Laoidhean 22
22
LAOIDH 22
Isaiah 40.27-31
1C'arson a dhòirtear leat a mach
do chaoidh, gun dùil ri iochd?
Ceart mar nach tugadh Dia fa' near
cùis neach air bith d'a shliochd.
2Esan a chruthaich talamh 's nèamh,
am bheil a thearmunn gann?
No 'm feud an làmh a dhealbh gach ni
fàs sgìth gu bràth no fann?
3Maith, glic, is uile‑chumhachdach,
tha 'n Triath a ta 'g ar dìon;
A shlighe ged nach léir do neach,
is ceart e anns gach gnìomh.
4'S mòr fàth ar misnich, uime sin,
fo cheannsal Dhia nan sluagh;
Do'n fhìrean lag bheir esan neart,
's do'n anmhunn bheir e buaidh.
5Caillidh na daoine sean an treòir,
's an òigridh féin an lùth;
Ach mheud 's a dh'fheith ri Dia nan gràs,
tha slàinte dhoibhsan dlùth.
6Le cosaibh lùthar siubhlaidh iad
's an t‑slighe dh'ionnsuidh glòir';
'S fàsaidh an neart mar thriallas iad,
'n an giùlan diadhaidh còir.
7Air sgiathaibh creidimh éiridh iad,
mar iolar luath nan speur,
Os ceann an t‑aaoghail dhorcha so,
gu Dìa 'an àirde nèimh.
Atualmente Selecionado:
Laoidhean 22: LSN1987
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© Comann Bhìoball na h‑Alba 1826, 1987
© Scottish Bible Society 1826, 1987