Versículos Bíblicos Populares relacionados a 1 PETERUS 3

Compartilhar

Un sepuʹo nyalet ne Keristus dalem penawai hem, iaʹ atek Tuʹa penina hem. Tiga hem tenup lemuto ke mipa me aheʹ aheʹ iaʹ lemutu sen neng tebelum iaʹ un neng ikem. Ngan tiga hem mipa ha ngan lemaʹ dau ngan selama dau. Tiga ha lemuto dema tekaʹ kimet dalem penawai hem, apan buk dulu ke pejaʹat ikem moʹ kem mudip bayaʹ Keristus, ketai saʹe re ke pejaʹat ikem moʹ pemuyan ncem tiga.

Moʹ Tuhan lemuto naʹat aheʹ diaʹ teneng. Lemuto ho ngeringa dau temameʹ de. Un sepuʹo Tuhan nyekang aheʹ diaʹ uyan jaʹat.”

Ayen ncem kanan gelam iaʹ tai pasak seʹ, man ncem keniga diseʹ usa hem koʹ baʹan anyam puk, ngan gelam gelam mat, ngan naʹan naʹan sapai iaʹ tiga. Di lareʹ iaʹ keniga diseʹ usa hem, tekep pe luhaʹ cen penyaheʹ tiga hem, ina ne gelam ngkem iaʹ abeʹ un ketai mubo, iaʹ ina cen baloʹ kimet iaʹ denaʹ seʹ ngan lemaʹ. Ina iaʹ atek tiga neng penaʹat Allah.

Moʹ pekini dau Kitap Tuhan: “Buk aheʹ iaʹ ubaʹ ke mudip saheʹ, ngan ngawaʹ ubaʹ ke tisen iaʹ tiga ngajan udip pe re; Tiga ha pekenaʹ pisiu iaʹ jaʹat, ngan pekenaʹ pisiu iaʹ palo. Atek ke ke nyalaʹ usa ha cen iaʹ jaʹat, sulo tai uyan iaʹ tiga, ngan mita udip iaʹ tadan, ngan puai ie.

Kebayaʹ a: tiga ca le kimet cem, ngan ca le tekaʹ penawai hem, ngan malaʹ ikem selepeʹ dalem ngkem pecenganak ngan tiga saheʹ, ngan libaʹ kimet neng ikem selepeʹ. Ayen ncem nyuaʹ iaʹ jaʹat man iaʹ jaʹat, pekina pe nyuaʹ tunoʹ man tunoʹ, di lareʹ nyuaʹ man peniga. Moʹ ca peniga iaʹ Allah petuket ke naʹ mikem, ina ukoʹ o ban mengin ikem.

Aheʹ iaʹ ke ngejaʹat ikem buk kem tangen uyan tiga tupe?

Atek ke ke nyalaʹ usa ha cen iaʹ jaʹat, sulo tai uyan iaʹ tiga, ngan mita udip iaʹ tadan, ngan puai ie.

Buk kem sihoʹ penuyen suaʹ puyan ncem iaʹ tiga moʹ o bayaʹ pengubaʹ Allah, ina iaʹ atek tiga neng ʹo hem sihoʹ penuyen suaʹ kem ban uyan jaʹat.