Versículos Bíblicos Populares relacionados a كورِنثوس الأولى 2

Compartilhar

وَلكن كيفْما هُوَ مكْتوب: "الأُمور الّي ما شافتاْ شي العينينة وْما سمعَتاْ شي الودنينة وْما تصوّرَتْ شي في العقل د الإنسان، هي الّي وجّداْ اللّٰه نِلّي كيحبّوه."

وَلكن الإنسان الطبيعي ما كيقبل شي الأُمور الّي ماجّة من روح اللّٰه، حيت بالنسبة لِلو ديك الشي حماقة. وْما يقدر شي يفهماْ، حيت هي كَتْـتميّز بْطريقة روحيّة.

وَلكن اللّٰه بيّن نّا هَد الشي بالروح ديالو، حيت الروح كيـبحت كُل شي حتّى العمق د اللّٰه.

وْحنايَ ما ادّينا شي روح الدنيا، وَلكن ادّينا الروح القُدُس الّي كيجي من عند اللّٰه باش نعرفو الأُمور الّي اتّعطات نّا من عندو بالنعْمة ديالو،

والكلام والتبْشير ديالي ما كانو شي بالكلام المُقنع والحكمة البشريّة، وَلكن بْبُرْهان الروح والقوّة، باش ما يتبت شي الإيمان ديالكُم بالحكمة البشريّة، وَلكن بْقوّة اللّٰه.