Versículos Bíblicos Populares relacionados a إنجيل متّى 21

Compartilhar

وْكُل ما كتطلبو في الدعاء بالإيمان غَد تقبطوه."

ردّ يَسوع وْقالّوم: "كنقول لكُم الحقّ، إدا كان عندكُم إيمان وْما تشكّو شي، ما غادي شي تعملو الّي وقَع نالكرْموسة وْكان، وَلكن إدا قُلْتو نْهَد الجّبل يتحيّد ويتسيّب في البحَر، غادي يكون ديك الشي.

والناس الّي سبقو والّي تبعو كانو كَيْغوّتو وْكَيْقولو: "أُوصَنّا نْبِن داود! مبْروك هُوَ الّي ماجي بِاسم الرَّبّ، أُوصَنّا في العلو."

وْقالّوم: "مكتوب، «الدار ديالي غادي تْتسمّى بيت الصلاة،» وانتُمَ ردّيتوها مغارة د السرّاق!"

"قولو نْبنْت صِهْيون: راه المَلِك ديالك ماجي نْعندك متواضع وْراكب على حمارة وْدحش، ولد الحمارة."

قالّوم يَسوع: "واش عُمركُم ما قريتو في الكتوبة: «الحجْرة الّي رفضوها البنّاية، هي رجعَتْ راس القنت. الرَّبّ هُوَ الّي عمل هَد الشي، وْهُوَ عجوبة في العينين ديالنا؟»

على ديك الشي كنقول لكُم بلّي مُلك اللّٰه غادي يتزوّل لكُم وْغادي يتّعطى نواحد القوم الّي غادي يجيبو الغلّة ديالاْ.