Versículos Bíblicos Populares relacionados a Inug ne si nwḭ̀yḛ̀ 5

Compartilhar

Mbi ya zə̀ʼ ikyeg feg gha, “Àghò taŋ kòʼ ni niŋ àŋwàʼrì ze ne mbe kàri kari chì ìnen, fìʼì. À ya ane imbə̀ʼ icheg ne mbi ya kyemi awe. Ane, anjìm anəm ze ne àghò ya tùti igun azed abaʼri, àghò fə zèri bəd chì inga ngəʼ ghì mbi si yaʼ bəd Ŋwiye. Bəd mbo̰ ne àghò zo̰ ya bəd inga tinəbi ijìm, fɔrɔ inga tìngam ijìm, fɔrɔ inga isiŋi ijìm, bə̀ fɔrɔ inga iben ijìm.

Mbi ya zə̀ʼ ikyeg ane gì ka ka gha, “Ŋwan njə̀g we ne mbi ya kyemi we kòʼ gha mbe naʼa ika ibo, nàʼ ighi ibo, nàʼ iwe ibo, nàʼ ighumni ibo bə̀ nàʼ məyakà ibo.”

Àghò fə ghì mbɔb si yaʼ bəd mbàn ne fàʼà inga àze anug ìfɔ̀n, imbə̀ʼ ni mbi faʼa abə ìwa Ŋwiye. Àghò fə bə̀ ghì gha mbɔb biri tùmbì isəg.”

Mə ya zug gì ighi ijìm mbe ne Ŋwiye ya tangi ikaŋ àbɔ̀ŋɔ, tangi igun isəg, tangi aton isəg, tangi inga tìbà. Mə ya bə̀ zug gì ighi izɔm ijìm mbe ne yaʼi inga inɔb. Ighi mbe yaya zə̀ʼə̀ ikyeg gha, “Mbə̀ nàʼ ighumni, nàʼ məyakà bə̀ nàʼ ika ibo, məd we ne chughi igun atən ifɔn. Mbə̀ bə ghì ane abə Ŋwan njə̀g kwàʼ ane ighə̀m imɔʼ.”

Ane, wə̀d mɔ̀ʼɔ abɔ̀ʼ itog bəd mbe ya ghà inum gha, “Imbə̀ʼ àghò dèghe awe. Nḛ, wə̀d we ne yaʼi icheg Àfɔn inga inəbi Judà, ne yaʼi aghaŋ inga inəbi ifɔn Dèvid, wì fə chè ìmbi bəd ìpàb. Ane, məd kòʼ ni chì isiŋi ìnen mbe ìsàmbe, fìʼì àŋwàʼrì ze.”