Versículos Bíblicos Populares relacionados a Romete 12

Hi leitung pianzia zil in na om heak vun a, na thinsung uh kikhealthiangna taw Pathian in na sungsang uh panin na puuathaksak sitset vun. Tua hile a pha, dik a sak kicing a sak Pathian ii deinate na he tu uh hi.

Tua ahikom suapuite awng, Pathian ii a lian mama hong hesuakna hu in hi bangin note tungah kong ngen hi; noma le noma Pathian tungah a hingtang biakpiakna in kinei tavun a, ama ii dik a sak naseam tu in na ki aap tavun. Na piak tu uh biakna maan sia hisia ahi hi.

Na lametna in hong lungdamsak tahen a, ngim ngana sungah thinsau tavun. Tuaciang a tawntungin thungen tavun.

Siatna in zosak heak vun; siatna sia phatna taw na zozaw vun.

Khat le khat Tapidaw unau khat bangin ki it in, khat le khat kizatak vawt vun.

Ki itna in thin tak ahi tu thupi hi. A sia theampo ensan vun a, a pha ci theampo keamcing tavun.

Mihing theampo taw kilem a na nuntak thei natu in, noma sang panin na vawt thei theampo na vawt vun.

Lawmte awng, phu kilam heak vun. Pathian thin uukna ii a sep tu in koi zaw vun. Banghang ziam cile laithiangtho in, “Phu ka lam tu a, ka thuk kik tu hi, Topa in ci hi,” ci hi.

Nasep hanciam vun a, datham heak vun. Thinsung bup kipiakna taw Topa atu seam vun.

Tuaciang Pathian ii thuthiamna letsong hong piak hu in, note theampo tungah hi bangin kong ci hi: Noma le noma a kilawm za sangin a saangzaw in na kingaisun heak vun. Tua hi ngawl zaw in, na khua ngaisutna sungah na hina bangin kingaisun tavun, tuaciangin mihing sim in Pathian piak upna za taw khat tek kisitna nei tahen.

A sia in hong vawt a om le a sia taw thuk heak vun. Mihing theampo ii pha hi ci in a ngaisutte sep tu hanciam vun.

A kuama theampo atu a kibangin thinbotna na nei vun. Kiphasak heak vun a, nasep a niamte zongh seam thada heak vun. Noma le noma ciim kisa heak vun.

Laithiangtho ii ci bangma in phulam luangin, “Na ngalpa a ngil a kial le an na vaak in, a dang a ko le a dawn tu khat na pia in, banghang ziam cile hi bangin na sep hu in, a maizumna in meikaang bangin kaangh tu hi.”

Hong vawtsiate thupha a saan natu in Pathian munah thungetsak vun — hi hi, Pathian in haamsiat ngawlin thupha a piak natu ngen vun. A lungdamte taw na lungdam khawm vun a, a kapte taw na kap khawm vun.

Na neisa uhte na suapui a cimaw na Tapidaw puite hawm vun a, khualmite zindo tavun.

Ih pumpi sungah na tam mama om hi, tuaciang hi nate in sepna tuatuam tek nei uh hi. Tuasia bangma in eite mihing tam ih hi hangin Christ sungah kipawlin pumkhat ih hi hi. Khat le khat pumpi sung nate bangin ih kizom hi.