Versículos Bíblicos Populares relacionados a Barnwyr 16

Dyma hi’n gweiddi, “Mae’r Philistiaid yma, Samson!” A dyma fe’n deffro, gan feddwl, “Gwna i yr un peth ag o’r blaen, a chael fy hun yn rhydd.” (Doedd e ddim yn sylweddoli fod yr ARGLWYDD wedi’i adael e.)

A dyma Samson yn gweddïo ar yr ARGLWYDD, “O Feistr, ARGLWYDD, cofia amdana i! Gwna fi’n gryf dim ond un waith eto, O Dduw. Gad i mi daro’r Philistiaid un tro olaf, a dial arnyn nhw am dynnu fy llygaid i!”

A dyma fe’n dweud popeth wrthi. “Dw i erioed wedi cael torri fy ngwallt. Ces fy rhoi yn Nasaread i Dduw cyn i mi gael fy ngeni. Petai fy ngwallt yn cael ei dorri, byddwn yn colli fy nghryfder. Byddwn i mor wan ag unrhyw ddyn arall.”

Roedd hi’n dal ati i swnian a swnian ddydd ar ôl dydd, nes roedd Samson wedi cael llond bol.

“Gad i mi farw gyda’r Philistiaid!” gwaeddodd. Roedd yn gwthio mor galed ag y medrai, a dyma’r adeilad yn syrthio ar ben arweinwyr y Philistiaid a phawb arall oedd y tu mewn. Lladdodd Samson fwy o Philistiaid pan fuodd e farw nag yn ystod gweddill ei fywyd i gyd!