Versículos Bíblicos Populares relacionados a Tcuh yaˇ li‸ 2

Compartilhar

Peˍtruˆ yawˇ hui hta‸ kʼoˆ piˇ ve, Nawˬ hui ve venˇbaˆ hta‸ hpehˇ hkʼa laˇ tuˬ, venˇbaˆ dawˇ hpfuhˆ leh Yeˍsuˆ Hkri‸ ve awˬ meh awˬ hawˉ lo baˆtiˆsaˬ hkanˍ yuˬ-o‸. Chi hkʼe te ve kʼo, da‸ ve kehˬ ve Awˬ ha hpu hta‸ nawˬ hui gʼa tuˬ yoˬ.

Chaw oˇ ve teˇ hpaˍ lehˬ, tcuh yaˇ hui maˍ piˇ ve tawˇ hkawˇ hta‸ na yuˬ ve, awˬ chawˇ te da‸ ve, Jawˇmawˇ ve pawehˇ hta‸ caˇ ve leh bon lawˬ ve teˇ hpaˍ hta‸ hkʼaˬ htaˆ ka‸ te tcuhˉ taˍ ve yoˬ.

Yawˇ hui hkʼa peu-eˬ awˬ hkʼaw lo da‸ ve kehˬ ve Awˬ ha hpu biˇ la leh, Awˬ ha hpu yawˇ hui hta‸ kʼoˆ tcuh yaw tcuh ve hkʼe, awˬ kaˍ awˬ nu tawˇ laiˉ ceuˬ hkawˇ yaw ve yoˬ.

Oˇ htaˇ, mvuhˇ haw lonˉ meuˆ ve hkʼa shuˍ shuˍ, teˇ cawˬ haˉ mvuhˇ naw ma lo awˬ hkawˇ bvuhˬ ya‸ la leh, yawˇ hui mui taˍ ve yehˬ teˇ yehˬ awˬ hkʼaw lo biˇ sheˬ ve yoˬ. Aˬ miˬ ha hkʼa shuˍ shuˍ, ha tehˍ teˇ hpaˍ hta‸ yawˇ hui gʼa mawˬ ve yoˬ. Ha tehˍ oˇ ve teˇ hpaˍ pehˬ taˍ leh teˇ gʼaˇ le le awˬ hkʼoˆ hta‸ jehˇ taˍ ve yoˬ. Yawˇ hui hkʼa peu-eˬ awˬ hkʼaw lo da‸ ve kehˬ ve Awˬ ha hpu biˇ la leh, Awˬ ha hpu yawˇ hui hta‸ kʼoˆ tcuh yaw tcuh ve hkʼe, awˬ kaˍ awˬ nu tawˇ laiˉ ceuˬ hkawˇ yaw ve yoˬ.

Teˇ nyi le le yawˇ hui teˇ geh bon yehˬ lonˉ lo taˆ-e ve awˬ hkʼoˆ ka‸, yawˇ hui ve yehˬ awˬ hkʼaw lo hkaoˍmonˇ hkʼeh‸ leh, ha lehˬ ha kʼa nyi ma teˇ shiˍ tiˉ taˍ ve awˬ hkʼaw lo yawˇ hui teˇ geh caˇ tuˬ caˇ ve yoˬ. Yawˇ hui Gʼuiˬsha hta‸ chiˇ mvuh leh, chaw hkʼa peu-eˬ yawˇ hui hta‸ nyi ma cawˇ ve yoˬ. Teˇ nyi le le Jawˇmawˇ Gʼuiˬsha lehˬ, htaiˍ hkʼaw‸ ve hta‸ gʼa ve chaw hui hta‸ yawˇ hui ve awˬ moˍ awˬ hkʼaw lo maˇ la piˇ chehˇ ve yoˬ.

Gʼuiˬsha kʼoˆ ve, Awˬ leh meuˇ ve awˬ nyi awˬ haˉ teˇ hpaˍ awˬ hkʼaw lo chaw ceuˬ hkʼa peu-eˬ awˬ hkʼoˆ hta‸ ngaˬ ve Awˬ ha hpu ngaˬ ngeuˍ pfuhˍ piˇ tuˬ yoˬ. Nawˬ hui ve yaˇ paˍ yaˇ miˇ teˇ hpaˍ lehˬ bon maˍ tuˬ yoˬ. Nawˬ hui ve chaw haˉ paˍ teˇ hpaˍ lehˬ, awˬ ha awˬ hkʼaw gʼa mawˬ tuˬ yoˬ. Nawˬ hui ve chaw mawˇ teˇ hpaˍ htawˇ, zuh‸ maˆ mawˬ tuˬ yoˬ.

Hkʼa yonˍ ve chaw hkʼa peu-eˬ teˇ moˍ tiˉ te leh, mawˇ hkʼa peu-eˬ hta‸ teˇ geh yehˇ ve yoˬ. Yawˇ hui lehˬ a shu yawˇ ve mawˇ jeˬ teˇ hpaˍ hta‸ hawˇ leh, hkʼaˬ ve teˇ gʼaˇ hta‸ maˇ kʼoˆ, loˍ ve hkʼe chaw hkʼa peu-eˬ hta‸ pehˬ piˇ ve yoˬ.

Oˇ htaˇ, Jawˇmawˇ Gʼuiˬsha ve awˬ meh hta‸ peun leh kuˬ ve chaw hkʼaˬ ve teˇ gʼaˇ maˇ kʼoˆ, htaiˍ hkʼaw‸ ve hta‸ gʼa tuˬ yoˬ teh‸ Yawˇlaˆ kʼoˆ taˍ ve yoˬ.

Jawˇmawˇ Gʼuiˬsha ve uiˍ jaˇ da‸ jaˇ ve awˬ nyi maˇ gaˬ sheˍ htaˇ, mvuhˇ nyi naˆ ho‸ hpeh‸ la leh, ha pa htawˇ awˬ suhˍ hpeh‸ la tuˬ yoˬ.