Versículos Bíblicos Populares relacionados a Hiburu 10

Compartilhar

Á yé pa se dé yage ka-taa-gilimi-daane Wɛ zula ŋwaane, ne badaara na ke tei to. Nam kwaane-na se á woli daane se ko pa á yera poore. Á na lɔre we dé Teiru wom dɛ dem lage de yi to, se á tiini á ta‑á ke konto.

Pa-na se dé taa yei da-ni ne, se dé taa zeini daane, ye dé jege da-swono, ye dé ke keim-laaro.

Pa-na se dé bere we, dé jege teena Wɛ tei ne ye bobwea tera. O nam tiŋi o ni o pa debam, ye o bá fɔge o kwane-de.

Á jege se á zege lanyerane de pu-dɛa, se á wane á ke Wɛ boboŋa na lage tei to, se á daare á jwoŋi wo-laaro telo o na pwooli se o pa abam to.

Konto ŋwaane, pa-na se dé fofɔ de yi Wɛ tei de boboŋ-ŋona, de baare delo na bere we dé jege wo-dedoa de Wɛ to. Wɛ fɔge dé bochara pa se dé daa ba boŋa we, dé wɛleera ta wo dé yuu ne, ye dé yera na zarem de na-ŋona. Konto ŋwaane mo dé jege baare se dé zo Wɛ tei.

Á nam yé yage á na jege baare tei to. Kokuri de lage de pa á na nyɔɔre dedɛ Wɛ tei ne.

Nɔɔno ná lɔre Wɛ chega kam ye o ke-ka o boboŋa ne, ye o ta ná yeini o paale o ke o tusa, kaanem daa bá taa wora de na wó pa kotu wɛleera yam saare. Ko laam daare se foone mo taa jege‑o de Wɛ na lage o ke‑o tei to. Wɛ ná di o taane, o laam wó na chɔgem ye o zo min-fɔrɔ kolo na wó chɔge balo maama na done Wɛ to.