Versículos Bíblicos Populares relacionados a PILIPI 4

Compartilhar

Ayen ncem iʹut tawai neng ca inu inu pe, di lareʹ neng singket singket temameʹ kem te, nyat ne neng Allah inu inu iaʹ tepa neng ikem, mentung ngkem nyuaʹ tiga saheʹ.

Ina le ikem ke tisen udip tadan Allah iaʹ ke ngelidung penawai hem ngan kimet cem dalem Keristus Yesus. Moʹ udip iaʹ tadan ina lapa neng mung penisen kelunan ne.

Ca laʹa cenganak keʹ, nyalet ne kimet cem neng inu iaʹ tiga, iaʹ tekep ukoʹ le ke pempau Tuhan, iaʹ ina mung inu iaʹ telit, iaʹ sebelang, iaʹ teneng, iaʹ buheʹ, iaʹ selawan, ngan iaʹ tekep ilu ke nyelumuk.

Senteng ngkeʹ neng mung puyan inu, ban kuʹun penyukat iaʹ Keristus naʹ makeʹ.

Awaʹ pe ikem lemuto bangen tekaʹ neng pengudip kem dalem Tuhan. Ca liwai dau heʹ laʹa: Bangen ne ikem!

Moʹ Tuhan Allah heʹ, ia ke naʹ mikem mung penepa hem bayaʹ ban pengekayaʹ a neng peniga ha dalem Keristus Yesus.

Bayaʹ ne mung dau katuk iaʹ ikem lepa pekalai neng akeʹ, iaʹ ikem ban alaʹ cen tiraʹ keʹ, ngan cen puyan nceʹ are. Ngan Allah iaʹ puʹun udip iaʹ tadan ina ke petugung ngan ncem.

Tekep lemaʹ saheʹ kem tai luhaʹ kata dulu mung, moʹ nyeng le Tuhan laʹa.

Lepa ne akeʹ tisen neng pengudip iaʹ pinut, tisen pe akeʹ neng pengudip iaʹ lento. Dalem mung naʹan puyan, naʹ pe dalau midan midan pe, lepa ngalai ne akeʹ, ngan teto ne tekaʹ tawai heʹ kidi, neng beso pe, ngan neng laʹu pe, pekina pe dalau lento, ngan dalau kasip.

Abeʹ dau heʹ pisiu pekina moʹ seʹ ban nceʹ tepa, moʹ lepa malai ngan teto ne tekaʹ keʹ neng inu iaʹ un neng akeʹ.