Versículos Bíblicos Populares relacionados a HECHOS 16

Compartilhar

Tam toc’tsiyat c’al a Pablo ani c’al a Silas antse’: ―Ca bela’ an Ajatic Jesucristo ani jaja’ ne’ets ti jec’ontha’. Antsana’ ta ca jec’ontha jaye ax ta q’uima’.

Tam ti ts’ejel acal u ol a Pablo ani a Silas ani in ajatnanchal im bij a Dios. Ani c’al patal an huic’nel u ots’ohuiyab. Tam jun jic’tohual lej t’elelats an tsabal, ma yatsitslats in cub an huic’axte’. Tameq’ui tala’ japq’uin an hui’lebchic, ani tala’ huilts’onchat an huic’nelchic an calaniyo pat’al axi c’al ti huic’ath.

Tam am beletnom huic’axte’ in ne’tha’chic eleb, ani in conoy: ―¿Pay’lomchic, jant’o cu t’aja’ abal quin jec’ontha c’al u hualab?

Ejtsin am beletnom huic’axte’ ani in tsu’u tala’ japq’uithits an hui’lebchic ti al an huic’axte’. In jixa’ in cutsilal abal quin cuete’ tsemtha’ tim ba’, cum in tsalpay abal tala’ pit’c’onenequits an huic’nelchic. Tam thajat tauna c’al a Pablo antse’: ―Yab ca t’aja’ antsana’ ca othna’ ta ba’. Patal huahua’ teje’ u c’uajate.