1
Romans 8:28
New Testament-et Akuzipigestun
ess
Liisimakaghput Kiyaghneghem sangwaat qamaglluki qepghaghtestaqii qerngiita pinighqelleghqiitnun piniqistemi. Ellnginguut tuqluqii uspeqelleghmitun.
2
Romans 8:38-39
Liisimakngwaaghaqa saam alngunak iqitesnaanghitiinkut Kiyaghneghem piniqellghaneng: talwa tuqullghem, unguvallghem, yaqulget, nalighmeng tughneghaat. Talwa sangwaa saghngaan aghneghmi nalighmeng sivumi agani, nalighmeng aghtughyaghqaanghillghet. Talwa sangwaat qulemnni nalighmeng asimnni. Ulimaaghmi iqitestiyaghqaqraggiituq whangkunneng Kiyaghneghem piniqellghaneng Christ Jesus‑kun Atanemteggun.
3
Romans 8:26
Tawateghpigaq Taghnegham kayusighaqiinkut kayaatellemnni, qayughllak nallukelghiikut naten yughalleghqaqsaqemtestun. Iwernga Taghnegham ellmineng katam yughaataqiinkut Kiyaghneghmun ngillegtelleghllagkun akuzitngunaan.
4
Romans 8:31
Samengꞌngam pinaqesteggu una? Kiyaghneq whangkunnun ayuqngukan, kitumngam tengvimun pilleqinkut?
5
Romans 8:1
Enkaangam kinkut alngunak Christ Jesus‑mun ilatkaakata Kiyaghneghem nanqiggnaanghitii aghyuughyaghqaaluki.
6
Romans 8:6
Umyugaput malighqutaqegkata yugusimta piyukellghanun, tuqullequkut. Iwernga umyugaput malighqutaqegkata Taghneghagnun, Kiyaghneghem unguvallelilleqiinkutlu nekeggmellelilleqiinkutlu.
7
Romans 8:37
Iwernga tamaakut qamaglluki kayaalqengngwaaqaqaput Christ‑akun piniqistemteggun.
8
Romans 8:18
Sumemni ikfiqelleput unguvallemnni inglutepagningitut nighughqelleghmun Kiyaghneghem aliighsaghqaanun whangkunnun.
9
Romans 8:35
Saamngam iqitesleqinkut piniqellghaneng Christ‑am? Seghleliillghaam, piyaqliillghaam, amyuqetaatkellghaam, paneghniqellghaam, aklumallghaam, yakughnaam, nalighmeng tuqutellghaam?
10
Romans 8:27
Kiyaghneghem liisimakii yuget sumeghtaghallghit. Liisimakiillu sumeghtaghallghi Taghnegham, qayughllak Taghnegham yughaatkaqii yugi Kiyaghneghem piyukellghatun ayuqluki.
11
Romans 8:14
Qayughllak tamaakut maghyaghquqii Kiyaghneghem Taghneghagkenka Kiyaghneghem avaqutaqii.
12
Romans 8:5
Tamaakut kiyaghlleghhiit malighqutaqluteng yugusimeng piyukellghitnun, sumeghtaghaatkengnginaghaqiit piyukelleteng. Iwernga tamaakut kiyaghlleghhiit malighqutaqluteng Taghneghagnun, sumeghtaghaatkengnginaghaqiit Taghnegham piyukellghi.
13
Romans 8:32
Ighlekumangitaa ellmi katam Ighneni; itupill tuunegkaqaa aghqutnguluku tamaghhamnnun! Kiyaghneghem tuunumakanginkut Ighneghmineng, taawa ellngakun ighlegpenani tuunelleqiinkut sameng tamaghhaaneng.
14
Romans 8:16-17
Kiyaghneghem Taghneghakek ellmegneng ilatkaaguk taghneghamnnun ungipaannaluta Kiyaghneghmun avaqutaqniluta. Kiyaghneghem avaqutaqutanganeng, Kiyaghneghem pagitistekiinkut, Christ‑amllu pagitistelgutkiinkut. Nighughqellengellequkut Christ‑atun ikfiqegkumta Christ‑am ikfiqellghatun.
15
Romans 8:7
Umyugaput malighqutaqenghata yugusimta piyukellghanun, anguyagwaaqukut Kiyaghneghmun qayughllak qaatkigalkeput Liilightuusii. Ipa qaatkepagningitaput Kiyaghneghem Liilightuusii.
16
Romans 8:19
Ulimaaq qamaglluni utaqiinguuq qelanellelighluni Kiyaghneghmun aliightesqelluki kinkungutangi avaqutii.
17
Romans 8:22
Liisimakaghput whavemun kenlanga iingunaghmi ulimaaq ngillegtengnguuq aqnighqellghatun ighniyulghiim.