Versículos Bíblicos Populares relacionados a Rom 3

Compartilhar

Nabiina maama tusi ye ba ware ba maŋe de Wɛ paare dem. Wɛ nam tɔge o zaane dem baŋa ne mo o pae se nɔɔna na chega o tei ne, Yezu Krista na ŋwe ba wɛleera jene o ma jwoŋi-ba to ŋwaane. Wɛ pae nɔɔna o zaane dem zɛɛra mo.

Ko nam ye nɔɔna na ke ba wo-dedoa de Yezu Krista tei to ŋwaane mo Wɛ pae ba jege chega o tei ne. Balo maama na ke ba wo-dedoa ba sɛ Yezu Krista to wó na chega Wɛ yiga ne, kolo ŋwaane nɔɔna maama ye bedwe mo o tei ne.

O ma pa se Yezu ba o ji kaanem. O jana bam na nwoŋi konto to, o wane o saare nɔɔna wɛleera Wɛ yiga ne, ba na jege wo-dedoa ded‑o to ŋwaane. Wɛ ke konto mo se ko bere we o ye chega tu. Faŋa faŋa to o déem jege o tete mo ye o ba ke nɔɔna wɛleera o boboŋa ne se o chɔge-ba ya ŋwaane. Ko daare leile konto mo Wɛ bere we o ye chega tu de o na jwoŋi nɔɔna ba wɛleera wone ye o pa ba na chega o tei ne to. Konto maa bere we Wɛ jege chega ye o ta pae se balo maama na ke ba wo-dedoa de Yezu to de jege chega o tei ne.

Wɛ ni-kaana yam pae se nabiina lɔre we ba ke ba tusi. Nɔɔno ná maŋe o yɔɔre o tɔge-ya tei, konto bá wane ko pa o na chega Wɛ yiga ne.

Ko popone Wɛ tɔnɔ kom ne we: “Nɔɔn-nɔɔno tera o na jege chega Wɛ tei ne, de nɔɔno dedoa de. Nɔɔn-nɔɔno tera o na lɔre swa chekke. Nɔɔn-nɔɔno tera o na lage Wɛ se o zuli‑o. Nɔɔna maama mɛ ba kwaga ba ya Wɛ, ye ba maama tusi. Nɔɔn-nɔɔno tera o na ke lanyerane, de nɔɔno dedoa de.

Kokuri dé yei we nɔɔna wó na chega Wɛ tei ne ba wo-dedoa kam ŋwaane mo, ye ko dae ni-kaana yam tɔgem ŋwaane.

Kɔtaa. Nɔɔna maama ná maŋe ba ye vwa-nyena, Wɛ jege se o ta taa ye chega tu mo. Ko popone Wɛ tɔnɔ kom ne we: “Nmo jege chega de nmo na ŋɔɔne taane delo to. Nmo ná bore nɔɔna taane, n ta jege chega mo.”