Versículos Bíblicos Populares relacionados a Ìfàʼì 11

Compartilhar

Anyumə̀ ne wì ya bàri aməd, wì ya niŋ aməd yèʼe a Antìyɔ̀g. Ane, Bànabàs tì Sɔl yaya nyìme ifeti tì inɔ̰ bəd Kristo we, chwìte inug inɔb anene fituʼ ifibì chuʼ. À ya a Antìyɔ̀g ne mbi ya ko ni kàrì mə̀mə̀nənùg ane bəd Kristo.

Anyumə̀ ne wì ya pe bàd ineni ne chwìye gha Ŋwiye fə ghì ìchɔ̀mì abə bəd a Antìyɔ̀g, wì ya gyen. Wì ya nəri awɔb mbɔb məjìm, ghà inɔb gha, “Mbə̀ fə taŋ nɔ̀ŋì ìtən fìŋ ijìm ni yaʼ ane anug amɔʼ tì Anɔŋisəg Yeso.” Bànabàs yaya kwàʼ wə̀d chɔ̀m ne ya taŋ nɔ̀ŋì ibḛfiŋ igun Ŋwiye. Azwighi Ŋwiye ya bə̀ sweg inga məd. Ane, bəd nɔʼ nɔʼ ne ya zughi anug ne wì yaya ghà ya nɔ̀ŋì ìwɔb ibḛfiŋ igun Anɔŋisəg Yeso, ìwɔb inɔ̰ ywìrì taŋ yètè.

Icheg ne Ŋwiye fə nàʼi ineʼi we ne ya Azwighi məd inɔb kwàʼ icheg ne wì ya bə nàʼ ina, mba mbe ne ya nɔŋi ibḛfiŋ igun Anɔŋisəg Yeso Kristo, mo kayi wə̀d ne tì mə kɔndi gha mə təm ni kən àfàʼì ne Ŋwiye we fàʼà.” Anyumə̀ ne mə̀Ju mbe ya zughi ane, chəyi mbi ya ywirì bìri anug mɔ̀ʼɔ abə Pità. Mbi ya se ghùmnə Ŋwiye gha, “Ane, à ya kwàʼ tesiʼ gha Ŋwiye fə nàʼ apan abə bəd ne kayi mə̀Ju gha mbe bəŋə fìŋ sìkì inug tibɔ̀ŋ, jəg ìtḛ̀.”