia. Ne 'tala olotou taga kae avatu ki a ia a meaalofa: se aulo, se pulu lipano mo te pulu mulo ne sinu manogi.
12Ne fakatonu atu latou ne te Atua i te moemiti ke se 'foki ki a Helota; tela, toe 'foki ei o olo ki te lotou fenua i te sua auala.
Ko te 'Solaga ki Aikupito
13Mai tua ifo i te 'fokiga o te kau kona, ne fakaasi te agelu a te Aliki ki a Iosefa i te moemiti kae fai atu: “Tu ki luga, puke te tamaliki mo tena matua kae olo nei eiloa ki Aikupito; 'nofo i kona ke oko eiloa ki te taimi e toe fai atu ei au ke olo koutou keatea. A Helota, ka salasala ki te tamaliki o tamate.” 14#Hose 11.1 Ala ake Iosefa, puke te tamaliki mo tena matua; olo eiloa i te po tena ki Aikupito, 15kae ne 'nofo eiloa i kona ke oko eiloa ki te mate o Helota.
Ne fai penei ko te mea ke fakataunu ei a muna a te Aliki kola ne fai mai ne te pelofeta, “Ne aumai ne au taku Tama keatea mai Aikupito.”
Ko te Tamatega o Tamaliki
16I te iloaga ne Helota i tino faimalaga mai te Sopogala ne 'loi ki a ia, ko oko eiloa i tena kaitaua, tela, fakatonu atu ei ne ia ke tamate katoa a tamaliki tagata i Peteleema mo fenua pili mai, e kamata i te lua tausaga o fanaifo ki lalo, e faka'tau eiloa ki te mea ne iloa kae tauloto ne ia mai te tokotolu tagata 'poto, i te taimi ne sae ei te fetu.
17Tenei la, ko tonu ei a te muna a te pelofeta ko Ielemia:
18 #
Iele 31.15
“Ne lagona te leo i Lama, ko te leo o te tagi fakaalofalofa mo te fanoanoa.
A Lasela ko oko eiloa i te tagi fanoanoa mō ana tamaliki,
E tagi ka ko se mafai foki o fakamafanafanagina a tena loto,
I te mea ko 'mate katoa latou.”
Ko te 'Fokimaiga mai Aikupito
19I te matega a Helota, ne fakaasi atu a te agelu a te Aliki ki a Iosefa i te moemiti i Aikupito; 20kae fai mai: “Tu ki luga, puke te tamaliki mo tena matua, kae toe 'foki ki Isalaelu; me ko 'mate katoa a latou kola ne taumafai o tamate te tamaliki.” 21Ne tu ake Iosefa, puke te tamaliki mo tena matua, 'foki eiloa latou ki Isalaelu.
22I te iloaga ne Iosefa me ko Alekilao ko fai mo tupu i Iutaia, e sui tulaga i tena tamana ko Helota, ne mataku manafai e olo latou ki kona. Ne toe fakailoa atu ki a ia a nisi fakatonuga i te moemiti, tela olo ei latou ki Kalilaia, 23#Male 1.2; Luka 2.39; Ioa 1.45 fano ei o nofo i te fa'kai ko Nasaleta. Ne fai a te mea nei e fakataunu ei a te muna a pelofeta ne fai, “E taku foki a ia se Nasaleta.”
Atualmente Selecionado:
MATAIO 2: Tusi Tapu
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Tuvalu Revised Bible © Bible Society in the South Pacific