Versículos Bíblicos Populares relacionados a I MATIU 24

Compartilhar

Ka hangano koteti-tetiangino anu humapu Ira i Ue, onaemo ka i gagi luuntu pompehohawano hadio mia. Sine mia anu mompetea hawe pokotampulaano ta tekadudui.

Ka Lele Mawongkoa Poparentaa andio ta pinalele i asa wawontolino gagi sakosii a luwuno tongku, umarino atuu ka i'amba hawe pokotampulaano.”

Komiu mporonge runduno peteaa ke lele mongkona peteaa. Sine impetangkoro si medanggara; hangano luwuno atuu asalakono ta gagi, sine atuu napi tampulaano.

Hangano tongku ta mentade umewaio tongku, ka poparentaa umewaio poparentaa. Ta hina mokoninggoa ka leelu a ba opia po'ianga. Sine luwuno atuu da pompu'uano marasaia ta haweano tempo wo'ohu.

Langi ka tolino ta moliu, sine pau-Ku nahi ta moliu.

Hangano hadio mia ira mehawe mpeneeako nee-Ku ka dompotae: Ongkuemo i Mesia, ka ta hadio mia pinopo'oodo.

I tempo atuu komiu mempineweengako ka imebinobarasai, ka komiu mempinepate ka ira me'o'aliaakomiu luwuno tongku hangano nee-Ku, ka ta hadio mia anu mebungkui Ira Ue Ala ka ira mambe peweengako ka mambe o'aliaako. Hadio nabi mpegaupi ira mehawe ka mpompopo'oo hadio mia.

Sumangki Ira i Yesu ndi ondae, ”Impetangkoromo ka si dompopo'oo komiu mia!

Onaemo pu'uno, omiu mbo'u impepatinda, hangano i Ana Manusia hawe a tempo anu nahi mekoo-kooo.”

Onaemo pu'uno impetangkoromo, hangano nahi imento'orio a oleo isua Dohawe Uemiu.

Sine mongkona oleo ka tempo atuu nahina maupo te'asa mia anu tumo'orio, luwuno mala'eka i suruga naahi, ka maupo Ana naahi, butu Ondae i Ama asa-asa-Do.”

Hangano mia mpompe Mesi-mesia ka mpompe nabi-nabi ira mehawe ka ira mpoweweu hadio petondoni anu langkai ka anu mengkinohali-haliako, ranta ba mansa domempolio mopo'oo ira mbo'u mia mebininiki.

”Hangano ba kana'umpe butu a tempono i Noho, kanatuu koa mbo'u teweweuno te'ipua a hawea-Do i Ana Manusia. Hangano ba kana'umpe ondae i tempono napi lolowi dompongkaa ka mpo'inu, mpekombia ka mpompopokombia, hawe a oleo pewinsono i Noho a laro bangka, ka nahi domponto'ori hapa-hapa, napi hawe lolowi atuu ka mokotampula ira luwu, kanatuumo mbo'u teweweuno te'ipua a hawea-Do i Ana Manusia.