Versículos Bíblicos Populares relacionados a Jem 3

Compartilhar

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

Wə̀d ne beri iwe bə̀ kyèri inug ijìm abɔ̀ʼ inən àkə we? Tengàŋ chwiti yaʼ ikuchèg chɔm fɔrɔ tìghinùg chɔm abə bəd bə̀ swi ìwi nyɔd aseg ni chwi gha məd ya wə̀d ne beri iwe.

Bəd mbe ne ghìyə̀ inug ane àbɔrɔ̀bɔd bə̀ ghìyə̀ gha bəd chughi ane àbɔrɔ̀bɔd, à ya mbɔb mbe wètè ni ghì gha bəd ya ghìyə̀ inug ne təmi kòʼ.

Bəd mə̀ ya bèrè ìdɔ̀b kə̀ ya sìyè, ze ya nàʼà àbùrì fɔrɔ tiku inug tibɔ̀ŋ nɔʼ nɔʼ inga ìwɔb inɔ̰.

Tì we nìŋə inemi ghùmnə Anɔŋisəg, ìwa Mbaʼ inga. Tì we bə̀ nìŋə inemi zìyè ndɔ̀n igun bəd ne Ŋwiye tàngi mbi fug aməd. Ìngam ighumni fɔrɔ ìngam ndɔ̀n ya dùwə̀ məyi inga ichug we imɔʼ. Ìmbum məfi fɔrɔ ìtum njàbi, kayi icheg ne ze koʼi ni yaʼ we.

Inemi ya icheg iywid. Inemi ya asiŋi nyɔd ne inug tibɔ̀ŋ sweghi inga. Inemi ya chìkə̀ nyàmnyɔd wə̀d ijìm bə̀ tɔ̰̀ ìtḛ̀ wə̀d ijìm. À ya iywid nɔʼ mèg ne biri si tɔ̀n aməd inga asiŋi ichə.

Si ya gha, chəyi tì wə̀d bəŋi inemi ghì wi se zùgrə aməd. À ya kwàʼ aghi tibɔ̀ŋ ne chəyi ze kweʼè zwètè. Inemi ya kwàʼ icheg jo ne cho bəd, zwète.

Ìmbum məfi fɔrɔ ìtum njàbi, imbə̀ʼ mbə̰ nɔʼ nɔʼ si də̀b awən anug ni yaʼ bəd ne chwìte inug. Mbə kyeri gha mbà mbe ne chwìte Ìngam Ŋwiye abə bəd, mbi biri ghum sàʼ awa kwàʼ ane icheg ne ka chè icheg ne mbi biri ghum saʼ bəd ndəŋ.