Versículos Bíblicos Populares relacionados a Левит 26

Compartilhar

Дун нужгун вукӀина – нужер Аллагьлъун; нуж Дир халкълъун рукӀина.

Дица нужее жиндир заманалда цӀад базабила – ракьалъ хӀалухъенги гьарзаго кьела, гъутӀбузда пихъги гӀемераб бижила

Дир къанунал тӀуразаруни ва Дир амрабазда рекъон хьвадани

Дица ракълилаб гӀумру кьела нужер улкаялъе: нуж парахатго кьижила ва сардил хӀинкъи нужее букӀинаро. Дица нужер ракьалдаса гӀалхул жанаварал нахъе рачахъила, ва тушманасул хеч нужер ракьалде гӀунтӀиларо.

Цинги Дун нужехъ валагьила лъикӀлъиялъе, лъимал гӀемерал кьела ва нужергун гьабураб Дирго КъотӀи тӀубазабила.

Дун вуго БЕТӀЕРГЬАН, Мисриялъул лагълъиялдаса тархъан гьарун, гьениса нуж нахъе рачарав нужер Аллагь. Нужер горбода бан букӀараб бакӀаб лагълъиялъул рукь бекана Дица ва нуж борхатго бетӀерги ккун хьвадулеллъун гьаруна.

Дица Дирго Мукъадасаб Рукъ бала нуж ругеб бакӀалда ва нуж рехун теларо.

Нужеего гьересиаллагьзаби гьаруге. Жидее сужда гьабизелъун, киналгӀаги суратал, мукъадасал хӀубал, ялъуни рекӀкӀарал ганчӀазул сипатал нужерго ракьалда эхетуге, ва гьезие лагълъи гьабуге. Дун вуго БЕТӀЕРГЬАН, нужер Аллагь.

ЦӀияб хӀалухъен бакӀаризе мех щвела, амма араб соналъ бижараб жеги гӀорцӀизегӀан кваназе гӀураб букӀина нужее; гӀемерлъиялъ гьеб нахъе базе ккезе буго.

Щугояс нусго чӀвала, нусгояс анцӀазарго чӀвала: нужер хвалчабаз чӀван гӀодор лъела нужер тушбаби.

цӀибил барщулеб заманалдаги лал тӀами лъугӀиларо, рекьари байбихьизегӀанги бакӀаризе цӀибил букӀина. Гьебмехалъ гьарзаго кваназе квенги хӀинкъи гьечӀеб парахатаб гӀумруги букӀина нужее.

Тушбаби нужехъа лъутила ва нужер хвалчабаздалъун щапила.

Дир шаматкъоял тӀуразаре ва Дир Мукъадасаб Рукъалъул адаб гьабе. Дун вуго БЕТӀЕРГЬАН.