Versículos Bíblicos Populares relacionados a Rom 5

Compartilhar

Àsi Ŋwiye, wì chwi gha zìye kɔ̀ŋ awa icheg ne Yeso Kristo ya ku ina atog ne tì yaya kiri ghiyə inug tibɔ̀ŋ.

Ikɔndi chɔm we ne tì nɔŋi ni ghɔ̀m, chəyi wi biri ghì gha tì bere tìnìrètog imbə̀ʼ icheg ne Ŋwiye fə zì àzi àkɔ̀ŋì inga ìta fìŋ anjìm Azwighi məd ze ne wì nàʼi ina.

Kayi məyi ane. Tì ya bə̀ ywìrè kɔ̀mɔ̀ igo imbə̀ʼ icheg ne te zə̰ ngəʼ. Tì ya kɔ̀mɔ̀ igo imbə̀ʼ icheg ne tè kyèri gha ngəʼ ya ghìyə̀ tì kyère icheg ni nyimi fìŋ. Inyimbifiŋ ya ghìyə̀ gha tì bere ikuchèg chɔm. Ikuchèg chɔm ya ghìyə̀ gha bəd bere ikɔndi chɔm ni ghɔ̀m anug ne Ŋwiye kàʼi.

Icheg ne Ŋwiye fə ghi tì təm kòʼ anjìm ibḛfiŋ, tì fə se ane àbɔrɔ̀bɔd tì Ŋwiye anjìm ìwa Anɔŋisəg Yeso Kristo. À ya anjìm Yeso Kristo ne tì nyi inga ìchɔ̀mì gho̰ ne tì yaʼi inga tèchɔ̀ŋ. Ane, tì we kɔ̀mɔ̀ igo nɔ̀ŋɔ̀ ikɔndi ghɔ̀mɔ̀ ni chughi tì Ŋwiye inga kə̀tə̀d məd.

Anyumə̀ ne nyùmə̀ Ŋwiye ya kòʼi, Yeso Kristo ya ku atog abə bəd mbe ne chəyi mbe ghùmnə Ŋwiye. Anyumə̀ we chəyi tì ya kiri beri ika.

Icheg ne anəm Yeso fə ghi tì təm kòʼ imbìghè abə Ŋwiye, à ya kwàʼ ane ne Ŋwiye biri chì àzi agaŋ igun ina anjìm Kristo.

Icheg ne wə̀d imɔʼ ya ghi tìzughə̀ ghì bəd nɔʼ nɔʼ se ghìyə̀ inug tibɔ̀ŋ, à ya bə̀ ane ne wə̀d imɔʼ zùgrə Ŋwiye, bəd nɔʼ nɔʼ si təm kòʼ imbìghè abə Ŋwiye.

Anug kyen ndəŋ ya gha, tì we gyènde abə Ŋwiye anjìm Anɔŋisəg Yeso Kristo ne ghi tì si yaʼ mə̀sə̀ʼ Ŋwiye.