Versículos Bíblicos Populares relacionados a Génesis 35

Compartilhar

ca 'naaco' queso'maxare: Ỹim ná'maq ỹim qota'olec sqaica lqalanec; 'xoic ma'le ca qachaalaxai'pi chaqai ca qauachi'ipi. Qami' chicqochigui ma'le ca 'xoic ỹoreta'oguit qomyipi, ca' queca qachaalaxai'pi 'ue ma'le ca chicqaugui nashillipi. Chaqai na 'laua saanem na'le so Abraham chaqai so Isaac, qai'neeta saanem qami' ma'le, ca ma' imeuo qami', ca lotqai saanem na qachaalaxai'pi.

Se ñaỹaloxonaq quiyim saxague da Betel, ma' queda ma'le, ca' so'uet aca icopatoxonaxalate quiyim ñqouagaxainot ñi qota'olec ñí'maq yotauan na' yiuocqotac chaqai ycoỹaretegueñi quecá'maq seueta'gue.

'naaco': Qami' qadeenaxachi' Jacob, qam nagui, ca' tot qadeenaxachi' da'maxare; ca' nagui, ca' qadeenaxachi'o' Israel. Ca' co'na' ime qaỹadalaxat da leenaxat so'maxare quiñi qota'olec

Co'na'le, ca 'naaco' so Jacob queso llaalqaipi chaqai quesá'ogue so liỹaripi: —Naqachiuec ná'ogue na nqolaqaipi hueeto'oto qamiri. Nachillii, chaqai dalaxachii' naua qatoohi.

Ñi qota'olec 'naaco' na'le queso Jacob: —Ne'laxachirishiguim, ca' qui', ca ñira'ño' ma'le yi Betel. Ca' quiyi ma'le, ca' no'xoñirishiguim aca ncopatoxonaxalate quiyim ỹovita nqouagaxaiñitot ñi qota'olec ñí'maq nauanchiguit na' 'iichisa'piguit ca rqaỹa'e' Esaú.

Qam aso'maxare mashic ileuetac, ca' quesó'maq co'uaataxanta lacatoqui', ca ỹanco' Benoni, llaalec da i'xoric, só'maq llaalec, 'eno'm só'maq leta'a ỹanco' leenaxat Benjamín, loqo'm ỹoic llaalec.