Versículos Bíblicos Populares relacionados a Mə̀Hibrù 12

Compartilhar

Icheg ne tì beri bəd ndan ndàn ne nḛ̀ awa, ne ya nyimi ìwɔb ibḛfiŋ kwàʼ icheg chɔm, tì waʼ inug ijìm mbe ne kə̰ awa fɔrɔ inug tibɔ̀ŋ mbe ne kə nyìme awa anjìm. Tì nyimbi fìŋ ni nòrò ànòtì ze ne yaʼi ina imbìghè. Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

Anyumə̀ ne mbe chə bəd, ze ya se awɔb. Si ya gha, bəd mbe ne mbi chə awɔb ya bèrè chùd anjìm. Chùd ze ya gha mbi biri si təm kòʼ bə̀ bèrì àbɔrɔ̀bɔd.

Mbə̀ kirə ika ni chughi ane àbɔrɔ̀bɔd ti wə̀d ijìm bə̀ chùghi inga ìzḛzḛ. Àmə chəyi ze yaʼi ane, nji chəyi wə̀d ne biri ghum bàd Anɔŋisəg.

Mbə̀ kɔndi icheg ne məd ya nyìʼi ngəʼ ikye ibo abə bəd inug tibɔ̀ŋ. Mbə̰ mə̀ kɔ̀ndi ane, nji chəyi ìwən ibḛfiŋ biri bɔd ghì mbə chì fìŋ ane Ŋwiye.

Ane, icheg ne te nìŋə anug ìfɔ̀n ne chəyi tì aghi mɔ̀ʼɔ ghì ze ghùd, tì ya nàʼà məyakà abə Ŋwiye bə̀ se ghùmnə aməd ane icheg ne koʼi. Tì ya ghùmnə ane nè bɔ Ŋwiye inga ìta fìŋ.

Mbə̀ nyimbi fìŋ inga ngəʼ ze ne mbə̰ mbe zə̰ icheg ni gha à ya Ŋwiye we də̰̀ awən. À ya icheg ne Ŋwiye we ghìyə̀ tì ìmbi bɔn. Kə̀ ŋwan mɔ̀ʼɔ we wa angu ne chəyi mbaʼ məd we chə aməd ni də̀n aməd anyumə̀ ne wì gùghi anug?

Aton ya gha, “Ìwa Ŋwiye ya icheg iywid ne tì wi tɔ̀n ighi chìkì.”

Ìmba mə̀mbaʼ igun isəg ya chə awa ane icheg ne koʼi inɔb. Mbi ya chə awa ane iki nyumə̀. Àsi Ŋwiye, wì ya chə awa ni wètì awa gha tè təm zen icheg məd.

Mbə̀ kyeri gha chəyi mbə kiri zɔŋi ni ton inug tibɔ̀ŋ ghò pè ane ati ne bəd mbe se kə̀bə̀ ni zweti awən.