Versículos Bíblicos Populares relacionados a KULUSE 2

Compartilhar

Uban ncem lepa alaʹ Keristus Yesus, Tuʹa hem, ina ukoʹ mudip ne pebeka kimet ngan ne. Ngepakat ne dalem Keristus, ngan medeng ne pengudip kem pebesun neng Keristus apan pengelan ncem tai un pit ngan pali, koʹ baʹan katuk iaʹ ikem lepa tisen are. Tiga hem lemuto nyuaʹ tiga saheʹ neng singket naʹan pemuyan Tuhan.

Tuman ina, tiga hem jagaʹ tiga le, apan mele aheʹ aheʹ pe abeʹ un sukat ke ngebabak ikem man penudi tiraʹ kelunan iaʹ palo, ngan iaʹ abeʹ un semantet. Ngan tiraʹ ina abeʹ e nai cen Keristus, di lareʹ tiraʹ ina nai cen katuk adet kelunan, peging ngan bali jaʹat diaʹ ngaren beluaʹ awang.

Cen naʹaʹ ikem lepa matai neng puyan udip berua hem ban kuʹun penyalaʹ kem, ngan pekina pe moʹ kem diaʹ tahaʹ awang lepoʹ Yahudi diaʹ abeʹ un tisen Katuk Adet. Un sepuʹo naʹkini Allah lepa pudip berua hem pemung ngan Keristus. Allah lepa sau mung penyalaʹ le. Ngan ia lepa lemataʹ surat utang le iaʹ pesupeʹ ilu, peging ngan adet te iaʹ lemenaʹ ilu. Lepa ne ia sau dina mung, moʹ o napek ke neng usun kayu tecek.

Toʹ layen udip Allah lepa daʹam dalem udip usa Keristus. Ngan moʹ kem pebeka ngan Keristus, palaʹ ikem lete Allah lepa naʹ pengudip iaʹ sangan kuʹun peniga ina. Ban ne Keristus ina ne iaʹ atek bioʹ neng usun toʹ diaʹ ngaren dulu, ngan diaʹ ngkang penyukat.

Tuman ina, ayen ncem pedayo ca kelunan mele aheʹ aheʹ pe iaʹ ke uyan palan neng penguman ncem, ngan neng inu iaʹ ikem nisep, ngan pekina pe neng tau bioʹ, ngan puyan adet neng bulan mading, ngan pekina pe neng Tau Kelineʹ. Mung adet diaʹ pekina bang ca lingai neng puyan iaʹ ke nai ʹo. Un sepuʹo iaʹ lan ne, iaʹ ina Keristus.