Versículos Bíblicos Populares relacionados a Hiburu 12

Compartilhar

Debam laam lɔre faŋa faŋa Wɛ nɔɔna bam na ye kɔgɔ kɔgɔ ye ba gilimi debam ba nii tei to. Ba chega kam maa bere debam Wɛ na woli-ba tei, ba na jege wo-dedoa ded‑o to ŋwaane. Konto ŋwaane, pa-na se dé yage wo-yɔɔro telo maama na daane debam pa se dé ware dé tɔge Wɛ lanyerane to. Pa-na dé le wo-lwanno telo na ye wɛleera ye te jege dé yera to dé yage, se dé daare dé vɔ pu-dɛa dé kwaane dé duri dé tɔge chwoŋa kalo Wɛ na tiŋi o pa debam to. Pa-na se dé yɔɔre dé taa nii Yezu seeni. Wonto nam mo bere debam dé na wó taa jege wo-dedoa de Wɛ tei to, ye o pa se dé taa jege wo-dedoa taa, se dé ja dé vo dé kweeli. O déem vɔge pu-dɛa mo ye o yaare o te dagara kam yuu ne. O wo pɛ se chaveera ja‑o ko ŋwaane, kolo ŋwaane o nɛ we Wɛ tiŋi ywoni mo se o pa‑o. O laam ma daare o vo o jeini Baŋa Wɛ paare yituŋu kom jazem seeni.

Ko ná ye á koresem maŋa kam ne, ko yeini ko pa á wo chɔge mo ye á ba jege wopwolo. Ko kwaga ne, zwɛ vaŋem dem wó zeini balo de na pɛ ba korese to pa se ba na nyɔɔre, de ba ŋwea na jege chega de bochare-zuru tei to.

Kwaane-na se á ta‑á zoore dedaane nɔɔno maama de ywoni, se á kwori á ta‑á jege wo-pwoŋo Wɛ yiga ne, kolo ŋwaane, nɔɔno ná ba jege wo-pwoŋo, o bá wane o na dé Teiru Wɛ.

Boŋe-na á nii Yezu na tiini o vɔ pu-dɛa de nɔn-chechɔgero na jege‑o ba yaale tei to. Á yé pa se jawɔrɔ zo abam se á yage Wɛ chwoŋa tɔgem.

Wɛ nam pɛ se dé tɔge dé di paare delo na bá wane de ziziŋi to mo. Konto ŋwaane dé wó ke‑o lei. Dé maa wó pa‑o zula yalo na tɔge o boboŋa to, ye dé taa kɔre‑o lanyerane

Abam ná nɛ yaara, se á pa ko taa ye á Kwo Wɛ mo korese abam o de chwoŋa ne. Á na ye Wɛ bia to mo pae o ke abam konto dwoŋi. Bu tera ye o kwo bá vaŋe o zwɛ se o pa o korese.

kolo ŋwaane debam Tu Wɛ nye de min-fɔrɔ kolo na di wo-yɔɔro maama to mo.

Dé logo baŋa kwoa bam yeini ba vaŋe dé zwa bena fenfee yerane mo se ko maŋe de ba boboŋa na lage tei to. Dé Kwo Wɛ nam ke konto se ko woli debam mo, se dé wane dé tɔge dé taa ye wose, ne wonto na ye tei to.

Abam na yeini á kwaane se á chɔge wo-balwaaro dam tei to daa ta wo yi se á na toone nɔɔna tei ne.