Versículos Bíblicos Populares relacionados a ṮIMUṮH̱AWUUS SU/ 4

Compartilhar

Aha/ askina ki as gana/ mo. Aha/ ’baarkina bway tur gi miiŋ gana/ mo. Aha/ karkina moŋgam gwo is mo.

C̱iyi gwo mo, hayi me’d ki embul mo mo, dhali hayi me’d ki embul mo jin diki ’bor mo, dhali ṯokiya ṯo’k mo dhali ḵucuriya ḵucur mo, dhali malasiya malas mo, dhali dhalku/ buye/ ki ’thi mo e bwa jin ’kuc̱u ki ’kari’th mo dhali e gwo jin ṯoru mo.

Haali/ mo midi p̱u’du/ mo ki ’kwani mini ’koki ’dim ’kup̱ mo e gwom ’borga/ jin ṯoru mo, hili mmotana uni gi bwany’ce kun ḵasaḵas mo tani uni mini tul imanṯor gwo ’kup̱ mo gom is buni mo mmogam bwam buni kun ona uni ’kup̱ mo, dhali uni mini ṯu’k mo ’peni gway gi gwoŋ gana/ jin ciḵu mo dhali ta c̱a/ ka c̱a/ e gwo lolop̱ jin ta ja maḵ mo.

Dhali gom /e mo tani isa yempa/ ṯeli /e sho’k mo, dhali ’dimi ’kup̱ mo e mo jin ’koshu is ka nyor mo, dhali miiya ṯu’c gi imanṯor gwom ’borga/ mo, dhali thimi miin tom pini mo.

’Peni shwane/ mo to karkunu mo gom aha/ mo, a’di jin ta toŋ’kup̱ gi mo ma ḵar/e mo, a’di jin mina Tap̱a, jin ta’da amandwall gwo mo jin ta’da ḵar/e mo c̱i aha/ mo ka Tee c̱aan mo. Dhali yisa jasi e aha/ ’de/ mowa, hili si’da/ gom uni ’baar mo kun enki miim piti jin minu piyu/ a’di is ka pije/ mo be.