Versículos Bíblicos Populares relacionados a 2 Timotheus 1

Dydy Duw ddim wedi rhoi ei Ysbryd i ni fod yn llwfr, ond i’n gwneud ni’n gryf, yn llawn cariad ac yn gyfrifol.

Mae Duw wedi’n hachub ni a’n galw ni i fyw bywyd glân. Wnaethon ni ddim i haeddu hyn. Duw ei hun ddewisodd wneud y peth. Mae e mor hael! Mae e wedi dod â ni i berthynas â’r Meseia Iesu. Trefnodd hyn i gyd ymhell cyn i amser ddechrau

Dyna pam dw i am i ti ailgynnau’r fflam, a meithrin y ddawn roddodd Duw i ti pan wnes i osod dwylo arnat ti i dy gomisiynu di i’r gwaith.

Felly paid bod â chywilydd dweud wrth eraill am ein Harglwydd ni. A phaid bod â chywilydd ohono i chwaith, am fy mod i yn y carchar am ei wasanaethu. Sefyll gyda mi yn nerth Duw, a bydd yn fodlon dioddef dros y newyddion da.

Dyna pam dw i’n dioddef fel rydw i. Ond does gen i ddim cywilydd, achos dw i’n nabod yr un dw i wedi credu ynddo. Dw i’n hollol sicr ei fod yn gallu cadw popeth dw i wedi’i roi yn ei ofal yn saff, nes daw’r diwrnod pan fydd e’n dod yn ôl.