Versículos Bíblicos Populares relacionados a Rom 16

Compartilhar

Wɛ wolo na pae nɔɔna bochare-zuru to bá dáane se o ba o chɔge setaana pɛ wom nenɛɛne á na kwei á nɛ á nɔ o baŋa ne tei to. Dé Teiru Yezu zaane dem taa wo abam tei ne.

A nu-bia bam, a lage a kwoori abam se á fɔge á che á tete de balo na pɔɔre nɔɔna pa se ba jaane daane ye ba to tusim wone to. Banto nam mo yaale berem delo abam na maŋe á lɔre to. Konto ŋwaane yɔɔre á nyaŋe-ba.

Nɔɔna bam konto dwoŋi ba tɔge dé Teiru Yezu Krista na lage kolo to, ye ba daare ba tɔge ba fera na zoore wonnu telo to. Ba yeini ba ŋɔɔne botare-ywei mo, ye ba ma ni-sone ba gane balo na ba jege swa to ba pipiri ba boboŋa.

Dé ke Wɛ lei. Wonto dam dem mo pae á fɔge á zege lanyerane de á na sɛ Wɛ kwor-ywoŋa kalo amo na tɔɔle Yezu Krista ŋwaane to. Konto mo abam laam tu á lɔre Wɛ chega kalo déem na seigi o wone faŋa faŋa to. Leile konto Wɛ tɔge o sampwori sem déem na popone wonnu telo ba tiŋi to ŋwaane o ma pa se o chega kam konto ba ka lɔre jaja. Wɛ wolo na jege ŋwea se ko taa vei wuu to laam mo pɛ ni se logo baŋa dwi maama na chwoŋa ba lɔre o chega kam, se ba daare ba ke ba wo-dedoa ded‑o ye ba tɔge o ni. Wonto yerane mo ye swa maama tu ye o ba jege dwoŋi. Zula taa wo o tei ne Yezu Krista ŋwaane se ko taa vei wuu. Dé ke Wɛ lei. Ameena.