Mateusi Imovyvya
Imovyvya
Aã kareta Janejare'e 'Ãg omotekokuwa Mateusi tokusiwa maekwerà. Jesu remimo'ekwerà tè Mateusi (Mat. 9.8-9). A'e Jesu reve ekoi ipi mijã. Ajawyi wemisakwerà tè okusiwa. Weminuwerà teve okusiwa. Okusiwa remẽ, “Janejare'e e'ipa amãtejẽ Jesu pewarà mõ”, e'i ipi. Juteu kõ pè ywesõ okusiwa, “Aje ywete Janejare'e Remimuurerà tè Jesu”, te'i kupa.
Jesu poromo'e remẽ, nojimome'ui amãtejẽ ijupe kõ ajamã'ẽ. “Janejare'e Remimuurerà tè ije”, ne'i amãtejẽ ijupe kõ. Ojimome'u miti kõrijõ tè rã'ĩ iko ijupe kõ ipi. Ke'ĩ ojukatà kupa remẽ tè ojimome'u ijupe kõ ky'y. “Ajimojane mã'ẽ” ywesõ e'i oupewarà mõ ipi. Karamoe remẽ Janejare'e ayvu mojenuarà mõ kee e'ipa amãtejẽ: “Tãmõ Tavi Jeapyrerà e'eay rã uutà Janejare'e Remimuuarà rõmõ”, e'ipa. Ajawyi jane kõ mõ, “Tãmõ Tavi Jeapyrerà e'eay tè Jesu”, e'i remẽ, “Janejare'e Remimuurerà tè Jesu”, jaa tè aepo e'i kupa. Aekwerà okusiwa Mateusi upa. Ãmõ, manyvo tekoua Janejare'e Janerõvijã ywete rõmõ ekoi remẽ mã'ẽ okusiwa teve, tijakuwa katu ky'y.
Atualmente Selecionado:
Mateusi Imovyvya: oymNT
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© 2013, Wycliffe Bible Translators, Inc. All rights reserved.