Engero 23
23
1Bw'otuulanga ku mmere wamu n'omukungu,
Wetegerezanga nnyo ebyo ebiteekeddwa mu maaso go.
2weefugenga nnyo,
Bw'oba nga oli muntu muluvu.
3Tolulunkaniranga byasava by'agabula;
aba ayagala kukugeza alabe bw'ofaanana.
4Teweekooyanga ng'okolerera obugagga,
Beeranga mugezi olemenga okwetawaanya ennyo.#Nge 3:5; 28:20, 1 Tim 6:9,10
5Oneekalirizanga amaaso ku ekyo ekitaliiwo?
Kubanga mazima obugagga bwefunira ebiwaawaatiro,
Ng'empungu ne bubuuka mu bbanga.#Nge 27:24
6Tolyanga mmere y'oyo alina eriiso ebbi,
So tolulunkaniranga byassava bye.#Ma 15:9, Zab 141:4, Nge 11:14; 28:22
7Kubanga nga bw'alowooza mu nda ye, bw'ali bw'atyo:
Lya, nywa, bw'akugamba;
Naye omutima gwe teguli wamu naawe.#Zab 12:2
8Ojja kusesema gy'olidde;
N'ebigambo byo ebirungi bijja ku kufa bwereere.
9Toyogeranga omusiru ng'awulira;
Kubanga ajja kunyooma eby'amagezi by'oyogera.
10Tojjululanga kabonero ka nsalo ak'edda;
So toyingiranga nnimiro za bamulekwa.#Nge 22:28
11Kubanga omununuzi waabwe wa maanyi;
Anaawozanga ensonga yaabwe naawe.#Nge 22:23
12Ssangayo omutima gwo eri okuyigirizibwa,
N'amatu go eri ebigambo eby'okumanya.
13Tolekanga kubuulirira omwana:
Kubanga okumukubako n'omuggo, tekijja kumutta.#Nge 13:24; 19:18
14Omukubanga n'omuggo,
N'owonya emmeeme ye mu magombe.
15Mwana wange, bw'obeera ow'amagezi,
nange nsanyuka.#Nge 29:3
16Weewaawo, emmeeme yange eneesanyuka,
Bw'onooyogeranga eby'ensonga.
17Omutima gwo gulemenga okukwatirwa obuggya abalina ebibi:
Naye obeerenga mu kutya Mukama okuzibya obudde:#Zab 37:1, Nge 28:14
18Kubanga mazima empeera weeri;
N'essuubi lyo teririmalibwawo.#Nge 24:14
19Mwana wange, wulira obeerenga n'amagezi,
Oluŋŋamyenga omutima gwo mu kkubo.#Nge 9:6
20Tobanga ku muwendo gw'abo abeekamirira omwenge;
Wadde mu abo abeevuubiika ennyama:#Nge 28:7, Is 5:11, Luk 21:34, Bef 5:18
21Kubanga omutamiivu n'omuluvu balituuka mu bwavu:
N'okubongoota kunaayambazanga omuntu enziina.#Nge 6:10,11
22Owuliranga kitaawo eyakuzaala,
So tonyoomanga nnyoko ng'akaddiye.#Nge 1:8; 30:17, Bef 6:1
23Gulanga amazima, so togatundanga;
Gulanga amagezi, okuyigirizibwa n'okutegeera.#Nge 4:5,7
24Kitaawe w'omutuukirivu anaasanyukanga nnyo:
N'oyo azaala omwana ow'amagezi anaamwenyumiririzangamu.
25Osaanye osanyusenga Kitaawo ne nnyoko,
Omukazi eyakuzaala ajaganyenga.
26Mwana wange, mpa omutima gwo,
Weetegerezenga amakubo gange.
27Kubanga omukazi malaaya lukonko luwanvu;
N'omukazi omwenzi bunnya bwa kanyigo.#Nge 22:14
28Akuteega ng'omunyazi,
Aleetera abasajja bangi obutaba beesigwa.#Nge 7:12
29Ani alaba obuyinike? Ani alaba ennaku? Ani alina ennyombo?
Ani alina okwemulugunya? Ani alina ebiwundu eby'obwereere?
Ani amyuse amaaso?#Lub 49:12
30Abo abalwawo ku mwenge;
Abo abagenda okunoonya omwenge ogwa buli kika.#Nge 9:2,5, Is 5:11,22
31Totunuuliranga mwenge nga gumyuse,
Bwe gwolesanga ebbala lyagwo mu kikompe,
Bwe gukka empola:
32Enkomerero guluma ng'omusota,
Gusonsomola ng'embalasaasa.#Yob 20:16
33Ojja kutandika okulaba ebitategeerekeka,
Otandike okwogera ebigambo eby'obubambaavu.
34Oliba ng'oyo agalamira wakati mu nnyanja,
Oba ng'oyo agalamira waggulu ku mulongooti.
35Olitandika okugamba nti, “Bankubye, ne ssirumwa;
Bankubye, ne ssiwulira:
Nnaazuukuka ddi,
nzireyo ngunoonye nate?”#Is 56:12, 2 Peet 2:22
Atualmente Selecionado:
Engero 23: LBR
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
All rights are reserved to the Bible Society of Uganda.
