Versículos Bíblicos Populares relacionados a Rom 3

Compartilhar

Aton ya gha, bəd məjìm fə ghì inug tibɔ̀ŋ. Ane, chəyi ywìrè yi ìzḛzḛ njandi njandi Ŋwiye inga inɔb. Ŋwiye fə ghì gha mbe təm kòʼ icheg ne wì bə̀ ghì ìchɔ̀mì inɔb. Ìchɔ̀mì we ya ineʼi ne wì nàʼi inɔb anjìm Yeso Kristo ne wì ya chɔʼi gha wì zeri awɔb.

Ŋwiye fə ghì gha bəd məjìm mbe ne nɔŋi ibḛfiŋ igun Yeso Kristo mbe təm kòʼ ibo imbìghè. Wì ghì ane imbə̀ʼ icheg ne chəyi məd we ghìyə̀ ighə igun bəd.

Ŋwiye ya chà aməd icheg aghi àfàtì ina atog ni ghì gha anəm məd so ìmba inug tibɔ̀ŋ. Ane ya anjìm icheg ne tì nɔŋi ìwa ibḛfiŋ igun Yeso. Ŋwiye ya chwi anjìm inyimbifiŋ gha zìye we ghìyə̀ inug ne koʼi imbə̀ʼ icheg ne anyumə̀ ne chəyi wì ya kiri naʼi mə̀nɔ̀ʼɔ̀, chəyi wì ya chə bəd mbe ne yaya bə̀ ghìyə̀ inug tibɔ̀ŋ. Wì ya ghì ane ni chwi ina amad anìŋ gha zìye Ŋwiye, zìye we ghìyə̀ inug ne koʼi. Zìye we ghìyə̀ gha bəd mbe ne nɔŋi ibḛfiŋ igun Yeso Kristo mbe təm kòʼ.

Chəyi wə̀d mɔ̀ʼɔ angu ne təmi kòʼ imbìghè abə Ŋwiye imbə̀ʼ icheg ne we ghìyə̀ inug ne mə̀nɔ̀ʼɔ̀ gha. Mə̀nɔ̀ʼɔ̀ ya ghìyə̀ bəd kyeri gha mbɔb mbe ghìyə̀ inug tibɔ̀ŋ.

À ya àzewən ne Àŋwàʼrì Ŋwiye gha gha, “Chəyi wə̀d mɔ̀ʼɔ ne təmi kòʼ imbìghè abə Ŋwiye. Chəyi ka wə̀d mɔ̀ʼɔ imɔʼ.” Chəyi wə̀d mɔ̀ʼɔ ne kyeri anug ne koʼi imbə̀ʼ Ŋwiye. Chəyi wə̀d mɔ̀ʼɔ ne kə̀bə̀ ni kyeri Ŋwiye. Bəd məjìm fə bə̀ŋì ìtɔb fìŋ to̰ awɔb Ŋwiye. Mbi fə bə̀ŋə̀ ane ati ako. Chəyi ka wə̀d ne fàʼà anug chɔm. Chəyi ka imɔʼ.

Tè kyèri gha wə̀d ya tə̀mə kòʼò imbìghè abə Ŋwiye ane tengàŋ beri ibḛfiŋ igun Yeso. Kayi imbə̀ʼ icheg ne wì ya ghìyə̀ inug mbe ne yaʼi inga mə̀nɔ̀ʼɔ̀ Muse.

Indèʼ ka! Icheg ne bəd məjìm ya bəd inug ako, Ŋwiye ya kà fàʼà yaʼ anug ze ne wì ya gha. À ya icheg ne mbi ŋwaʼri inga Àŋwàʼrì Ŋwiye gha, “Àghò mə ghàm, ìwe ìngam mənyìʼ du ane tesiʼ. Chəyi anug ako mɔ̀ʼɔ inga ìwe ìngam.”