Versículos Bíblicos Populares relacionados a إنجيل متّى 24

Compartilhar

وْمن كترة الشَّرّ، غادي تبرد المحبّة د بزّاف. وَلكن الّي كيصبر حتّى نالنهاية، هَداك هُوَ الّي غادي ينجا.

وْغادي يبشّرو بْهَد الإنجيل د المُلك في الدنيا كاملة شهادة نالأُمَم كاملين، وْعاد غادي تجي النهاية.

وْغَد تسمعو بالحروب وْخبار الحروب. شوفو ما تخافو شي، حيت لازم يوقع هَد الشي، وَلكن باقي ما وصلَتْ شي النهاية.

حيت غادي تنوض أُمّة على أُمّة وْممْلكة على ممْلكة وْغادي يكون الجّوع والوَباء والزنازل في مواطع مخْتَلفة. وَلكن هَد الشي كامل هُوَ البداية د الوجاع.

السما والأرض غادي يتحيّدو، وَلكن الكلام ديالي ما عُمرو غادي يتحيّد.

حيت غادي يجيو بزّاف بِاسمي ويقولو: «أنا هُوَ المسيح،» وْغادي يتلّفو بزّاف د الناس.

في ديك الساعة غادي يدفعوكُم نالعداب ويقتلوكُم وْتكونو مكْروهين عند الناس كاملين بْسباب اِسمي. وْغادي يعترو بزّاف د الناس في ديك الوقت ويـبيعو بعضيّاتوم ويكرهو بعضيّاتوم. وْغادي ينوضو بزّاف د الأَنْبياء الكدّابـين ويتلّفو بزّاف د الناس.

ردّ يَسوع وْقالّوم: "ردّو بالكُم باش ما يتلّفكُم حتّى شي واحد.

على ديك الشي كونو حتّى أنتُمَ مسْتَعدّين، حيت اِبن الإنسان غادي يجي في الساعة الّي ما كَتْظنّوها شي.

على ديك الشي بقاو أنتُمَ فايقين، حيت ما كَتْعرفو شي فاش من نهار غادي يجي الرَّبّ ديالكُم.

وَلكن ديك النهار وْديك الساعة، ما كَيْعرفوم حتّى واحد، لا الملائكة الّي في السما، ولا الاِبن، غير الآب بوحدو.

حيت غادي يظهرو مُسَحاء وأَنْبياء كدّابـين، وْغادي يعملو علامات وْعجايب كبيرة باش يتلّفو حتّى المخْتورين، إدا قدرو.

المجي د اِبن الإنسان غادي يكون فحال ما كان في أيّام نوح. حيت فحال في الأيّام من قبل الطوفان، كانو كَياكلو وْكَيْشربو وْكَيْجوّجو وْكَيْتجوّجو حتّى النهار الّي دخل نوح نالفُلك، وْما عرفو شي شنّو غادي يوقع حتّى جا الطوفان وادّاهُم كاملين. هَيدا غادي يكون في المجي د اِبن الإنسان.