Versículos Bíblicos Populares relacionados a PUYAN LUHA’ 2

Compartilhar

Un sepuʹo dau heʹ pesalaʹ ikem: naʹkini abeʹ ne ikem un malaʹ neng akeʹ kuaʹ baʹan seʹ kem malaʹ akeʹ cen kena re.

Moʹ ina, petawai hem kudaʹcoʹ ban ncem lepa laboʹ idai. Nesen ne, nyepuleʹ kimet cem cen penyalaʹ kem. Bayaʹ ne puyan iaʹ ikem lepa ban ti cen kena are. Buk kem are nesen ngan nyepuleʹ kimet cem cen penyalaʹ, atek keʹ kenai palaʹ ikem ngan alaʹ teken peritaʹ kem ne, cen ukoʹ o ne.

Ayen ncem takut neng penaru iaʹ kenai nantaʹ ikem uʹo. Nawai dau heʹ, ban Bali Jaʹat ina ke ten ikem, ngan ia ke naʹ palai mikem kedalem sepin. Puloʹ tau pengemajan ncem ke sihoʹ taru uʹo. Semamet ne bayaʹ akeʹ. Naʹ pia seʹ ketai pesen neng patai, atek keʹ ke naʹ ca tapung keriman mikem uʹo.

“Moʹ ina, buk kem un telinga, ngeringa ne dau isiu Berua Tuhan neng Mpun diaʹ ngelan Tuhan. “Me kelunan diaʹ nyupeʹ puyan iaʹ jaʹat, mida heʹ ke naʹ penyukat apan nte senteng uman buʹan cen inan udip iaʹ dalem Pula Allah.”

Un dau Yesus, akeʹ tisen ne mung puyan iaʹ ikem lepa ti, ngan muhat seʹ kem pegayeng, ngan dadoʹ kimet cem. Tisen nceʹ lete moʹ abeʹ kem pedayo kelunan jaʹat pemung ngan ncem. Lepa ne ikem ten kelunan diaʹ kuma ida lawa Injil, di reʹ abeʹ pe ida lawa Injil lan. Moʹ luhaʹ ban puyan nte palo ikem.

Un dadoʹ ban kimet cem dalau hem sihoʹ taru moʹ kuʹun ngadan nceʹ are. Abeʹ kimet cem tai luʹap.

“Moʹ ina, buk kem un telinga, ngeringa ne dau isiu Berua Tuhan neng Mpun diaʹ ngelan Tuhan. “Me kelunan diaʹ nyupeʹ puyan iaʹ jaʹat, mida heʹ ke naʹ penguman nyio, iaʹ dulu abeʹ un tisen. Ngan laʹa singket ida pe akeʹ ke naʹ ca batu puteʹ. Neng batu ina un ca ngadan mading iaʹ dulu abeʹ un tisen, bang kelunan diaʹ alaʹ a iaʹ tisen kidi.”