Versículos Bíblicos Populares relacionados a Rom 14

Compartilhar

Anug ìfɔ̀n Ŋwiye kayi imbə̀ʼ anug ni ya jə̀ghə no. À ya anug ni ghì inug ne təmi kòʼ imbìghè abə Ŋwiye tì ni chughi ane àbɔrɔ̀bɔd tì mə̀mbin fɔrɔ ni bèrì igyendi icheg ne Azwighi Ŋwiye ze nàʼà ika ina. Bəd mə̀ ya fàʼà abə Kristo ane ikuchèg gho̰, nji Ŋwiye biri ya gyènde tì inɔb, bəd bə̀ bḛ gha mbe fàʼ icheg chɔm.

Kə̀, àmə yaʼ aghi ne tì yaʼi izɔm, tì yaʼ izɔm ni ya nàʼà ighumni abə Anɔŋisəg. Kə̀ tì mə ku, à ya ni nàʼ ighumni abə Anɔŋisəg. Ane, kə̀ tì yaʼ izɔm, kə̀ tì ku, mba ya bəd Anɔŋisəg.

Tì ghi ìwa ika ijìm ni fàʼ inug ne ghìyə̀ tì chùghə ane àbɔrɔ̀bɔd fɔrɔ inug ne ghìyə̀ gha ibḛfiŋ təm kà abə wə̀d imɔʼ imɔʼ abɔ̀ʼ ina.

Ane, imbə̀ʼ tì ywiri sɔ̀bɔ awa isaʼi igun wə̀d gha wè gùg anug. Mbə̀ nɔŋɔ inga ìtən fìŋ gha chəyi mbə̀ biri ghì wə̀d mɔ̀ʼɔ abɔ̀ʼ inən gùg anug, kə̀ ghì ìwən ifi kùn feg.

A ze inga Àŋwàʼrì Ŋwiye gha, “Anɔŋisəg gha, Mo ya Ŋwiye ne yaʼi izɔm, ane, wə̀d ijìm biri gɔ̀m itog inwḭ aseg ghùmni amə, wə̀d ijìm biri bə bḛ gha mo ya Ŋwiye.” Wə̀d imɔʼ imɔʼ biri ghum təm imbìghè abə Ŋwiye mə̀tì ìfàʼì mbe ne wì yaya fàʼà igun isəg fɔrɔ aton ne wì ya fàʼi inug mbe.

Mbə̀ niŋ bəd məjìm mbe ne ìwɔb ibḛfiŋ we bɔ̀rɔ, si ya gha, imbə̀ʼ mbə̰ si ya tàŋà awən inug tì inɔb imbə̀ʼ aghi ne mbɔb koʼi ni fàʼ kə̀ aghi ne chəyi mbɔb koʼi ni fàʼ.

Àghò kə we ne sàʼa wə̀d àfàʼì wə̀d ndəŋ? À ya məyi mbaʼ àfàʼì wə̀d beri ni kyeri gha àfàʼì məd kòʼ kə̀ chəyi. Àfàʼì məd biri kòʼ imbə̀ʼ icheg ne à ya Anɔŋisəg beri ika ni ghì gha àfàʼì məd koʼo.