Versículos Bíblicos Populares relacionados a GWO JIN ’CEENU MO 5

Compartilhar

Dhali uni yuḵki gway this mo mmo/o gwo mo ki: /E a’di ta a’di jin ha me’d mo mmobu’th yiṯ yansan jin ’kuc̱u is mo dhali mmoḵa’da ’diŋkilam piti jin ’dap̱u a’di ’twa/ mo, haali/ /e ’koshkunu jwa mo, dhali ka bas pini mo tani /e wanki ’kwani ’ba/ mo goma Arumgimis mo ’peni arisa waḵ kun ’ko ’kwani e ki she/ ki she/ mo dhali ’peni aris ’twa/ kun wala ’kwani ki she/ ki she/ mo dhali ’peni ’kwani kun ’kona e ki she/ ’peni tiya mo dhali ’peni kal gi ’kwaniny’cesh/ mo

mmo/o gwo ka dhan ’twa/ kun caaca mo ki: A’di ta a’di jin ha me’d mo. A’di jin ta Ari Ḵa’bal jin ’koshkunu mo mmobu’th mom’bi’th mo dhali pa mo dhali moyuḵ mo dhali mo jin eḵa/ eḵ mo dhali montaḵ mo dhali monyca mo dhali mom’bor mii mo.

dhali /e ki nyoŋ uni ki ’peŋkuman bampa/ mo dhali /e ki dhu uni ki igasiis goma Arumgimis bana mo dhali uni mini ta tap̱a mo e mony’cesh yansan mo.

Dhali aha/ ciḵkina ris to ’baar mo ka ’deṯe/ ’deṯe/ kun uḵkunu mo kun ’kon e momis mo dhali kun ’kon e mony’cesh mo dhali kun ’kon e bwaŋ’kwariny mony’cesh mo dhali e bwaŋ ḵumma/ yi’de/ mo dhali aris uni ’baar mo kun ’koni bwaman mo tani o gwo mo ki: E a’di jin c̱a’bki’da p̱owa ḵursi ma maliḵ mo dhali e Ari Ḵa’bal mo ki mom’bor mii midi di mo dhali montaḵ mo dhali monyca mo dhali mo/eḵ mo gom ki sule/ mo dhali ki sule/ mo.

Dhali yan’ko’d wathin ṯal ’de/ ’peni ’kwaniŋ gwanyjaḵa/ oki aha/ gwo mo ki: Dhalku/ ki ko mo ma. Hili mo mo ma, Adhop ma waḵ ma Yahuuda/ dhali Abirman ma Dawuu’d, a’di p̱iki mii e mo be. Wakan a’di, a’di imidi mish yiṯ yansan jin ’kuc̱u is ḵa’d ’twa/ mo dhala ’diŋkila/ kun ’koni pesu/ kun ’dap̱kunu a’di ’twa/ mo.