Engero 23
23
1Bw'otuulanga ku mmere wamu n'omukungu,
Wetegerezanga nnyo ebyo ebiteekeddwa mu maaso go.
2weefugenga nnyo,
Bw'oba nga oli muntu muluvu.
3Tolulunkaniranga byasava by'agabula;
aba ayagala kukugeza alabe bw'ofaanana.
4Teweekooyanga ng'okolerera obugagga,
Beeranga mugezi olemenga okwetawaanya ennyo.#Nge 3:5; 28:20, 1 Tim 6:9,10
5Oneekalirizanga amaaso ku ekyo ekitaliiwo?
Kubanga mazima obugagga bwefunira ebiwaawaatiro,
Ng'empungu ne bubuuka mu bbanga.#Nge 27:24
6Tolyanga mmere y'oyo alina eriiso ebbi,
So tolulunkaniranga byassava bye.#Ma 15:9, Zab 141:4, Nge 11:14; 28:22
7Kubanga nga bw'alowooza mu nda ye, bw'ali bw'atyo:
Lya, nywa, bw'akugamba;
Naye omutima gwe teguli wamu naawe.#Zab 12:2
8Ojja kusesema gy'olidde;
N'ebigambo byo ebirungi bijja ku kufa bwereere.
9Toyogeranga omusiru ng'awulira;
Kubanga ajja kunyooma eby'amagezi by'oyogera.
10Tojjululanga kabonero ka nsalo ak'edda;
So toyingiranga nnimiro za bamulekwa.#Nge 22:28
11Kubanga omununuzi waabwe wa maanyi;
Anaawozanga ensonga yaabwe naawe.#Nge 22:23
12Ssangayo omutima gwo eri okuyigirizibwa,
N'amatu go eri ebigambo eby'okumanya.
13Tolekanga kubuulirira omwana:
Kubanga okumukubako n'omuggo, tekijja kumutta.#Nge 13:24; 19:18
14Omukubanga n'omuggo,
N'owonya emmeeme ye mu magombe.
15Mwana wange, bw'obeera ow'amagezi,
nange nsanyuka.#Nge 29:3
16Weewaawo, emmeeme yange eneesanyuka,
Bw'onooyogeranga eby'ensonga.
17Omutima gwo gulemenga okukwatirwa obuggya abalina ebibi:
Naye obeerenga mu kutya Mukama okuzibya obudde:#Zab 37:1, Nge 28:14
18Kubanga mazima empeera weeri;
N'essuubi lyo teririmalibwawo.#Nge 24:14
19Mwana wange, wulira obeerenga n'amagezi,
Oluŋŋamyenga omutima gwo mu kkubo.#Nge 9:6
20Tobanga ku muwendo gw'abo abeekamirira omwenge;
Wadde mu abo abeevuubiika ennyama:#Nge 28:7, Is 5:11, Luk 21:34, Bef 5:18
21Kubanga omutamiivu n'omuluvu balituuka mu bwavu:
N'okubongoota kunaayambazanga omuntu enziina.#Nge 6:10,11
22Owuliranga kitaawo eyakuzaala,
So tonyoomanga nnyoko ng'akaddiye.#Nge 1:8; 30:17, Bef 6:1
23Gulanga amazima, so togatundanga;
Gulanga amagezi, okuyigirizibwa n'okutegeera.#Nge 4:5,7
24Kitaawe w'omutuukirivu anaasanyukanga nnyo:
N'oyo azaala omwana ow'amagezi anaamwenyumiririzangamu.
25Osaanye osanyusenga Kitaawo ne nnyoko,
Omukazi eyakuzaala ajaganyenga.
26Mwana wange, mpa omutima gwo,
Weetegerezenga amakubo gange.
27Kubanga omukazi malaaya lukonko luwanvu;
N'omukazi omwenzi bunnya bwa kanyigo.#Nge 22:14
28Akuteega ng'omunyazi,
Aleetera abasajja bangi obutaba beesigwa.#Nge 7:12
29Ani alaba obuyinike? Ani alaba ennaku? Ani alina ennyombo?
Ani alina okwemulugunya? Ani alina ebiwundu eby'obwereere?
Ani amyuse amaaso?#Lub 49:12
30Abo abalwawo ku mwenge;
Abo abagenda okunoonya omwenge ogwa buli kika.#Nge 9:2,5, Is 5:11,22
31Totunuuliranga mwenge nga gumyuse,
Bwe gwolesanga ebbala lyagwo mu kikompe,
Bwe gukka empola:
32Enkomerero guluma ng'omusota,
Gusonsomola ng'embalasaasa.#Yob 20:16
33Ojja kutandika okulaba ebitategeerekeka,
Otandike okwogera ebigambo eby'obubambaavu.
34Oliba ng'oyo agalamira wakati mu nnyanja,
Oba ng'oyo agalamira waggulu ku mulongooti.
35Olitandika okugamba nti, “Bankubye, ne ssirumwa;
Bankubye, ne ssiwulira:
Nnaazuukuka ddi,
nzireyo ngunoonye nate?”#Is 56:12, 2 Peet 2:22
Atualmente Selecionado:
:
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
All rights are reserved to the Bible Society of Uganda.