PHUNGTHLÛKBIA 2
2
1Ka fapa, ka bia kha na cohlan hna i ka nawlpêk kha na chungah nâ khon i 2fimnâk leiah na hna na tun i theihthiam dingin na lungthin na pêk ahcun; 3Asi, thleidan khawhnâk ngei dingin na au i theihthiamnâk ngei dingin na-aw na chuah ahcun, 4Ngun bangin na kawl i thuhmi ro bantukin na kawl ahcun; 5BAWIPA ṭihzah na theihthiam lai i Pathian hngalhnâk kha na hmuh lai. 6Zeitintiah BAWIPA nih fimnâk a pêk i a hmurkâ in hngalhnâk le theihthiamnâk a chuak tawn. 7Mi dik hna caah fimnâk taktak a pumh piak i dik ngaiin a kalmi caah Amah cu phaw a si. 8Diknâk lam kha a kilven i a mithiang hna lam kha a himter tawn. 9Cuticun diknâk le dinnâk na theihthiam lai i thleidan ngeihlonâk le a ṭhami lam zong na theihthiam lai. 10Na lungthin ah fimnâk a luh tikah, hngalhnâk cu na nunnâk lomh tertu a si lai. 11Ruahthiamnâk nih an himter lai i theihthiamnâk nih an kilven lai. 12Sualnâk lamin khamh awk ah le, bia merh a hmangmi hna chungin khamh awkah, 13Cu hna nih, muihnâk lam zulh awkah, lam dik cu an kaltâk; 14Thilṭhalo tuahnâk ah an i lawm i misuaksual dinlonâk ah an i lawm tawn. 15An nunning kha a ngawi i an lamthluan ah zumh awk an tlâk lo. 16Nu ṭhalo le, bia thlum-al hmangin soilêm a hmangmi hna chungin khamh awk le, 17A no lio hawikawm kal takin, a Pathian biakam a philhmi hna sinin. 18Zeitintiah a inn nih thihnâk lei ah a hruai i a lam hna nih mithi lei a panh. 19A sinah a kalmi an kir bal ti lo i nunnâk lam an zul bal ti lo. 20Cubangin ṭhatnâk lam na zulh khawh i dinnâk lam kha na zulh peng nâkhnga. 21Zeitintiah a dikmi nih ram cu an hngah lai i sawi awk um lomi an hmun lai. 22Asinain misuaksual cu vulei cungin hloh an si lai, cun zumh awk a tlâk lomi hna cu an hram in bongh dih an si lai.
Atualmente Selecionado:
PHUNGTHLÛKBIA 2: HAKABSI
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
