1
Acts 2:38
New Testament-et Akuzipigestun
ess
Peter‑em kiimsiqii, “Avuteghqellusi, seghleghqennanighlusi qiivitek Kiyaghneghmun, paaptaayeteklu Aatghakun Jesus Christ‑am, seghleghqellesi seghevutellengesqelluki, enkaam Kiyaghneghem tunusakek Agleghnalghiik Taghneghak allgeghtekek.
2
Acts 2:42
Ugpeqat iiwleng qerngughutngulghiit liinnaluteng apostle‑eneng. Christ‑akun anglegutkullghiistun kiyaghtaaghet, neghaqelghiit, yughaghaqelghiit qerngaghmeng.
3
Acts 2:4
Enkaam Kiyaghneghem imiqii Agleghnalghiigneng Taghneghagneng qamaglluki tawanlenguut. Taghnegham aghtughyaghqaanghilleghmikun akuzistekii nakumiistun.
4
Acts 2:2-4
Taagken nuuskagllagan anuqeghllagestun sulugllagem qilagmeng pamaken ukigluni imiqaa mangteghaq. Taagken llangaqa ulusugnilnguut kenghhaat allgeqat, esghapakiit ilameggnun nekeghqaallghiit. Enkaam Kiyaghneghem imiqii Agleghnalghiigneng Taghneghagneng qamaglluki tawanlenguut. Taghnegham aghtughyaghqaanghilleghmikun akuzistekii nakumiistun.
5
Acts 2:46-47
Aghhutanga tamaghhaan qerngughutaqelghiit Temple‑mi. Neghelgutengllaghaqluki ilateng, quyakusiqinaghluki neqeteng upughatusiqaqegkangit. Kitumun alngunak piniqnighllaget, usuqumanginaghaqegkangatlu Kiyaghneq. Aghhutanga tamaghhaan Atanghem yugulingukangi yuget, enkaam ugpeqat nulamanginaqat.
6
Acts 2:17
‘Kiyaghneq pikaaguq, Kingulighni aghneghni Taghneghagka kayagsaghqaqagka tamaghhaanun yugnun. Enkaam ighnesi, panisi uuknaliqsaghqaagut, nukalpigasi esghaghwaaghyaghqaagut, nanevgasi qavangughyaghqaagut.
7
Acts 2:44-45
Ugpeqat qamaglluteng nagneqaalghiit ataasistun, saghyateng atunem atuqluki. Akikluki nunatengllu saghyatengllu, allgeghtateng manit tuunaqegkangit sameng aklulghiinun.
8
Acts 2:21
Iwernga aghneq taana kaatestegpenaan, kina alngunak seghevutesqelghii Ataneghmun yugulillengyaghqaaguq.’ Tawaten Joel uuknaliqegkaaguq.
9
Acts 2:20
siqiineq mamlegsaghqaq, tanqiq kavighsaghqaq aawestun. Tamaakut kingungitneng megnunapiglleghhii Atanghem nanqigtivigkaa aghneq piyaghqaaguq.