Versículos Bíblicos Populares relacionados a YAKUUB 3

Compartilhar

Hili moyuḵ ’peni momis mo tani ta jin ṯwa/a/ jin dheleli’d mo, yan’ko’d mmota gi moŋḵu’th is mo dhali mmo’thup̱ e mo dhali mmoḵa’d bwa mo dhali mmo’tu’d ki momiimii mo dhali ki maman gana/ mo dhali mmodar gi mii ma gwar ’de/ mo walla mmodar ki washila/ mo be.

Kaja a’di iyuḵayuḵ mo dhali mish gwo ’ban mo ibwam um mo? Ki miim ’borgam piti mo tani dhalki a’di ṯor a’di ki miim piti jin kara a’di is ki gwa’d mo ki moyuḵ mo.

Dhali maman gi mo ma ḵar/e mo tani a’di sinu ki moŋḵu’th is mo ki uni gwansan kun dhukina dhu ki moŋḵu’th is mo be.

Haali/ ki mo gi shinu bwa mo dhali mmota ham ’kus mo mmo’tula du mo ’kon mo tani a’di mina mo jin duŋkuru mii mo dhali mo jin boṯu ki miim bulga/ ’baar mo ’ko mo be.

Ki a’di mo tani ana ’bora Tap̱a mii mo dhali Ababa mo dhali ki a’di mo tani ana jeekina ’kwani mo ana gun uḵkunu mo mmowa e ka Arumgimis mo. ’Peni ’twa/ yan mo tani mom’bor mii p̱u’dki’d mo dhali monyjee mo. Iwaḵ pem, gwo yansan ḵa ba/ imidi ’taki diki di wakan mo.

Dhali ale’d a’di ta o’d mo be. Ale’d a’di ta to gi ’kwaniny’cesh jin diki ta ḵar/e ibwaman tom buŋgwar is bana mo mmonyo/ buŋgwar isi ’baar mo mmoc̱i’th ki o’d ’peni buyem pa jin dhodhuwa dho’th jin dosh ’peni o’d mo dhali jin c̱idhu ki o’d ki mo/o’d mo.

Hili wathimpa en’thiŋ kamu/ yisa mishuwa le’d non ’kup̱ mo mmo’te ’twa/ mo ki sule/ sule/ jin bir bakal ka yempa/ gom tonthus jin ’tu’du/ mo ka aṯi’d gi mowu mo be.

Um mini mii dhalku/ ki ta aris ka aris mo mmota imanṯor gwo mo, iwaḵ pem, haali/ um mishin ki ana gun ṯora gwo mo tani minu dwall gwo ki miiwaḵ jin ’bitha’bi’th ki nyanye/ mo be.