Versículos Bíblicos Populares relacionados a Тархал 22

Compartilhar

Гьебмехалъ БЕТӀЕРГЬАНАС хӀамие кӀалъазе гьунар кьуна ва гьелъ БилгӀамида абуна: «Щиб квешлъи дица дуе гьабураб, дуца лъабцӀул дун бухизе ккани?» – ян.

Цинги БЕТӀЕРГЬАНАС рагьизаруна БилгӀамил берал, ва гьесда вихьана лъалиниса бахъараб хвалченгун нухда чӀарав БЕТӀЕРГЬАНАСУЛ Малаик. БилгӀам кӀалагъоркье ккана ва гӀодоб нодоги цун накабазда чӀана.

БЕТӀЕРГЬАНАСУЛ Малаикас гьесда абуна: «Сундухъ дуца лъабцӀул тӀатӀала хӀама бухараб? Дун вачӀун вуго дуда данде, мун чӀезавизе, щайгурелъул дур сапаралъул мурадалдаса рази гьечӀо дун.

Амма хӀамица БилгӀамида абуна: «Жакъа къоялде щвезегӀанги гӀумруялъго мун ваччараб дур хӀама гурищ дун бугеб? БукӀанищ дир киданиги гьадинаб гӀамал?» «БукӀинчӀо», – ян жаваб кьуна гьес.

БилгӀамица жаваб кьуна: «Дун гӀабдал гьавизе лъугьун бугогури мун! Дихъ кодоб хвалчен букӀарабани, гьабсагӀатго чӀвалаан дица мун!»

БЕТӀЕРГЬАНАСУЛ Малаик вихьараб хӀама бегана БилгӀамида гъоркь; Цинги БилгӀамил квешго ццин бахъана ва гьес нахъеги тӀилица бухана хӀама.