Versículos Bíblicos Populares relacionados a GWO JIN ’CEENU MO 1

Compartilhar

Aha/ tana ja Muŋ’kup̱ mo dhali jiŋ ’Ko’d mo. A’di ta gwo jin ona Tap̱a Arumgimis mo, a’di jin di’d mo dhali a’di jin diki’d mo dhali a’di jin midi p̱u’du/ mo, a’di jin ta a’di jin Eḵa/ Eḵ mo be.

dhali aha/ tana jan ṯal ’de/ jin di’d ki e mo. Aha/ wukina mo dhali hili mo mo ma, aha/ dikina ki e mo gom ki sule/ sule/ ya ye ’ba/ mo dhali aha/ takina ga mup̱tha/ gi Mowu mo dhali Mo ma Haawiya mo be.

Mom’bor mii gom a’di jin deŋki gwo yansan e mo jin onu is ki ’twa/ jin caaca mo dhali mom’bor mii gom uni gwansan kun ciḵki a’di mo dhali uni gun dhuki a’di jin ’kwarkunu nycine/ mo haali/ mo ’disha’dish mo be.

Ki aha/ p̱arkina a’di e mo tani aha/ biṯkina mo e sho’k piti mo, ma mmowa e ki wathi/ jin wuki’d mo. Hili a’di karki me’da bim poros piti ap̱o/ aha/ mo mmo/o gwo mo ki: Dhalku/ is ki ḵo/ mo. Aha/ tana ja muŋ’kup̱ mo dhali jiŋ ’ko’d mo be

Hili mo mo ma. A’di midi p̱u’du/ mo e bwaaraḵ mo dhali aris eŋ ’kwani ’baar ka ’deṯe/ ’deṯe/ mini p̱ar a’di e mo, dhali aris ’kwani ’baar ka ’deṯe/ ’deṯe/ kun su’k a’di mo tani, dhali arisa waḵ gi ’kwaniny’cesh mini wol ko mo gom gway piti mo. Isi kan si’dayi. Amen.